SAN MATEO 23:29 - Lengua Sur (Enxet) Nuevo Testamento

²⁹ “¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa!, hakte kéxegke kéltaha kélláneso takhaxpop apagkok ma'a ektaha axta apkellegaso Dios appeywa, kéxegke nahan kélnáxegkáseykha m'a énxet apkelpéwomo takhaxpop apagkok nak,

SAN MATEO 23:29 Referans Kwoze

LOS HECHOS 2:29

“Elyáxeg, emenyék altennaksek sekxo' yetlo magweyseykekxa axének ma'a apketsapma axta egyap nano' David, tén han ma'a kélatawañama axta, tén han ekyetnama makham takhaxpop apagkok negyeseksa negko'o.

SAN MATEO 23:27

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa!, hakte máxa kéxegke tegma apketkók takhaxpop kélmópesamol'a, aptásek katnehek apyempe'ék, keñe m'a kañe', kalánhok apexchakkok ma'a ektaha nak apkeletsapma, tén han ma'a ekyókxoho ektémakxa nak ektahapma.

SAN MATEO 23:28

Cháxa kéltémakxa nak kéxegke xa, máxa kóltehek ektakmela enxoho kéltémakxa nápakta'awo' énxet'ák, keñe kalánhok kélmeyókásamáxkoho kélagko' kéltémakxa m'a kañe' kélwáxok, tén han ma'a ekmaso nak kéltémakxa.

SAN MATEO 23:30

kóltehek cha'a kéxegke kélpeywa s'e: ‘Negheykha axta agkok negko'o m'a apheykegkaxa axta ẽlyepmeyk nano', mampasmek axta m'a apkelnapma axta énxet'ák Dios appeywa apkellegaso.’