SAN MATEO 21:23 - Lengua Sur (Enxet) Nuevo Testamento

²³ Aptaxnegwákxeyk axta Jesús tegma appagkanamap natámen xa. Neyseksa apkelxekmóso énxet'ák axta m'a, apya'awa axta apkelámha apmonye'e nak appasmo apkelmaxnéseso Dios énxet'ák apagkok, tén han ma'a judíos apkelámha apmonye'e apagkok nak. Aptahak axta apkelmaxneyeyncha'a s'e: —¿Yaksak eyásenneykha exchep eltémo elának xa aksok nak? ¿Yaksak ekméso apmopwána?

SAN MATEO 21:23 Referans Kwoze

LOS HECHOS 4:7

Apkeltamhok axta kólnaklók Pedro tén han Juan nepyeseksa xa énxet'ák nak. Aptahak axta nahan apkelmaxneyeyncha'a s'e: —¿Yaksak eñama ekmowána xa, yaksak nahan ekwesey eñama xa kéllana exchek kéxegke xama aksok?

SAN LUCAS 19:47

Yókxoho ekhem axta apkelxekmóso Jesús énxet'ák kañe' tegma appagkanamap, keñe axta m'a énxet'ák apkelámha apmonye'e nak appasmo apkelmaxnéseso Dios énxet'ák apagkok apketamsama yakweykenxa etnehek yakhek Jesús, axta nahan apkelxegexma'a m'a énxet'ák apkelxekmóso nak apnámokkok ektémakxa segánamakxa, tén han ma'a énxet'ák apkelámha apmonye'e axta m'a tegma apwányam nak.

SAN MATEO 26:55

Yetlókók axta apteme apkelmaxneyeykha Jesús énxet'ák se'e: —¿Yaksak ektaha kélsokmoho nak kéxegke sókwenakte tén han yámet selya'awa yakwayam helmok máxa énxet ekmaso aptémakxa eltemesásak? Yókxoho ekhem axta ko'o selxekmóso énxet kañe' tegma appagkanamap, axta nahan helmák kéxegke.

LOS HECHOS 7:27

Keñe axta apyega Moisés ma'a ektaha axta aptawáseykegkoho pók. Entahak axta amya'a apcháneyákpo Moisés se'e: ‘¿Yaksak ekteméseso apkemha apmonye exchep negyeseksa negko'o? ¿Yaksak nahan ekteméseso segyekpelchémo?

SAN MATEO 21:24

Aptahak axta apchátegmowágko Jesús se'e: —Peyk ko'o xa almaxneyha kéxegke: ¿Yaksak axta eyáphaso Juan yakwayam eyakpásesagkok yegmen énxet? ¿Diosya axta apcháphaso, énxet'ák enxoho axta eykel'a apcháphaso? Elátegmowágkek agkok kéxegke, altennaksek sat ko'o eñamakxa nak sekmowána alának xa. Aptahak axta apkelpakhetchásekpoho s'e: “Nentemék agkok negátegmowágko Dios apcháphaso, keñe sat etnehek hegána', ‘¿yaksak ektéma kélya'aseykmo axta aptémakxa axta apkeltenneykha?’

SAN MATEO 24:1

Aptekkek axta Jesús kañe' tegma appagkanamap, peyk axta eykhe exog, keñe axta apya'awekto apkeltámeséyak apxekmósa m'a ektémakxa axta apkelánamap tegma appagkanamap.

SAN LUCAS 20:1

Xama ekhem axta apkelwokmok énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa, axta anhan apkelxegexma'a m'a apkelámha apmonye'e nak kélakneykekxexa, cham'a, neyseksa apkelxekmóso axta Jesús énxet'ák kañe' tegma appagkanamap, apkeltennáseyha axta anhan ma'a amya'a segwagkasamo nak teyp.

SAN MATEO 20:4

Aptahak axta apkeláneya s'e: ‘Kólmohok nahan kéxegkáxa kóltemeykha m'a seneykekxexa nak anmen yámet, ayanmagkasesek sat ekyanmaga kéltamheykha.’ Apkelxegkek axta.