SAN MATEO 22:30 - Lengua Sur (Enxet) Nuevo Testamento

³⁰ Apnakxátekhágwokmek sat agkok énxet'ák apkeletsapma axta, kamaskok sat elyamhápegko énxet, tén han ma'a kelán'ák, hakte exnágwakxohok sat ma'a Dios apkelásenneykha apheyncha'a nak ma'a néten.

SAN MATEO 22:30 Referans Kwoze

SAN MATEO 24:38

Apyeneykegkek axta apyenéyak énxet, apteykegkek axta anhan aptéyak, kelyamhápeykegkek axta nahan, cham'a amonye ekwé axta mámeye ekyawe agko', ekwokmoho m'a ekhem aptaxna axta Noé kañe' yántakpayhe.

APOCALIPSIS 19:10

Eltekxekkek axta ko'o etapnák náxop ekpayhókxa apkenmágkaxa Dios apchásenneykha, yakwayam alpeykesho', wánxa agkok, aptahak axta seyáneya s'e: “Ná etne aksa xa, ko'o sekteme Dios apchásenneykha, ekhawók ko'o exchep, ekhawók nahan ma'a apkelyáxeg'a ektaha nak melyenseyam apkeltenneykha Jesús apwesey. Elpeykesho m'a Dios.” Hakte, cháxa eyewáneseso énxet'ák ektaha nak apkellegaso Dios appeywa xa apkeltenneykha nak Jesús apwesey.

SAN LUCAS 17:27

Apteykegkek axta aptéyak énxet, apyeneykegkek axta apyenéyak ekwokmoho m'a aptaxna axta Noé kañe' yántakpayhe, wa'ak axta mámeye ekyawe agko', apsawhekpok axta anhan apkeletsapa xa énxet'ák nak.

SAN MATEO 13:43

Keñe sat ma'a énxet'ák apkelpéwomo nak elápogwátek sat ektémol'a ekhem, cham'a aptémakxa nak Wese' apwányam Dios Egyap. Kéxegke ektaha nak ekha kélheyk'ák, kóleyxho.

SAN MATEO 18:10

“Nágkólwanyoho aksa xama s'e sakcha'a létkók nak, eltennásek ko'o kéxegke apheyncha'a néten nápakto' Táta m'a ektaha nak apkelásenneykha apkeltakmelchesamol'a xa sakcha'a létkók nak.

SAN MATEO 22:31

¿Yagkólyetseteyk kéxegke aptéma axta apxeyenma Dios ektémakxa nennakxétekhágwayam se'e?