SAN MATEO 22:33 - Lengua Sur (Enxet) Nuevo Testamento

³³ Xama axta apkelleg'a énxet'ák xa, pelakkasek axta apkelwet'a ektahakxa apkelxekmóso Jesús.

SAN MATEO 22:33 Referans Kwoze

SAN JUAN 7:46

Aptahak axta apkelátegmowágko sẽlpextétamo s'e: —Méko xama énxet ekhawo apkeltenneykha ektahakxa nak apkeltenneykha m'a énxet nak.

SAN LUCAS 4:22

Apyókxoho énxet axta takmelak cha'a apxeyenma Jesús. Leyawók axta apwáxók énxet'ák apkelleg'a m'a ektahakxa axta aksok ektakmela apxeyenma Jesús. Aptahak axta cha'a apkelmaxneyeyncha'a pók se'e —¿Háweya José apketchel'a xa?

SAN LUCAS 2:47

Pelakkasek axta eklegáxko ektémakxa aksok apya'áseykegkoho tén han ma'a ektahakxa axta cha'a apchátegmowéyak Jesús kélmaxneyeykha.

SAN MARCOS 12:17

Keñe axta aptaha apkeláneya Jesús se'e: —Kólmés wese' Roma m'a ektaha nak apagkok, kólmés nahan Dios ma'a ektaha nak apagkok. Apkelwanmeyágkek axta apkelleg'a xa ektahakxa axta apchátegmoweyak Jesús.

SAN MARCOS 6:2

Xama axta ekwokmo ekhem apkellókasamakxa axta apkelyampé énxet'ák judíos, apkelxekmósek axta Jesús énxet'ák kañe' apchakneykekxexa judíos. Aptahak axta apkelpakmeta énxet apxámokma ekpelakkasa apkelwet'a s'e: —¿Háxko eltámegweykenxa ekyókxoho apya'áseyak xa énxet nak? ¿Háxko kexaha eñamakxa xa apya'áseyak nak, tén han xa apmopwána nak elának aksok sempelakkaso nak agweta'?

SAN MATEO 22:22

Xama axta apkelleg'a xa, apkelwanmeyágkek axta aksa apkelano, apyenyókek axta aksa apkeltakháwo.