SAN MATEO 22:16 - Lengua Sur (Enxet) Nuevo Testamento16 Apkeláphásek axta énxet'ák fariseos énxet'ák ektaha axta apkelxegexma'a, tén han ma'a ektaha axta apkelyetlo Herodes, yakwayam enxoho etnehek yának Jesús se'e: —Sẽlxekmóso, negya'ásegkok negko'o ektéma cha'a ekmámnaksoho aksok apxeyenma exchep, tén han apkelxekmósama énxet'ák ma'a apkeltémókxa nak antehek Dios, meyke apkenmexmo m'a ektémakxa nak apkelpakmeyesma énxet, hakte mexeyenmak xép ma'a elpeykesáseykekxoho nak apwáxók énxet'ák. Gade chapit la |
SAN MATEO 22:16
36 Referans Kwoze
Aptahak axta apkelmaxneyeyncha'a s'e: —Sẽlxekmóso, negya'ásegkok negko'o ektéma cha'a ekmámnaksoho aksok apxeyenma exchep, tén han ma'a ektémakxa nak apkelxekmóso, hakte metnék cha'a exchep apyekpelchémo ektémakxa nak ekha kéláyo énxet. Ekmámnaksoho exchep apkelxekmóso énxet'ák ma'a apkeltémókxa nak antehek Dios.
Apkelxegkek axta xa énxet'ák nak. Aptahak axta anhan apcháneya Jesús se'e: —Sẽlxekmóso, negya'ásegkok negko'o ektéma cha'a ekmámnaksoho aksok apxeyenma exchep, meyke apkenmexmo m'a ektémakxa nak apkelpakmeyesma énxet, hakte metnék cha'a exchep apyekpelchémo ektémakxa nak ekha kéláyo énxet, tén han ma'a meyke nak kéláyo, hakte ekmámnaksoho apkelxekmóso exchep énxet'ák ma'a apkeltémókxa nak antehek Dios. ¿Táseya agmések selyakye wese' Roma, asagkek enxeykel'a? ¿Kéméxcheya agyanmagkasek, magyanmagkasek enxeykel'a?
Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.
Aptahak axta apkelmaxneyeyncha'a Pilato s'e: —¿Wese' apwányam neyke exchep? Aptahak axta apchátegmowágko Jesús se'e: —Cháxa aptahakxa nak appeywa: ko'o sekteme Wese' apwányam. Ekteyekmek axta ko'o, ekwayak axta anhan keso náxop, yakwayam axének ma'a amya'a ektaha nak ekmámnaksoho agko'. Yeyxhok cha'a sekpeywa ko'o m'a apyókxoho énxet'ák ektaha nak apkelyaheykekxoho amya'a ekmámnaksoho.
Enxet ektahakxa enxoho apkeltenneykha m'a ektahakxa enxoho elchetamso apwáxok, eltennaha cha'a yakwayam enxoho katakmelek apxeyenma énxet; keñe m'a énxet apkeltémo nak katakmelek apxénamap ma'a ektaha axta apcháphaso, ekmámnaksoho cha'a katnehek apkeltenneykha xa, méko nahan katnehek xama aksok kélxéncháseykekxoho aptémakxa.
keñe m'a énxet'ák ekyetna nak negya'ásegwayam eñama nak Dios, eláxñeyo apkeltémakxa etnahagkok, meyke ektahakxa apwáxók nahan etnahagkok, eltakmela apwáxok nahan etnahagkok; apmopyósa elanok pók nahan etnahagkok, meyeykhakpek nahan elanok pók, melyexamakpoho apkeltémakxa nahan etnahagkok, aksok eltakmela nahan elanagkok.
Leyawók axta eyke apwáxok nentahakxa negko'o Dios, egásennakkek axta yakwayam anlegaksek tásek amya'a, cháxa nentahakxa nak neltenneykha. Magketámak negko'o m'a ekleklamókxa nak apwáxok antehek énxet, wánxa negketámak negko'o m'a ekleklamókxa nak apwáxok antehek Dios aptaha nak apkelanyo cha'a kañe' egwáxok.
Ekeso eñamakxa megkaxnawo nak kaxwo' elchetamso egwáxok negko'o m'a ektémakxa nak elchetamso apwáxok énxet keso náxop, cham'a nentaha enxoho negyekpelchémo xama énxet. Axta entemék cha'a negko'oxa ekxeyenma egwáxok Cristo m'a ektémakxal'a ekxeyenma apwáxók énxet'ák apheykha nak keso náxop, massék eyke kaxwo' ektaha ekxeyenma egwáxok negko'o xa ektaha nak.
Negyenyókek axta negko'o m'a aksok segmegkasamo apkelyexamakpoho axta cha'a apkeláneykegko énxet; manlanak nahan cha'a yetlo negmáheyo ólyexanchesha egnámokkok, Magyetnakháseykmok nahan cha'a m'a ektémakxa nak Dios appeywa. Wánxa agkok, ekmámnaksoho eyke nentémakxa nak cha'a negko'o nempeywa, cháxa ektahakxa nak cha'a ektakmela ekxeyenma apwáxók negko'o énxet'ák nápakto' Dios xa ektaha nak.
Xama axta peya exñekxak makham Jesús yakwayam elenxanmohok apxega, apkétchágkók axta xama énxet apwokmo m'a, apkeltekxekwokmek axta aptapnák apkenmágkaxa Jesús. Aptahak axta apkelmaxneyeyncha'a s'e: —Sẽlxekmóso aptakmalma, ¿Yaksak eyéméxko alának ko'o yakwayam ótak ekyennakte egkenyek megkatnegwayam enéxa?
Aptahak axta apchátegmowágko Jesús se'e: —Kólmohok apxagkok xama énxet ma'a nepyeseksa tegma apwányam. kóltehek sat kólának se'e: ‘Aptahak xeyk sẽláneya negko'o sẽlxekmóso s'e: Chágketwokmek kaxwo' ekhem yakwánxa amátog ko'o. Amhagkok sat ko'o apxagkok xép yakwayam alánegwók nentéyak ekhem Pascua mólwagkayam nak yetlo seltámeséyak.’
Piblisite