SAN MATEO 20:21 - Lengua Sur (Enxet) Nuevo Testamento

²¹ Aptahak axta apkelmaxneyeyncha'a Jesús se'e: —¿Yaksak amenye'? Entahak axta eyátegmowágko s'e: —Yána exmakha ko'o étchek ma'a aptémakxa nak xép Wese', xama sat exnések ekpayhókxa apkelya'asamakxa, keñe sat nahan pók ma'a nepsagkalwa.

SAN MATEO 20:21 Referans Kwoze

SAN MATEO 19:28

Aptahak axta apchátegmowágko Jesús se'e: —Wokmek sat agkok ekhem yakwánxa katnekxak axnagcha'ák ekyókxoho aksok, cham'a apha sat néten aptaháno eyeymáxkoho m'a aptaha nak Apketche énxet, kólhakha sat nahan kéxegkáxa doce taháno, kéxegke kéltaha nak sétleykha, yakwayam enxoho kóltehek kélyekpelchémo m'a doce pók aptémakxa nak énxet'ák Israel. Nakso' xa sektahakxa nak seláneya kéxegke.

SAN MATEO 18:1

Chakhawók axta anhan apya'aweykxo apkeltámeséyak Jesús. Aptahak axta apkelmaxneyeyncha'a s'e: —¿Yaksak ektahakxa ekyawe kéláyo m'a aptémakxa nak Wese' apwányam Dios ma'a néten?

LOS HECHOS 1:6

Aptahak axta apkelmaxneyeyncha'a énxet'ák ektaha axta apkelxegexma'a Jesús se'e: —Wese', ¿peya etekkesásekxohok makham xép énxet'ák Israel ma'a ektémakxa axta apkeláneykencha'a apheykegkaxa tén han ma'a mók yókxexma nak?

SAN MARCOS 6:22

Taxnegwokmek axta Herodías étche m'a neyseksa ektámáxche nento, keltayha axta ekneywencha'a m'a, leyawok agko' axta apwáxok Herodes ektahakxa eknéweykha Herodías étche, leyawok axta anhan apwáxók énxet'ák aptóko axta xamo' aptéyak Herodes. Ekeso eñamakxa aptaha axta apcháneya kelán'a étkok wese' s'e: —Hélmaxna aksok eyámenyéxa enxoho, agkések sat.

SAN MATEO 20:32

Apkenegwokmek axta Jesús, apkelwóneyha axta m'a énxet meyke apakta'ák nak. Aptahak axta apkelmaxneyeyncha'a s'e: —¿Yaksak kélámenyého atnésesek kéxegke?

COLOSENSES 3:1

Kólchetam kéxegke aksok eleñama nak néten, cham'a aphamakxa nak Cristo ekpayhókxa nak apkelya'asamakxa Dios, hakte kélnakxátekháseykmek axta kéxegke xamo' Cristo.

ROMANOS 12:10

Kólásekhoho cha'a m'a megkólya'áseyam xamo' nak Cristo, kólyanchesagkoho cha'a kélásekhayo, kólteme nahan cha'a kélyaheykekxoho kélmók.

SAN JUAN 15:7

“Kéllenxanakmók agkok kélteme selyepetcheyo ko'o, tén han kéllenxanakmoho enxoho kélyetlo m'a ektémakxa nak nelxekmowásamáxche eñama ko'o, kólmaxna aksok kélámenyexa enxoho, kólxawak sat kéxegke.

SAN LUCAS 22:24

Apkelátegmoweykpek axta Jesús apkeltámeséyak apxéna yaksak kexaha ekpayhawo exének énxet aptaha apkemha amonye nepyeseksa.

SAN LUCAS 19:11

Apkelleg'ak axta énxet'ák aptaha apkeltenneykha Jesús xa, apkeltennáseyha axta Jesús se'e apyetcháseykekxoho nak, hakte apchágketchesakxeyk axta Jerusalén, apkeneykek axta anhan énxet'ák kawak heykxa m'a aptémakxa nak Wese' apwányam Dios.

SAN LUCAS 18:41

—¿Yaksak apkeltamho atnésesek xép? Aptahak axta apchátegmowágko énxet meyke apakta'ák se'e: —Wese', emenyék ko'o ótekxaxma.

SAN MARCOS 10:51

Aptahak axta apkelmaxneyeyncha'a Jesús se'e: —¿Yaksak apkeltamho atnésesek xép? Aptahak axta apchátegmowágko énxet meyke apakta'ák se'e: —Sẽlxekmóso, emenyék ko'o ótekxaxma.

ROMANOS 8:34

¿Yaksak sat kának kóllegásesagkohok? Cristo Jesús axta m'a apketsapa axta; háwe ekwánxa agkok ma'a apketsapa axta, apxátekhágwokmek axta anhan, apheyk nahan ma'a ekpayhókxa nak apkelya'asamakxa Dios, empakhetchesesek cha'a negko'o Dios.

SAN MARCOS 16:19

Kélya'ásekxeyk axta néten Jesús natámen apkelpakhetcheso apkeltámeséyak, aphákxeyk axta m'a ekpayhókxa nak apkelya'asamakxa Dios.

SAN MATEO 20:22

Aptahak axta apchátegmowágko Jesús se'e: —Megkólya'ásegkok kéxegke xa selmaxneya nak. ¿Kélwanchek enxeykel'a kóllegagkohok ma'a peya nak ko'o añegkoho' ekyetchesamaxkoho nak xama egheykok negyal'a aksok ekmáske? Aptahak axta apkelátegmowágko s'e: —Egwanchek.