SAN MATEO 21:24 - Lengua Sur (Enxet) Nuevo Testamento

^24-25 Aptahak axta apchátegmowágko Jesús se'e: —Peyk ko'o xa almaxneyha kéxegke: ¿Yaksak axta eyáphaso Juan yakwayam eyakpásesagkok yegmen énxet? ¿Diosya axta apcháphaso, énxet'ák enxoho axta eykel'a apcháphaso? Elátegmowágkek agkok kéxegke, altennaksek sat ko'o eñamakxa nak sekmowána alának xa. Aptahak axta apkelpakhetchásekpoho s'e: “Nentemék agkok negátegmowágko Dios apcháphaso, keñe sat etnehek hegána', ‘¿yaksak ektéma kélya'aseykmo axta aptémakxa axta apkeltenneykha?’

SAN MATEO 21:24 Referans Kwoze

SAN LUCAS 6:9

Aptahak axta apkeláneya Jesús énxet'ák se'e: —Ekmokók ko'o atnehek selmaxneyeykha kéxegke s'e: ¿Yaksak aksok kélhayo anlának ekhem nellókasamakxa nelyampé? ¿Aksok ektakmela, aksok ekmaso enxeykel'a? ¿Agwagkasek teyp énxet, agakhek enxeykel'a?

COLOSENSES 4:6

Kólteme cha'a ektakmela kéltenneykha, cham'a ekmátsa nak ageyxho', kéméxchek nahan cha'a kólya'asagkohok kélátegmowéyak kélmók.

SAN MATEO 10:16

“¡Kóllano, máxa ektemesásak kéxegke nekkések seláphasa neyseksa m'a aksok nawha'ák ello nak, kólteme ekha kélya'áseykegkoho ektémol'a yéwa, kólteme anhan megkólyementé aptémol'a wáx'ay.

SAN MATEO 21:23

Aptaxnegwákxeyk axta Jesús tegma appagkanamap natámen xa. Neyseksa apkelxekmóso énxet'ák axta m'a, apya'awa axta apkelámha apmonye'e nak appasmo apkelmaxnéseso Dios énxet'ák apagkok, tén han ma'a judíos apkelámha apmonye'e apagkok nak. Aptahak axta apkelmaxneyeyncha'a s'e: —¿Yaksak eyásenneykha exchep eltémo elának xa aksok nak? ¿Yaksak ekméso apmopwána?