SAN MATEO 23:28 - Lengua Sur (Enxet) Nuevo Testamento

²⁸ Cháxa kéltémakxa nak kéxegke xa, máxa kóltehek ektakmela enxoho kéltémakxa nápakta'awo' énxet'ák, keñe kalánhok kélmeyókásamáxkoho kélagko' kéltémakxa m'a kañe' kélwáxok, tén han ma'a ekmaso nak kéltémakxa.

SAN MATEO 23:28 Referans Kwoze

SAN LUCAS 16:15

Aptahak axta apkeláneya Jesús se'e: “Máxa cha'a kéltemék kéxegke ektakmela kéltémakxa nápakta'awo' énxet'ák, apya'ásegkok eyke Dios ektémakxa elchetamso kélwáxok kéxegke. Aksok apkenagkama nak katnahak ektakmela agko' énxet'ák, cháxa megkaleklama nak apwáxok Dios xa.

SAN MATEO 23:5

Exekmóshok nahan cha'a énxet'ák ma'a ekyókxoho aksok apkeláneyak nak. Apmenyék nahan keytek Dios appeywa kéltáxéso ekpayhakxa nápát, tén han ma'a apaktegák nak, apmenyék nahan elyáncheshok elmakheykha napwa'ék apkelántaxno.

SAN MATEO 23:27

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa!, hakte máxa kéxegke tegma apketkók takhaxpop kélmópesamol'a, aptásek katnehek apyempe'ék, keñe m'a kañe', kalánhok apexchakkok ma'a ektaha nak apkeletsapma, tén han ma'a ekyókxoho ektémakxa nak ektahapma.

SAN MATEO 23:29

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa!, hakte kéxegke kéltaha kélláneso takhaxpop apagkok ma'a ektaha axta apkellegaso Dios appeywa, kéxegke nahan kélnáxegkáseykha m'a énxet apkelpéwomo takhaxpop apagkok nak,

GÁLATAS 2:13

Nápakha énxet'ák judíos apteme melya'áseyam axta anhan apkelweyhenákxohok aptahakxa Pedro, cham'a apkelya'ásegkaxa axta eykhe megkapayhawo etnahagkok, wokmók axta nahan Bernabé apweyheneykekxoho aptamhágkaxa xa énxet'ák nak.