SAN MATEO 20:4 - Lengua Sur (Enxet) Nuevo Testamento

⁴ Aptahak axta apkeláneya s'e: ‘Kólmohok nahan kéxegkáxa kóltemeykha m'a seneykekxexa nak anmen yámet, ayanmagkasesek sat ekyanmaga kéltamheykha.’ Apkelxegkek axta.

SAN MATEO 20:4 Referans Kwoze

1 SAN PEDRO 1:13

Kóllánekxa kéltahakxa, kólteme kélmowána kélláneykegkoho kéltémakxa, kólleyxmakha m'a aksok peya nak egkések Dios eñama m'a ektémakxa nak segemleykekxoho, cham'a senxekmowáseykpoho sat Wese' egegkok Jesucristo.

TITO 3:8

Ekmámnaksoho agko' xa, emenyék ko'o elenxanmohok apxeyenma exchep xa, yakwayam enxoho elanagkok apkeltamheykha ektakmela m'a énxet'ák apteme nak melya'áseyam Dios. Cháxa ektaha nak nentamheykha ektakmela xa, awanchek nahan hempasmok negyókxoho nak.

COLOSENSES 4:1

Kéxegke kélwese'e nak, kólteme cha'a kéltémakxa ektakmela kóllának énxet kéltemesáseykha naksa nak, kólteméses nahan ma'a ekpayhawo nak kóltemésesek. Kaxén kéxegkáxa kélwáxok apha Wese' kélagkok ma'a néten.

1 CORINTIOS 6:11

Cháxa apkeláneykegko axta nápakha énxet'ák apkeleñama kélnepyeseksa kéxegke xa, wánxa agkok, kéltemésesegkek eyke kaxwo' kéláxñeyo kéxegke, kéltemésesegkek nahan kéxegke Dios apkelpagkanma, kéltemésesegkek nahan kélpéwomo eñama apwesey m'a Jesucristo Wese' egegkok tén han eñama m'a Espíritu apkeñama nak Dios egagkok.

SAN MATEO 9:9

Apxegákxeyk axta makham Jesús apkeñama m'a, apwetágwokmek axta xama énxet apwesey axta Mateo, cham'a aphama axta elmomaxchexa selyakye yakwayam kólmések wese' Roma. Aptahak axta apcháneya Jesús s'e: —Hétlawha ko'o. Keñe axta apkempákxo néten Mateo, apyetlókek axta anhan Jesús.

SAN MATEO 20:3

Apxegákxeyk axta makham axto'o las nueve axta m'a, apwet'ak axta apheyncha'a énxet meyke apkeltamheykha m'a apheykegkaxal'a cha'a énxet.

SAN MATEO 20:5

Apxegákxeyk axta makham xa wese' nak, yetseksókhem axta m'a, keñe axta apxegákxo makham las tres taxnam. Hawók axta makham ma'a aptahakxa axta.