SAN MATEO 20:23 - Lengua Sur (Enxet) Nuevo Testamento

²³ Aptahak axta apchátegmowágko Jesús se'e: —Kóllegagkohok sat kéxegke xa nenlegeykegkoho nak, cham'a ekyetchesamaxkoho nak xama egheykok negyal'a aksok ekmáske, akke ko'o hepayhawok wának exek énxet ekpayhókxa nak selya'asamakxa tén han ma'a nésagkalwa. Appagkanchesek eyke Táta m'a énxet ektaha nak apkelyéseykha.

SAN MATEO 20:23 Referans Kwoze

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

LOS HECHOS 12:2

Apkeltamhok axta Herodes kólyetxak sawo ekwenakte kólakhek ma'a Santiago, aptaha axta Juan apyáxeg.

SAN MARCOS 10:40

akke hepayhawok ko'o wának exek énxet ekpayhókxa nak selya'asamakxa, tén han ma'a nesagkalwa. Wánxa sat kólmések yakwayam exek ma'a énxet ektaha nak kélpagkancheso.

SAN MATEO 25:34

Sat etnehek yának Wese' énxet'ák apheykha ekpayhókxa apkelya'asamakxa s'e: ‘Kólchexyem kéxegke kéltaha nak ektakmela apkelxeyenma Táta; Kólma m'a aptémakxa nak Wese' apwányam Dios, kéllánesamakxa axta kéxegke amonye apkelané Dios keso náxop.

1 CORINTIOS 2:9

Wánxa agkok, temegkek eyke eknaktáxésamaxche weykcha'áhak se'e: “Apkelanesákxek axta aksok Dios ma'a énxet'ák apkelásekhayókxa nak, cham'a aksok megkótémaxko nak, tén han ma'a megkañamáxko nak, tén han ma'a megkaxéneykencha'a nak egwáxok”.

ROMANOS 8:17

Hegwakxohok sat nahan negko'o xa nenxawé m'a sempagkanchesama axta Dios hegmeyásekxak, cham'a sẽltennasama axta, cháxa peya sat anxawhok xamo' Cristo xa, eyámnaksoho enxoho nenlegagkoho xamo' ma'a Cristo, yakwayam enxoho ampasmok ma'a ektémakxa nak apcheymákpoho.

HEBREOS 11:16

wánxa agkok apmenyék axta eyke étak apkelókxa ektakmela xa énxet'ák nak, cham'a negókxa ekyetna nak néten. Ekeso eñamakxa memegkaktama nak Dios apkeltéma énxet'ák apagkok xa énxet'ák nak, hakte yetneyk apkeláneso xama tegma apwányam.

COLOSENSES 1:24

Payhekxeyk kaxwo' ko'o ewáxok seklegágkoho kéxegke eñamakxa, cháxa seksawhegwokmo ko'o eklegeykegkoho sekyókxa xa, cham'a eyéméxko nak eñegkohok Cristo, énxet'ák apagkok eñamakxa, ektaha nak han apyókxa.

2 CORINTIOS 1:7

Yawanchek kamaskok ektémakxa nak negáyo kéxegke, hakte negya'ásegkok ekwákxoho kéxegkáxa nenlegeykegkoho, ekhawo ektémakxa nak han ekweykekxoho kéxegke ekpayheykekxa egwáxok eñama nak Dios.

SAN MATEO 13:11

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios; akke elya'asásegwokmok xa énxet'ák nak.

SAN MATEO 20:24

Xama axta apkelleg'a nápakha Jesús apkeltámeséyak xa, diez axta apyókxoho m'a, apkellókek axta aptaknawé m'a apkánet énxet apyáxeg xamo' axta.