SAN MATEO 20:30 - Lengua Sur (Enxet) Nuevo Testamento

³⁰ Xama axta apkelleg'a amya'a apyeykhágwokmo Jesús aphágkaxa apkánet énxet meyke apakta'ák, aptahak axta apkelyennaktésawo apkelpeywa s'e: —¡Wese', David Apketche, yepyósho henlanok negko'o!

SAN MATEO 20:30 Referans Kwoze

SAN MARCOS 10:46

Apkelwokmek axta tegma apwányam Jerico. Xama axta aptepa Jesús nepyeseksa tegma apwányam yetlo apkeltámeséyak, tén han yetlo m'a énxet apxámokma ektaha axta apyetlo, apheyk axta nekha ámay xama énxet meyke apakta'ák apwesey axta Bartimeo, apkelháxanma axta cha'a kólmések aksok, Timeo apketche axta m'a.

SAN MATEO 22:42

Aptahak axta apkelmaxneyeyncha'a Jesús se'e: —¿Yaksak kélanagkama kéxegke Mesías? ¿Yaksak apyepmeyk nano' ma'a? Aptahak axta apkelátegmowágko s'e: —David aptáwen neptámen.

SAN MATEO 21:14

Apya'awak axta apkenmágkaxa Jesús énxet meyke apakta'ák tén han meyke aptapnák. Apkeltakmelchesekmek axta anhan.

SAN MATEO 21:9

Apsawhekpók axta apkelyennaktésawo apkelpeywa apkelxega axta apmonye'e, tén han ma'a apkelxega axta neptámen. Aptahak axta s'e: —¡Kólpeykesho wese' apwányam David Apketche! ¡Tásek sat katnehek apxénamap xa apwa'a nak yetlo apsayam Dios apwesey! ¡Apcheymákpoho Dios apha nak néten!

LOS HECHOS 2:30

Dios appeywa aplegaso axta David, apya'ásegkok axta m'a ektémakxa axta appekkencháseykekxo appeywa Dios yetlo ekmámnaksoho agko' peya etnésesek Wese' apwányam xama David aptáwen neptámen.

SAN LUCAS 7:21

Chakhawók axta anhan ma'a apkeltakmelchesekmo axta Jesús apxámokma énxet ektémakxa axta apkelháxamap, tén han ma'a ektémakxa axta anhan apkellegeykegkoho, tén han ma'a kelyekhama' eknaktawáseykha axta, apkelwetásekxeyk axta anhan exma apxámokma m'a énxet meyke apakta'ák axta.

SAN LUCAS 4:18

“Wese' egegkok Espíritu apagkok ko'o sekxegexma, hakte epagkanchek axta ko'o yakwayam asókasek amya'a ektakmela m'a énxet'ák meyke nak aksok apagkok; Elaphásek nahan ko'o yakwayam altennaksek kélchexeykxo m'a énxet apkelmomap nak, tén han óteyásekxaxma m'a énxet'ák meyke apakta'ák nak; keñe anhan akxeykxak ma'a énxet'ák kélnaktawáseykegkoho nak;

SAN MATEO 15:22

Yo'ókmek axta Jesús xama kelán'a eñama Canaan ekha axta xa yókxexma nak, entahak axta ekyennaktésawo ekpeywa s'e: —¡Wese', David Apketche, yepyósho helanok ko'o! ¡tawáseykha ko'o kelyekhama' hatte, legasáseykegkok nahan!

SAN MATEO 13:4

Appalcheságkek axta aktek, nekha aktek axta pálwokmok ámay awáxok, keñe axta ekpálwa'a náta ektókagko.

SAN MATEO 20:31

Apnókáseyha axta eyke énxet apkeltamho elwanmeyekxa', wánxa agkok, apyanchesekmok axta eyke apteme apkelpeywa s'e: —¡Wese' David Apketche, yepyósho henlanok negko'o!