SAN MATEO 22:3 - Lengua Sur (Enxet) Nuevo Testamento

³ Apkeláphásek axta apkelásenneykha apkeltamho eltennásekxak ma'a énxet'ák ektaha axta apkeláneyeykha, axta eyke emokok epásegwók xa énxet'ák nak.

SAN MATEO 22:3 Referans Kwoze

APOCALIPSIS 22:17

Aptahak seyáneya Espíritu aptakmalma tén han Nekkések Apketkok aptáwa s'e: “¡Empoho!” Enxet ektahakxa enxoho aplegé etne nahan appeywa s'e: “Empoho” Hem agkok enchakhak énxet, cham'a, apmopmenyého nak ének yegmen, empoho eyhagwata s'e yegmen ekyennaktésamo nak egnenyek meyke ekyanmaga.

ROMANOS 10:21

Aptahak axta nahan Isaías apkexénágko énxet'ák Israel se'e: “Yókxoho ekhem axta ko'o selhaxanma, selwóneykencha'a énxet'ák meyke apkelyaheykekxoho nak, tén han ma'a elyennakte nak apwáxók.”

SAN JUAN 5:40

megkólmenyék eyke helyo'ótak kéxegke yakwayam kólwetak xa ekyennakte egnenyek megkatnegwayam enéxa nak.

LOS HECHOS 13:45

Xama axta apwet'a énxet'ák judíos apxáma énxet apyetleykekxa Pablo tén han Bernabé, apnatha'ak axta, sagkek axta anhan cha'a apchátegmoweyak aptahakxa appeywa Pablo, apwanyeyha axta anhan.

SAN LUCAS 19:27

Enxet'ák apteme nak senmexeykha memáheyo nak hetnehek wese' apwányam apagkok, kólnaklanta s'e, kólnahap nahan nahakto'.’ ”

SAN LUCAS 15:28

Aplókok apagko' axta eyke m'a apepma', axta emokók etxek kañe'; keñe axta apyap aptepa yókxexma yakwayam enxoho yának etxek kañe'.

SAN LUCAS 13:34

“¡Jerusalén, Jerusalén! Kélnapmakxa nak cha'a Dios appeywa apkellegaso nak, kélyetneykxa nak han cha'a meteymog ma'a seykha amya'a Dios apkeláphaso nak! ¡Hágkaxwe amawhok wánchásekxak énxet'ák apheykha xa Jerusalén, ektémol'a kánchásekxak étkók tat'a kóneg axampagkok, axta eyke kólmáheyók kéxegke!

SAN MATEO 23:37

“¡Jerusalén, Jerusalén! ¡Kélnapmakxa nak cha'a Dios appeywa apkellegaso nak! ¡Kélyetneykxa nak han cha'a meteymog ma'a seykha amya'a Dios apkeláphaso nak! Hágkaxwe amawhok wánchásekxak énxet'ák apheykha xa Jerusalén, ektémol'a kánchásekxak étkók tat'a kóneg axampagkok, axta eyke kólmáheyók kéxegke.

SAN MATEO 3:2

Axta etnohok cha'a apkeltenneykha s'e: “¡Kólyakmagkas kélwáxok, chágketwa'ak ma'a aptémakxa nak Wese' apwányam Dios!”

HEBREOS 12:25

Kólawho sat kéxegke, nágkóltaknaw aksa m'a ektaha nak sẽltennaso xa. Hakte axta elegketamakpok ma'a énxet'ák ektaha axta aptaknagko Dios appeywa, cham'a apmésa axta eykhe appeywa Dios apkeltennasa eyesagko aptamhágkaxa neyseksa apheykha makham keso náxop. Negko'o sat eyke ekyagwánxa agkok magmowána ólegketaxchek, cham'a maghaxno enxoho aptahakxa segméso appeywa seltennasa eyesagko nentahakxa m'a apkeñama nak néten.

SAN MATEO 21:34

Xama axta ekwokmo ekhem eknakxamáxchexa ekyexna, apkeláphásek axta apkelásenneykha wese', yakwayam enxoho elmaxnak ektaha apkeltamheykha namyep ma'a ekyexna ektahakxa enxoho apagkok.

SAN MATEO 9:15

Aptahak axta apchátegmowágko Jesús se'e: —¿Kallapwomagkok enxeykel'a énxet'ák kéláneyeykha yakwayam epásegwók elyamhopma, neyseksa apha enxoho makham énxet yakwayam kalyamhápok nepyeseksa? Kammok sat ekhem yakwánxa kólyentemekxak énxet yakwayam nak kalyamhápok, keñe sat metawagkek aptéyak.

HEBREOS 9:15

Ekeso eñamakxa apketsapa axta Cristo yakwayam etnehek apyepetcháseykekxa énxet'ák ma'a Dios, eñama m'a axnagkok ekhémo mók nelpakhetchásamáxkoho nak Dios, yakwayam enxoho nahan megkólyakmagkásekxék ektémakxa apkeláneyak melya'asáxma énxet'ák ma'a kélmeykegkaxa axta makham émha amonye ekhémo mók nelpakhetchásamáxkoho nak Dios, yakwayam enxoho nahan elxawagkok aksok kélpagkancheso megkatnegwayam enéxa m'a énxet'ák ektaha axta apkelwóneykha Dios, cham'a apxeyenma axta elmésagkok Dios.