SAN MATEO 21:15 - Lengua Sur (Enxet) Nuevo Testamento

¹⁵ Xama axta apwet'a apkelana Jesús aksok sempelakkaso agwetak ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso axta ektémakxa segánamakxa, xama axta anhan apkelleg'a elyennaktésawo elpeywa sakcha'a létkók kañe' tegma appagkanamap, entahak axta se'e: “¡Apcheymákpoho wese' David Apketche!”, apkellókek axta.

SAN MATEO 21:15 Referans Kwoze

SAN MATEO 21:9

Apsawhekpók axta apkelyennaktésawo apkelpeywa apkelxega axta apmonye'e, tén han ma'a apkelxega axta neptámen. Aptahak axta s'e: —¡Kólpeykesho wese' apwányam David Apketche! ¡Tásek sat katnehek apxénamap xa apwa'a nak yetlo apsayam Dios apwesey! ¡Apcheymákpoho Dios apha nak néten!

SAN JUAN 12:19

Wánxa agkok, aptahak axta apkelpakhetcháseykpoho énxet'ák fariseos se'e: —Kélwet'ak kéxegke méko nenlana negko'o. ¡Kóllano hana, apxámok énxet'ák apkelyetlo Jesús!

SAN JUAN 11:57

Apmések axta appeywa fariseos énxet'ák, tén han ma'a apkelámha apmonye'e nak appasmo apkelmaxnéseso Dios énxet'ák apagkok apkeltamho eltennásekxak énxet ektahakxa enxoho apya'áseykegkoho aphakxa Jesús, yakwayam enxoho emok.

SAN JUAN 7:42

Xeyenmék eknaktáxésamaxche peya etnehek Mesías David aptáwen neptámen, tén han peya yenyék ma'a nátegma Belén, cham'a apkeñamakxa axta anhan David.

SAN JUAN 4:1

Apkelleg'ak axta amya'a fariseos apxáma énxet apyetleykekxa Jesús, tén han apxáma apyakpasáseyak yegmen, axta kaxnawok ma'a Juan.

SAN LUCAS 22:66

Xama axta elsaka, apchaknákxeyk axta énxet'ák judíos apkelámha apmonye'e nak kélakneykekxexa, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso axta apnámokkok ektémakxa segánamakxa, keñe axta kélyentama Jesús aphágkaxa m'a kelwese'e ekyawe nak kéláyo, entahak axta amya'a kélmaxneyeyncha'a s'e:

SAN LUCAS 22:2

Aptegyágkek axta yakwánxa etnehek yakhek Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa, énxet'ák axta eyke apkelakak.

SAN LUCAS 20:1

Xama ekhem axta apkelwokmok énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa, axta anhan apkelxegexma'a m'a apkelámha apmonye'e nak kélakneykekxexa, cham'a, neyseksa apkelxekmóso axta Jesús énxet'ák kañe' tegma appagkanamap, apkeltennáseyha axta anhan ma'a amya'a segwagkasamo nak teyp.

SAN MARCOS 11:18

Xama axta apkelleg'a apkelámha apmonye'e nak appasmo apkelmaxnéseso Dios énxet'ák apagkok xa, tén han ma'a énxet'ák apkelxekmóso axta apnámokkok ektémakxa segánamakxa, aptegyágkek axta yakwánxa etnehek yakhek Jesús, hakte apkelakak axta, apyókxoho énxet'ák axta pelakkásak apkelwet'a m'a ektahakxa axta apkelxekmóso Jesús.

SAN MATEO 27:20

Wánxa agkok apkellekwokmok axta eyke énxet apxámokma aptahakxa apkelpeywa m'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelámha apmonye'e nak apchakneykekxexa énxet'ák judíos, yakwayam enxoho yának kólyenyekxak Barrabás, keñe kólának emátog ma'a Jesús.

SAN MATEO 27:1

Xama axta elsaka, apheyásók axta mók apkeláneykekxa apkelpakmeyesma yakwánxa etnehek yakhek Jesús ma'a apyókxoho énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelámha apmonye'e nak apchakneykekxexa énxet'ák judíos.

SAN MATEO 26:59

Aptegyáha axta amya'a megkamámnaksoho yakwayam yának emátog Jesús ma'a énxet'ák apkelámha apmonye'e axta appasmo apkelmaxnéseso Dios énxet'ák apagkok, tén han ma'a énxet'ák ekyawe axta kéláyo.

SAN MATEO 26:3

Apchaknákxeyk axta énxet'ák apkelámha apmonye'e nak appasmo apkelmaxnéseso Dios énxet'ák apagkok ma'a Caifás apxagkok, cham'a Caifás aptaha axta apkemha apmonye appasmo apkelmaxnéseso Dios énxet'ák apagkok. Axta anhan ma'a énxet'ák apkelámha apmonye'e nak apchakneykekxexa énxet'ák judíos.

SAN MATEO 22:42

Aptahak axta apkelmaxneyeyncha'a Jesús se'e: —¿Yaksak kélanagkama kéxegke Mesías? ¿Yaksak apyepmeyk nano' ma'a? Aptahak axta apkelátegmowágko s'e: —David aptáwen neptámen.

SAN MATEO 21:23

Aptaxnegwákxeyk axta Jesús tegma appagkanamap natámen xa. Neyseksa apkelxekmóso énxet'ák axta m'a, apya'awa axta apkelámha apmonye'e nak appasmo apkelmaxnéseso Dios énxet'ák apagkok, tén han ma'a judíos apkelámha apmonye'e apagkok nak. Aptahak axta apkelmaxneyeyncha'a s'e: —¿Yaksak eyásenneykha exchep eltémo elának xa aksok nak? ¿Yaksak ekméso apmopwána?

SAN MATEO 9:27

Xama axta aptepa Jesús ma'a, apkemhágkek axta apkánet énxet meyke apakta'ák, aptahak axta apkelyennaktésawo apkelpeywa s'e: —¡Yepyósho henlanok negko'o, David apketche!

SAN MATEO 20:24

Xama axta apkelleg'a nápakha Jesús apkeltámeséyak xa, diez axta apyókxoho m'a, apkellókek axta aptaknawé m'a apkánet énxet apyáxeg xamo' axta.