SAN MATEO 20:7 - Lengua Sur (Enxet) Nuevo Testamento

⁷ Aptahak axta apkelátegmowágko s'e. ‘Méko eyke segmésama nentamheykha.’ Keñe axta aptaha apkeláneya s'e: ‘Kólmohok nahan kéxegkáxa kóltemeykha m'a seneykekxexa nak anmen yámet.’

SAN MATEO 20:7 Referans Kwoze

HEBREOS 6:10

Hakte Dios apteme ekpéwomo aptémakxa, megkalwagkámhek sat ma'a ektahakxa axta aksok kéllané kéxegke, megkalwagkámhek sat nahan ma'a ektahakxa axta kélxekmósamo kéxegke kélásekhayo Dios, cham'a kélpasma axta énxet'ák ektaha nak Dios énxet'ák apagkok, ekhawo kéltáhakxa nak makham keso kaxwo' nak.

COLOSENSES 1:26

cham'a amya'a aptemésesama axta ekpowásamáxkoho Dios nano' axta, cham'a megyahayo axta anhan kataxchek Dios nentámen axta, apxekmósek eyke kaxwo' Dios ma'a ektaha nak énxet'ák apagkok.

EFESIOS 6:8

Kélya'ásegkok eyke kaxwo' kéxegke peya kólxawak ekyanmaga eñama Wese' egegkok ma'a ektémakxa enxoho aksok ektakmela kéllané, megkeyxek ma'a kélteme enxoho kélmomaxche, esenhan ma'a kélteme nak megkólmomaxche.

ROMANOS 16:25

Oltemésesek apcheymákpoho Dios, aptaha nak apmopwána etnésesek ekyennakte megkólya'áseyam kéxegke m'a ektémakxa nak tásek amya'a seltenneykha cha'a ko'o, tén han ma'a nelxekmowásamáxche ekxeyenma nak Cristo. Hawók ektémakxa aksok ekyexamaxche apkeláneykekxa axta Dios xa, cham'a senxekmósa axta, ekpowásamáxkoho axta cha'a nano' axta megkalánamáxchexa axta makham keso náxop,

LOS HECHOS 4:16

Aptahak axta apkelpakmeta s'e: —¿Háxko sat antemésesek xa apkánet énxet nak? Apyókxoho énxet'ák apheykha tegma apwányam Jerusalén apkelya'ásegkohok apkelánegko aksok sempelakkaso agweta' xa énxet'ák nak, magwanchek anxének ektaha ekmowána amya'a.

SAN JUAN 9:4

Kéméxchek anlának aptamheykha m'a aptaha axta seyáphaso ko'o keso ekhakxoho ekhem nak, hakte kayaktések sat, cham'a magkegwagkexal'a anlának nentamheykha.

SAN MATEO 20:1

“Máxa xama wese' namyep kélcheneykekxexa anmen yámet ma'a aptémakxa nak Wese' apwányam Dios, cham'a apxegama axta axto'o agko' aptegyeyncha'a énxet yakwayam eltemeykha neyseksa anmen yámet.

SAN MATEO 20:6

Las cinco taxnam axta anhan apmeyákxo makham ma'a apheykegkaxal'a énxet, apkelwetágweykxek axta makham énxet meyke apkeltamheykha; aptahak axta apkelmaxneyeyncha'a s'e: ‘¿Yaksak ektaha kélheyncha'a aksa yókxoho ekhem meyke kéltamheykha s'e?’

SAN MATEO 20:8

“Xama axta ekyaktésa, aptahak axta apcháneya wese' apkemha apmonye apkeláneykha s'e: ‘Elwónmakha hana énxet'ák ektaha nak apkeltamheykha, eyánmagkases nahan apkeltamheykha yeynho apmonye'e m'a axayok xeyk apkeltamheykha, keñe sat axayok eyánmagkasesek ma'a apmonye'e exchek apkeltamheykha.’