SAN MATEO 20:19 - Lengua Sur (Enxet) Nuevo Testamento

¹⁹ egkések sat nahan ma'a énxet'ák metnaha nak judíos yakwayam enxoho yesmaksek, tén han etekpagmakha, tén han épetchesek aksok ektegyéso; wánxa agkok, antanxo ekhem sat eyke exátekhágwók makham.

SAN MATEO 20:19 Referans Kwoze

SAN MATEO 16:21

Axta apchénhok nahan apkeltennaso Jesús apkeltámeséyak peya emhagkok ma'a tegma apwányam Jerusalén, tén han apkeltennasa peya eñásesagkohok agko' ma'a énxet'ák apkelámha apmonye'e nak kélakneykekxexa, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelxekmóso nak apnámokkok ektémakxa segánamakxa. Apkeltennásek axta anhan peya yakhek xa énxet'ák nak, wánxa agkok, apxénchek axta eyke peya exátekhágwók antanxo ekhem.

LOS HECHOS 2:23

Kélakhak axta kéxegke xa énxet nak, kélyepetchesek axta aksok ektegyéso eñama apyepetcheso m'a énxet'ák elmasagcha'a nak apkeltémakxa, ekhawo m'a ektémakxa axta apkeláneykekxa Dios yakwayam elána', cham'a apmákpo axta.

LOS HECHOS 21:11

Xama axta apwokmo neghágkaxa negko'o Agabo, apmeyk axta Pablo apteté nepxet, apnaktetchek axta apmék, tén han apnakteta m'a apmagkok. Aptahak axta appakmeta s'e: —Apxénchek Espíritu Santo peya etnehek enaktetchesek apmék énxet'ák judíos ektaha nak apagkok se'e nenteté nenxet nak, cham'a tegma apwányam Jerusalén, tén han peya egkések ma'a pók énxet'ák nak.

LOS HECHOS 4:27

“Nakso', apchaknákxeyk axta Herodes tén han Poncio Pilato xamo' ma'a énxet'ák metnaha nak judíos, tén han ma'a énxet'ák Israel, amya'a axta apkelaneykxak yakwánxa kóltemésesek Jesús aptaha nak Xép apkelyéseykha yakwayam etnehek Mesías.

SAN LUCAS 24:46

Aptahak axta apkeláneya s'e: —Xeyenmék eknaktáxésamaxche ekmáheyo yetsapok Mesías, tén han ekxeyenma ekmáheyo exátekhágwók antanxo ekhem;

SAN LUCAS 23:11

Keñe axta aplágwokmo Herodes tén han ma'a sẽlpextétamo apagkok, apáwa aptakmela axta kéltaxneyásekxak Jesús ektémol'a wese' apkelnakta peya yesmésakpok. Keñe axta Herodes apcháphásekxo makham Jesús aphakxa Pilato.

SAN MARCOS 15:1

Axto'ok agko' axta apchaknákxo apkelámha apmonye'e nak appasmo apkelmaxnéseso Dios énxet'ák apagkok yetlo m'a apkelámha apmonye'e nak apchakneykekxexa énxet'ák judíos, tén han ma'a apkelxekmóso nak apnámokkok ektémakxa segánamakxa, axta anhan ma'a apyókxoho énxet'ák ekyawakxa kéláyo nak. Kélyentegkek axta Jesús yetlo kélnaktetcheso apmék aphakxa Pilato.

SAN MARCOS 14:65

Yetlókók axta apkexpakhe apyamánog nápakha énxet'ák, tén han apchaklásesa nápát, aptekpagáha axta anhan. Aptahak axta apcháneya s'e: —¡Ey'asagkoho hana xa ektaha nak ektekpaga! Keñe axta aptekpagkasa nápát ma'a sẽlpextétamo aptakmelcheso axta tegma appagkanamap.

SAN MATEO 12:40

Kaxhok sat ma'a ektémakxa axta Jonás apha antanxo ekhem tén han antanxo axta'a kañe' kelasma ekyawe awáxok, sat nahan katnehek ma'a aptaha nak Apketche énxet, antanxo ekhem, antanxo axta'a, sat katnehek apyetno kañe' xóp.

SAN MATEO 17:23

yakhek sat nahan; wánxa agkok antanxo ekhem sat eyke exátekhágwók. Kellapwagkásegkek axta apkeltámeséyak xa amya'a nak.

SAN MATEO 27:26

Keñe axta apyenyekxo Pilato m'a Barrabás, apkeltamhok axta anhan kóltekpagmakha Jesús, apmések axta anhan yakwayam kólyepetchesek aksok ektegyéso.

SAN MATEO 27:63

Entahak axta amya'a apcháneyákpo Pilato s'e: —Wese', xénwákxók negko'o egwáxok aptémakxa axta appeywa apyennaktamakxa m'a énxet aptaha axta apmopwána amya'a apagko', apxeyenma axta exátekhágwók ekwokmo enxoho antanxo ekhem.

SAN MARCOS 15:15

Keñe axta apyenyékxo aksa Pilato Barrabás, hakte apmenyék axta katakmelhok apha nepyeseksa énxet; apkeltamhok axta kólyentemekxak Jesús yakwayam kólyepetchesek aksok ektegyéso natámen apkeltémo kólakheykha.

SAN LUCAS 18:32

Kólmések sat ma'a énxet'ák metnaha nak judíos, yesmaksek sat nahan, ewanyaha sat, yexpakhak sat nahan apyamánog.