SAN MATEO 21:17 - Lengua Sur (Enxet) Nuevo Testamento

¹⁷ Keñe axta apkexaya aksa Jesús ma'a, apmahágkek axta tegma apwányam Betania. Axta aphakmok xama axta'a m'a.

SAN MATEO 21:17 Referans Kwoze

SAN JUAN 11:18

Keto' axta Betania m'a Jerusalén, tres kilómetros axta m'a;

SAN JUAN 11:1

Apheyk axta xama énxet apháxamap apwesey Lázaro, apteme axta apkeñamakxa apagko' ma'a Betania, María eyókxa, tén han ma'a yáxeg ekwesey axta Marta.

SAN LUCAS 24:50

Apnaklókek axta Jesús nepyáwa tegma apwányam xa énxet'ák nak ekweykmoho m'a Betania. Apkelya'ásek axta néten apmék apkelmaxnésesa aksok eltakmela eleñama néten.

SAN MARCOS 11:11

Aptaxnegwokmek axta Jesús nepyeseksa tegma apwányam Jerusalén, apmahágkek axta tegma appagkanamap. Apsawheyha axta exma apkelanawo kañe' tegma appagkanamap, keñe axta apmeyákxo tegma apwányam Betania yetlo m'a doce apkeltámeséyak axta, hakte taxnakmek axta m'a.

SAN MARCOS 11:19

Xama axta peya kayaktések, aptekkek axta Jesús nepyeseksa tegma apwányam yetlo apkeltámeséyak.

SAN MATEO 16:4

Apkeltamhok étak aksok sempelakkaso agweta' se'e énxet'ák elmasagcha'a nak apkeltémakxa apkelyenseyam nak apkelyetlo Dios, wánxa sat kólxekmósek aksok magkenatcheso agwetak ma'a ektémakxa axta Jonás.” Keñe axta apkexaya aksa Jesús xa énxet'ák nak, apxegkek axta anhan.

SAN LUCAS 19:29

Xama axta apwákxo keto' nátegma Betfagé, tén han nátegma Betania, keto' axta m'a egkexe ekwesey nak Olivos, apkeláphásek axta apkánet apkeltámeséyak.

SAN LUCAS 10:38

Apxegkek axta makham Jesús; apwokmek axta nátegma apheykegkaxa énxet, cham'a ekhésakmo axta axagkok xama kelán'a ekwesey axta Marta.

SAN MARCOS 11:1

Xama axta apkelágketchesekmo tegma apwányam Jerusalén, cham'a nátegma ekwesey axta Betfagé tén han ma'a Betania, keto' axta egkexe Olivos ma'a, apkeláphásek axta Jesús apkánet apkeltámeséyak.

SAN MARCOS 3:7

Apmahágkek axta Jesús yetlo apkeltámeséyak neyáwa ekpayhegwayam wátsam, apxámok axta énxet apkelyetlo apkeleñama Galilea.

SAN MATEO 26:6

Apheyk axta Jesús tegma apwányam Betania, Simón apxagkok, cham'a apkeltamhomakpo axta negmasé ektepelchamáxche egyempehek áto';

SAN MARCOS 14:3

Apmeyákxeyk axta Jesús tegma apwányam Betania, Simón apxagkok axta aphákxa', cham'a apkeltamhomakpo axta negmasé ektepelchamáxche egyempehek áto'; neyseksa apha nekha mésa axta wokmok xama kelán'a, sókok axta sokmátsa elánamáxche axta axagkok meteymog ekwesey nak alabastro, lanawók axta nahan sokmátsa elánamáxkoho égmenek ma'a pánakte exnók ekwesey nak nardo, ektaha axta ekmomnáwa agko'. Páxkatchek axta sokmátsa axagkok, kexpakhásesek axta anhan apkátek Jesús ma'a sokmátsa nak.