SAN MATEO 21:1 - Lengua Sur (Enxet) Nuevo Testamento

¹ Xama axta apkelágketchesekmo tegma apwányam Jerusalén, apkelwokmek axta nátegma ekwesey axta Betfagé, keto' axta egkexe Olivos ma'a, apkeláphásek axta Jesús apkánet apkeltámeséyak.

SAN MATEO 21:1 Referans Kwoze

SAN JUAN 8:1

Apmeyákxeyk axta Jesús néten egkexe ekwesey axta Olivos;

SAN LUCAS 21:37

Yókxoho ekhem axta cha'a etnehek apkelxekmóso Jesús énxet'ák ma'a kañe' tegma appagkanamap, keñe ekyaktésa enxoho exnakxak ma'a néten egkexe ekwesey nak Olivos.

SAN MATEO 26:30

Apkelmeyákxeyk axta egkexe Olivos natámen apkelmeneykmaso negmeneykmaso eñama nak Salmos.

SAN MATEO 24:3

Apkelmeyákxeyk axta egkexe Olivos natámen xa. Aphakmek axta Jesús ma'a, apya'aweykxeyk axta apkeltámeséyak yakwayam elmaxneyha apxakko' ma'a. Aptahak axta s'e: —Egmenyék negko'o hẽltennaksek ekhem yakwánxa katnehek ma'a apxéna exchek. ¿Háxko sat katnehek magkenatcheso apkexyekmo sat makham xép, tén han ma'a ektemégwokmo sat néxa ekhem?

LOS HECHOS 1:12

Egkexe ekwesey Olivos axta apkelenyektak énxet'ák seykha amya'a apkelmeyákxo m'a Jerusalén. Un kilómetro axta m'a. Hawók axta m'a eltémókxa axta segánamakxa kawomhok cha'a nenxega ekhem nellókasamakxa negyampé.

SAN LUCAS 22:39

Apxegkek axta Jesús natámen xa, ekhawo aptémakxa axta cha'a, apkenátweykxeyk axta néten egkexe ekwesey nak Olivos; apyetlókek axta anhan apkeltámeséyak.

SAN MARCOS 14:26

Apkelmeyákxeyk axta egkexe Olivos natámen apkelmeneykmaso negmeneykmaso eñama nak Salmos.

SAN MATEO 20:34

Apyósekak axta apkelano Jesús, appaknegkesakmok axta apakta'ák. Yetlókók axta apkelweteykekxaxma énxet meyke apakta'ák, apkelyetlákxeyk axta anhan Jesús.

SAN MATEO 21:2

Aptahak axta apkeláneya s'e: —Kólmohok hana nátegma egmonye nak. Kólwetagwók sat yámelyeheykok kelwána kélteté táma yetlo étkok ma'a. Kóllekes sat táma, helnaklókásenta sat ko'o.

SAN MARCOS 13:3

Apkelmeyákxeyk axta egkexe Olivos natámen xa, payhawók axta apyetnamakxa tegma appagkanamap ma'a. Aphakmek axta Jesús ma'a néten egkexe nak. Keñe axta apkelmaxneyeyncha'a Pedro, Santiago, Juan, tén Andrés aptahakxa axta apxakko' Jesús,