SAN MATEO 22:14 - Lengua Sur (Enxet) Nuevo Testamento

¹⁴ Apxámok énxet ektaha nak kéláneyeykha, apkántawók eyke m'a ektaha nak kélyéseykha.”

SAN MATEO 22:14 Referans Kwoze

2 SAN PEDRO 1:10

Elyáxeg kólenxánem keytek kélwáxok kéxegke xa hakte apkelwóneyha axta kéxegke Dios, apkelyésáha axta anhan kéxegke. Kéltemék agkok xa ektaha nak, megkóltemekxék sat cha'a.

APOCALIPSIS 17:14

Elnapakpok sat Nekkések Apketkok xa kelwese'e nak, emalánek sat eyke Nekkések Apketkok nepyeseksa xa kelwese'e apkelwányam nak, yetlo apkelxegexma'a Nekkések Apketkok ma'a ektaha axta Dios apkelwóneykha, cham'a ektaha axta anhan Dios apkelyeseykha, cham'a meyenseyam nak han apteme melya'áseyam, hakte Nekkések Apketkok apteme Wese' nepyeseksa m'a kelwese'e nak, apteme nahan Wese' apwányam nepyeseksa kelwese'e apkelwányam nak.”

SAN MATEO 20:16

“Sat nahan katnehek énxet'ák apteme nak apkelámha apmonye'e keso kaxwo' nak, kónegók sat kóltemesásekxak, keñe sat kóltemesásekxak apkelámha apmonye'e m'a énxet'ák apteme nak kónegók keso kaxwo' nak.

SAN MATEO 24:22

Apwenakteyások agkok Dios xa ekhem nak, méko kawagkasaxchek teyp; eyakwataksohok sat eyke eñama apkelásekhayo m'a ektaha nak apkelyéseykha.

SAN MATEO 24:24

Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagko enxoho.