SAN MATEO 20:26 - Lengua Sur (Enxet) Nuevo Testamento

²⁶ Akke kapayhawok katnehek kélnepyeseksa kéxegke xa ektaha nak. Kélmokók agkok kéxegke kóltehek kélámha kélmonye'e, kéméxchek kóltemeykha aksa nepyeseksa kélnámokkok;

SAN MATEO 20:26 Referans Kwoze

SAN MARCOS 10:43

Akke kapayhawok katnehek kélnepyeseksa kéxegke xa ektaha nak. Kélmokók agkok kéxegke kóltehek kélámha kélmonye'e, kéméxchek kólpasmok kélnámokkok.

SAN MARCOS 10:45

Axta eweyk nahan ektaha nak Apketche énxet yakwayam yának kólpasmok, wánxa agkok, apwayak axta yakwayam epasmok énxet'ák, tén han yakwayam eyenyók apyennakte ekyanmaga yakwayam elwagkasek teyp apyókxoho énxet.

SAN MARCOS 9:35

Apheyk axta Jesús, keñe axta apkelwónencha'a m'a doce apkeltámeséyak nak. Aptahak axta apkeláneya s'e: —Kélmokók agkok kóltehek kélxama kéxegke kélámha kélmonye', kéméxchek kóltemésesaxchek meyke kéláyo nepyeseksa kélnámokkok, tén han kólpasmok ma'a kélnámokkok.

1 SAN PEDRO 5:3

Nágkólteme aksa kélyennaktésamaxkoho kóllának ma'a énxet'ák ektaha nak kéltakmelcheso kéxegke, wánxa agkok, kólxemósho aksa kéltémakxa ektakmela, yakwayam enxoho elyetlakxak xa énxet'ák nak.

SAN LUCAS 18:14

Eltennásek ko'o kéxegke aptakhákxo apxagkok yetlo meyakmagkáseykekxa Dios aptémakxa mey'asáxma xa énxet apkelmomo axta cha'a selyakye yakwayam kólmések wese' Roma, axta kaxnók ma'a énxet fariseo. Hakte kéxegke ektahakxa enxoho kéltémo kólawho nepyeseksa kélnámokkok, mékoho sat kóltemesásekxa'; keñe sat kéxegke kéltemesásamáxche nak mékoho, ekha kéláyo sat kóltemesásekxa'.”

1 SAN PEDRO 4:11

Apkeltennáha agkok xama énxet, kéméxchek katnehek apkeltenneykha m'a ektémakxa nak Dios appeywa, apkelanak agkok aptamheykha xama énxet kéméxchek yásenneykxak ma'a apwaskápeykekxoho ektaha nak apméso Dios. Ekyókxoho aksok kéllanakxa enxoho, kóllána' cha'a yakwayam enxoho kóltemésesek apcheymákpoho Dios eñama m'a Jesucristo, cham'a Dios aptaha nak apagkok ma'a apcheymákpoho nak, tén han ma'a ektémakxa nak apmopwána megkatnegwayam enéxa. Katnahagkok sat cha'a.

SAN MATEO 25:44

Keñe sat etnehek elátegmowagkok énxet'ák se'e: ‘Wese', ¿Yaksak axta ekhem negwetaya exchep eyakhama meyk tén han eyakhama ekhem, tén han negwetaya apkeñémeya makhawo', tén han negwetaya aptéma meyke apáwa, tén han negwetaya apháxamákpo, tén han kélhéseykmo sẽlpextétamakxa, keñe negko'o mampasmoma?’

HEBREOS 1:14

Hakte apyókxoho Dios apkelásenneykha apteme apkeleñamakxa apagko' ma'a néten, yakwayam enxoho elyahakxohok Dios, kóláphaksohok nahan cha'a yakwayam epasmok ma'a énxet'ák ektaha nak kélpagkancheso yakwayam elwagkasakpok teyp.

FILEMÓN 1:13

Emenyék eykhe ko'o exek Onésimo s'e sekhakxa nak, yakwayam enxoho hepasmok ko'o, yakwayam eykhe hepasmok xép, keso sekha nak kaxwo' sẽlpextétamakxa eñama seltenneykha tásek amya'a.

2 TIMOTEO 1:18

Wese' egegkok sat yemlekxohok ma'a ekhem nelyekpelchamáxchexa sat. Apya'ásegkok xép ma'a ektahakxa axta ekyawe sẽlpasmo negko'o m'a tegma apwányam Efeso.

2 CORINTIOS 1:24

Móltamhok negko'o óltennasagkohok kéxegke m'a eyéméxchexa nak kóltehek megkólya'áseyam; hakte yennakweykmek kéxegke kélteme megkólya'áseyam, egmenyék eyke ampasmok kéxegke, yakwayam enxoho kalpayhekxak kélwáxok.

LOS HECHOS 13:5

Xama axta apkelwokmo m'a tegma apwányam Salamina ekpayho axta neyáwa wátsam ekwányam, apchénawók axta apkeltenneykha Dios appeywa apchakneykekxexa énxet'ák judíos ma'a. Juan axta anhan aptahak apkelxegexma'a xa énxet'ák nak yakwayam etnehek appasmeykha apkeltamheykha.

SAN JUAN 18:36

Aptahak axta apchátegmowágko Jesús se'e: —Háwe ko'o wese' apwányam keso náxop. Ektemék axta agkok ko'o wese' apwányam keso náxop, yetneyk axta katnehek seláneykha yakwayam ennapakpok yakwayam enxoho ko'o mehelmések ma'a énxet'ák judíos. Háwe eyke ko'o wese' apwányam keso náxop.

SAN MATEO 27:55

Xámok axta kelán'ák eyaknencha'a elenmexo makhawo', cham'a elyetlawa axta Jesús eleñama Galilea, pasmomchek axta anhan cha'a Jesús.

APOCALIPSIS 17:6

Keñe axta sekwet'a ko'o ekyeykesáxma kelán'a m'a Dios énxet'ák apagkok éma apagkok nak ektémol'a hegakhek anmen, tén han éma apagkok ma'a énxet'ák ektaha axta aptekyawa eñama melyenseyam apteme melya'áseyam Jesús. Etlakkasek axta ko'o sekwet'a xa.

SAN MATEO 20:27

Kélmokók agkok kéxegke kóltehek kélámha kélmonye'e, kéméxchek kóltemeykha aksa ektémol'a énxet apmomap.

SAN LUCAS 22:26

Akke keyméxchek katnehek kélnepyeseksa kéxegke xa ektaha nak. Enxet ekyawe nak kéláyo, kéméxchek exnésakpohok wokma'ák, keñe m'a énxet ekha nak apkeláneykha, kéméxchek exnésakpohok ma'a kélásenneykhal'a.