SAN MATEO 20:34 - Lengua Sur (Enxet) Nuevo Testamento

³⁴ Apyósekak axta apkelano Jesús, appaknegkesakmok axta apakta'ák. Yetlókók axta apkelweteykekxaxma énxet meyke apakta'ák, apkelyetlákxeyk axta anhan Jesús.

SAN MATEO 20:34 Referans Kwoze

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

1 SAN PEDRO 3:8

Kólteme cha'a megkólexpanchásamáxche kéxegke, kólhésho cha'a mók kélwáxok, kólásekhaxkohok cha'a nentémol'a anlának egyáxeg nentémo xamo' nak magya'áseyam. Kólteme cha'a ektakmeleykha kélwáxok, tén han megkeymáxkoho kélwáxok.

SAN LUCAS 22:51

Aptahak axta Jesús se'e: —Nágkóltemésesha, wánxa kólteme. Appaknegkesakmók axta apeykok Jesús xa kélásenneykha nak, aptakmelchesekmek axta anhan.

SAN LUCAS 7:13

Xama axta apwet'a Wese' egegkok ma'a tampe' nak, ayósek axta apkelano. Aptahak axta apcháneya s'e: —Nágkalekxagwaha.

SAN MARCOS 7:33

Mók nekha axta apyentamak Jesús xa énxet nak, eyátépexa axta apchaknágkaxa énxet apxámokma, apkelatchesek axta apophék Jesús kañe' apeyk'ák, keñe axta aptaha apyamánog appaknegkesakmoho apaxkok.

SAN MATEO 15:32

Apkelwóneyha axta Jesús apkeltámeséyak, aptahak axta apkeláneya s'e: —Apyósekak ko'o sélano xa énxet'ák nak, hakte antanxo ekhem wokmok apheykha s'e sekhakxa nak, méko nahan aptéyak. Momenyék ko'o aláphaksek apxanák yetlo metéyak aptéyak, hakte káhapwakxak katnehek xama náxet ámay.

SAN MATEO 14:14

Xama axta apteyapwokmo Jesús kañe' yántakpayhe, apwet'ak axta énxet apxámokma, apyósekak axta apkelano, apkeltakmelchesekmek axta apkelháxamap apnaklo axta xa énxet'ák nak.

SAN MATEO 9:29

Keñe axta apkelpaknegkesekmoho apakta'ák Jesús xa énxet'ák nak. Aptahak axta apkeláneya s'e: —Katnehek sat xa ektahakxa nak megkólya'áseyam kéxegke.

SAN MATEO 8:15

Appaknegwokmok axta ámek Jesús, keñe axta ekmassa ekmexanma empehek, keñe axta ekhákxo néten yetlókók axta elápeykha elánesa aksok.

SAN LUCAS 18:43

Yetlókók axta anhan apweteykekxaxma m'a énxet meyke apakta'ák axta, apyetlókek axta anhan Jesús apkeltemésesa apcheymákpoho Dios. Apkeltemésesek axta anhan apcheymákpoho Dios apyókxoho énxet ektaha axta apweteykegkoho xa.

SAN MATEO 9:36

Xama axta apwet'a Jesús xa énxet'ák nak, apyósekak axta apkelano, hakte kellapwámeykegkek axta, méko axta nahan ekpasmo, máxa axta aptamheykegkok ma'a nekkések meykel'a eltakmelcheso.

HEBREOS 2:17

Ekeso eñamakxa apheyáseykpoho apagko' axta Jesús ma'a apkelyáxeg, yakwayam enxoho etnehek nápakto' Dios meyenseyam appasmo apkelmaxnéseso Dios énxet'ák apagkok, tén han etnehek apmopyósa elanok pók, yakwayam enxoho anhan étaksek meyakmagkáseykekxa Dios apkeltémakxa melya'asáxma énxet'ák, eñama m'a apketsapma axta segyanmaga.

SAN MATEO 20:33

Aptahak axta apkelátegmowágko énxet'ák meyke apakta'ák se'e: —Egmenyék negko'o agwetekxaxma.

SAN MATEO 21:1

Xama axta apkelágketchesekmo tegma apwányam Jerusalén, apkelwokmek axta nátegma ekwesey axta Betfagé, keto' axta egkexe Olivos ma'a, apkeláphásek axta Jesús apkánet apkeltámeséyak.