SAN MATEO 20:18 - Lengua Sur (Enxet) Nuevo Testamento

¹⁸ —Kélwet'awók kéxegke nelmeyákxo kaxwo' ma'a tegma apwányam Jerusalén, cham'a yakwánxa sat kólmések aptaha nak Apketche énxet ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa. Yának sat nahan emátog,

SAN MATEO 20:18 Referans Kwoze

SAN MATEO 16:21

Axta apchénhok nahan apkeltennaso Jesús apkeltámeséyak peya emhagkok ma'a tegma apwányam Jerusalén, tén han apkeltennasa peya eñásesagkohok agko' ma'a énxet'ák apkelámha apmonye'e nak kélakneykekxexa, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelxekmóso nak apnámokkok ektémakxa segánamakxa. Apkeltennásek axta anhan peya yakhek xa énxet'ák nak, wánxa agkok, apxénchek axta eyke peya exátekhágwók antanxo ekhem.

LOS HECHOS 2:23

Kélakhak axta kéxegke xa énxet nak, kélyepetchesek axta aksok ektegyéso eñama apyepetcheso m'a énxet'ák elmasagcha'a nak apkeltémakxa, ekhawo m'a ektémakxa axta apkeláneykekxa Dios yakwayam elána', cham'a apmákpo axta.

SAN MATEO 27:1

Xama axta elsaka, apheyásók axta mók apkeláneykekxa apkelpakmeyesma yakwánxa etnehek yakhek Jesús ma'a apyókxoho énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelámha apmonye'e nak apchakneykekxexa énxet'ák judíos.

SAN MATEO 26:66

¿háxko ektahakxa elchetamso kélwáxok kéxegke? Aptahak axta apkelátegmowágko énxet'ák se'e: —Apsexnánémap apagko'. Kéméxchek yetsapok.

SAN MATEO 26:2

—Kélya'ásegkok kéxegke eyéméxko ánet ekhem yakwayam kalanaxchek ma'a ekhem melwagkayam nak énxet'ák judíos kéltéma nak Pascua, cham'a yakwánxa sat kólának emakpok aptaha nak Apketche énxet yakwayam kólyepetchesek aksok ektegyéso.

SAN LUCAS 22:71

Aptahak axta apkelpakmeta énxet'ák se'e: —Megkeyméxchek kaxwo' antegyekxohok énxet apya'áseykegkoho aptémakxa. Negko'o egagko' nenleg'ak aptahakxa appeywa.

SAN MATEO 10:4

Simón axta anhan ma'a apkeltamhomakpo axta celote, Judas Iscariote axta anhan ma'a, cham'a appelakkasesa axta apkeltamho emakpok Jesús.