SAN MATEO 23:13 - Lengua Sur (Enxet) Nuevo Testamento

¹³ “¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa! Megkólhayók nahan kéxegke elántexek énxet ma'a aptémakxa nak Wese' apwányam Dios. Megkólántaxnók nahan kéxegkáxa, megkólhayók nahan elántexek énxet apmáheyo neykhe elántexek.

SAN MATEO 23:13 Referans Kwoze

SAN LUCAS 11:52

“¡Kéxegke sat laye kéltaha nak kélxekmóso kélnámokkok ektémakxa segánamakxa! kélmeyókásamáxkoho nak kélagko' ma'a negya'ásegwayam nak. Wánxa agkok, akke nahan kólya'ásegweykmok kéxegkáxa, megkólhayok nahan elya'ásegwók ma'a énxet'ák apmáheyo nak elya'ásegwók.

SAN MATEO 23:29

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa!, hakte kéxegke kéltaha kélláneso takhaxpop apagkok ma'a ektaha axta apkellegaso Dios appeywa, kéxegke nahan kélnáxegkáseykha m'a énxet apkelpéwomo takhaxpop apagkok nak,

SAN MATEO 23:27

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa!, hakte máxa kéxegke tegma apketkók takhaxpop kélmópesamol'a, aptásek katnehek apyempe'ék, keñe m'a kañe', kalánhok apexchakkok ma'a ektaha nak apkeletsapma, tén han ma'a ekyókxoho ektémakxa nak ektahapma.

SAN MATEO 23:23

“¡Kéxegkel'aye, kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa! kélmésamol'a Dios xama aksok ekwokmo enxoho diez ekyókxoho, cham'a pánakte áwa' ekweseyl'a menta, tén han ma'a ekweseyl'a yakpa', tén han ma'a comino, megkólyahakxók eyke cha'a m'a nelxekmowásamáxche ektaha nak ektakmela agko' eñama m'a segánamakxa nak, cham'a nentémakxa ekpéwomo nak, tén han ma'a negemleykekxoho egmók nak, tén han ma'a magyenseyam nak nempasmo egmók. Cháxa eyéméxko nak kóllána kéxegke xa, meyke kélwáteseyam kéllané xa ekyókxoho nak.

LOS HECHOS 8:1

Apkenmáha axta nahan Saulo m'a. Leyawók axta apwáxok ektahakxa apmatña Esteban. Cháxa ekhem eyeynókxa axta kélmenxeneykha ekwányam énxet'ák ektaha axta melya'áseyam Jesús ma'a tegma apwányam Jerusalén. Apkexpakneyk axta apyókxoho énxet apteme axta melya'áseyam ma'a yókxexma Judea tén han ma'a Samaria. Axta eyke elxegak ma'a énxet'ák seykha amya'a.

2 TIMOTEO 4:15

Yawho sat xép ma'a énxet nak, hakte apkenmexchek ma'a ektémakxa nak neltenneykha.

2 TIMOTEO 3:8

Ekhawo aptamheykegkaxa axta m'a kélyohóxma'a Janes tén han ma'a Jambres apkenmexeykencha'a axta Moisés, yenmexmakha nahan cha'a m'a amya'a ekmámnaksoho nak, hakte énxet ekmaso elchetamso apwáxok ma'a, apnaktawáseykha nahan apteme melya'áseyam.

LOS HECHOS 13:8

Wánxa agkok, apkelya'ásek axta eykexma xa yohóxma nak kéltéma axta griego appeywa Elimas. Apkeltamhok axta megyeyxók wese' apkeltenneykha Bernabé tén han Saulo.

LOS HECHOS 5:40

Keñe axta Kéláneyeyncha'a énxet'ák seykha amya'a, kélyekpexchetágkek axta anhan, axta kóltamhok cha'a elenxanmohok apkeltenneykha Jesús apwesey; keñe axta kélchexeykxo.

LOS HECHOS 5:28

—Axta óltamhok negko'o kólxekmósek xama énxet xa aptémakxa nak ma'a énxet nak cháxa kéllana nak kéxegke. Kélpeykásékxeyk nahan ekyókxoho tegma apwányam Jerusalén xa kélxekmóso nak, keñe anhan kélmoko hẽlpehésetak eñama negko'o apketsapma m'a énxet axta.

SAN JUAN 9:34

Aptahak axta makham apcháneya énxet'ák fariseos kaxwé apweteykekxaxma s'e: —Xép apteme apteyam yetlo ekyawe mey'asáxma. ¿Yaksak ektaha apmoko nak hẽlxekmósek negko'o? Keñe axta kéltekkesa kañe' kélakneykekxexa.

SAN JUAN 9:24

Apcháneyáha axta makham énxet'ák fariseos xa énxet apteme axta meyke apakta'ák. Entahak axta amya'a apcháneyákpo s'e: —Hẽltennés hana negko'o ekmámnaksoho agko' nápakto' Dios. Negya'ásegkok negko'o aptaha mey'asáxma m'a énxet nak.

SAN JUAN 9:22

Cháxa ektahakxa axta eyátegmoweyak enchána eyeka énxet'ák xa, hakte hawók axta mók apkelpakmeyesma énxet'ák judíos apmoko elántekkesek énxet'ák kañe' apchakneykekxexa ektahakxa enxoho apkelxeyenma Jesús aptaha Mesías.

SAN MATEO 23:25

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa!, kélyenyesamol'a cha'a empe'ék egheykok kélagkok tén han ma'a sokpayhe kélagkok nak, wánxa agkok, láneyók eyke aksok kélmenyexma m'a kañe', tén han ma'a aksok kélma nak yetlo megkólyexnegwayam.

SAN MATEO 3:7

Xama axta apwet'a Juan apxáma apkelwayam fariseos tén han saduceos apkeltamho eyakpásesagkok yegmen, aptahak axta apkeláneya s'e: “¡Kélhawók kéxegke yéwa! ¿Yaksak eltennaso kéxegke peya kólwagkasaxchek teyp neyseksa m'a kéllegasáseykegkoho ekmaso agko' eyágketwa'a nak?

SAN MATEO 23:16

“¡Kéxegkel'aye kéltaha nak meyke kélakta'ák kélpeykesáseyak apxega kélmók! Kéltéma nak cha'a kélpeywa méko katnehek melana enxoho énxet ma'a aptemésesa enxoho ekmámnaksoho appeywa yakwayam elának xama aksok, cham'a apxéna enxoho ektaha apweteykegkoho m'a tegma appagkanamap, keñe apxéna enxoho ektaha ekweteykegkoho m'a selyakye ekyetna nak kañe' tegma appagkanamap, keytlawhok nahan apkelané aptahakxa enxoho appeywa.