SAN MATEO 21:39 - Lengua Sur (Enxet) Nuevo Testamento

³⁹ Apmákpek axta xa wese' apketche nak, kélya'ásek axta neyáwa kélcheneykekxexa anmen yámet, kélakhegwokmek axta nahan ma'a.

SAN MATEO 21:39 Referans Kwoze

LOS HECHOS 2:23

Kélakhak axta kéxegke xa énxet nak, kélyepetchesek axta aksok ektegyéso eñama apyepetcheso m'a énxet'ák elmasagcha'a nak apkeltémakxa, ekhawo m'a ektémakxa axta apkeláneykekxa Dios yakwayam elána', cham'a apmákpo axta.

SANTIAGO 5:6

Kélsexnenakek axta kéxegke m'a énxet'ák apkelpéwomo nak, kélnapchek axta nahan, yetlo apchahayo aksa meyke apkenmexeykekxa.

LOS HECHOS 7:52

¿Yaksak axta Dios appeywa aplegaso metwáseykegkoho kélyepmeyk nano' kéxegke? Apkelnapmeyk axta kélyepmeyk nano' kéxegke m'a énxet'ák ektaha axta apkellegaso yakwayam ewak ma'a aptaha nak appéwomo. Apwa'ak axta eykhe m'a aptaha nak appéwomo, cham'a kélpelakkasesa axta kéláneya emakpok tén han ma'a kélakha axta kéxegke.

SAN JUAN 18:12

Apmeyk axta sẽlpextétamo apnaktetchesa apmék Jesús, axta anhan ma'a sẽlpextétamo aptaha nak apkemha apmonye, axta anhan ma'a judíos ektaha nak aptakmelcheso tegma appagkanamap.

SAN MATEO 26:57

Caifás apxagkok axta apyentamákxak Jesús ma'a énxet'ák ektaha axta apma, cham'a Caifás aptaha axta apkemha apmonye appasmo apkelmaxnéseso Dios énxet'ák apagkok. Axta apchaknákxak énxet'ák apkelxekmóso axta ektémakxa segánamakxa m'a, tén han ma'a apkelámha apmonye'e nak énxet'ák judíos.

LOS HECHOS 5:30

Apxátekhásekmek axta Jesús negko'o egyepmeyk nano' Dios apagkok, cham'a Jesús kélyepetchesa axta kéxegke aksok ektegyéso kélakha.

LOS HECHOS 4:10

Nenxénchek negko'o kélnápakta'awo' kéxegke yakwayam enxoho elya'ásegwomhok apyókxoho énxet'ák Israel, aptaha aptakmelwayam eñama Jesucristo apkeñama Nazaret apwesey xa énxet apha nak se'e kélnápakta'awo' kéxegke, cham'a Jesucristo kélyepetchesa axta kéxegke aksok ektegyéso, cham'a apxátekhásekmo axta nahan Dios.

SAN JUAN 18:24

Keñe axta Anás apcháphasa Jesús yetlo kélnakteté apmék ma'a aphakxa axta Caifás, aptaha axta apkemha apmonye appasmo apkelmaxnéseso Dios énxet'ák apagkok.

SAN MATEO 26:50

Aptahak axta apchátegmowágko Jesús se'e: —Emók, epekhaksoho elának ma'a apmoko nak elának. Keñe axta apkelakxegakmoho nahan ma'a nápakha Judas apkelxegexma'a, keñe axta apma Jesús xa énxet'ák nak.

SAN MATEO 21:38

Xama axta apwet'a apwokmo wese' apketche xa énxet'ák ektaha axta apkeltamheykha, aptahak axta apkelpakhetchásekpoho s'e: ‘Cháxa peya nak exkekxak xóp xa; agakhek, keñe sat negko'o anxewekxak xóp apagkok.’

SAN MATEO 21:40

“¿Háxko sat etnésesek wese' ektaha apagkok xóp kélcheneykekxexa anmen yámet xa énxet'ák apkeltamheykha nak, cham'a apkexyekmo sat? ¿Háxko ektahakxa elchetamso kélwáxók kéxegke?