SAN MATEO 20:16 - Lengua Sur (Enxet) Nuevo Testamento

¹⁶ “Sat nahan katnehek énxet'ák apteme nak apkelámha apmonye'e keso kaxwo' nak, kónegók sat kóltemesásekxak, keñe sat kóltemesásekxak apkelámha apmonye'e m'a énxet'ák apteme nak kónegók keso kaxwo' nak.

SAN MATEO 20:16 Referans Kwoze

SAN MATEO 19:30

Wánxa agkok, kónegók sat eyke kóltemesásekxak nápakha énxet apteme nak apkelámha apmonye'e keso kaxwo' nak, keñe sat kóltemesásekxak apkelámha apmonye'e m'a nápakha énxet apteme nak kónegók keso kaxwo' nak.

SAN MARCOS 10:31

Wánxa agkok, meyke kéláyo sat kóltemesásekxak nápakha énxet'ák apteme nak apkelámha apmonye'e keso kaxwo' nak, keñe sat kóltemesásekxak apkelámha apmonye'e m'a nápakha énxet'ák apteme nak meyke kéláyo keso kaxwo' nak.

SAN MATEO 22:14

Apxámok énxet ektaha nak kéláneyeykha, apkántawók eyke m'a ektaha nak kélyéseykha.”

SAN LUCAS 15:7

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, awanhek katnehek elpayheykekxa apwáxók énxet'ák apheykha nak néten, megkaxók ma'a ekweykenxal'a apkelpeykesáseykekxa apwáxók noventa y nueve énxet'ák eltakmela nak apkeltémakxa, cham'a megkeyméxko nak elyakmagkasek apwáxók.

ROMANOS 9:30

¿Háxko sat kaxwo' antehek nempeywa anxének xa? Apxénchek axta Dios aptaha apkelpéwomo m'a énxet'ák metnaha nak judíos eñama apteme melya'áseyam, cham'a mektamsama axta nentémakxa ekpéwomo.

SAN MATEO 7:13

“Kólántex kéxegke m'a ektahakxa nak ketsék átog, hakte awanhek átog ekmaheyak nak ma'a sẽlmaséseykenxa nak, awanhek nahan ámay, awanhek nahan exma, awanhek nahan ekpayhakxa, apxámok nahan énxet apkelyetleykekxa xa ámay nak;

ROMANOS 8:30

Apkelwóneyha axta anhan Dios ma'a énxet'ák ektaha axta apkelpagkanma sekxo' agko'; aptemésesegkek axta anhan apkelpéwomo m'a énxet'ák ektaha axta Dios apkelwóneykha; apmések axta anhan apkeleymákpoho m'a énxet'ák ektaha axta apteméseso apkelpéwomo.

SAN LUCAS 14:24

Eltennásek ko'o peya metawagkok ektámáxche selané xa apmonye'e exchek seláneyeykha.’

1 TESALONICENSES 2:13

Ekeso eñamakxa negmésa nak cha'a negko'o ekxeyenma egwáxok Dios, hakte xama axta kélleg'a kéxegke amya'a eñama Dios neltenneykha negko'o, ekmámnaksoho axta kéltemesásak kéxegke ektaha eñama Dios ma'a amya'a neltennásencha'a axta kéxegke, axta kaxénak kélwáxok ektaha apkeltenneykha apagko' la'a énxet. Nakso' agko' ektaha amya'a eñama Dios xa ektekkesama nak kéltémakxa ektakmela kéxegke kélteme nak megkólya'áseyam.

ROMANOS 5:20

Wa'ak axta segánamakxa yakwayam enxoho kayánchesagkohok mólya'asáxma; xama axta ekyawa mólya'asáxma, yáwegkek axta anhan ma'a Dios segásekhayo nak.

SAN LUCAS 7:47

Ekeso eñamakxa seltennasa exchep megkólyakmagkáseykxo ekyókxoho ektémakxa megkay'asáxma xa kelán'a nak, hakte awanhek eyásekhayo; wánxa agkok, kéxegke ekmasextoho nak megkólyakmagkáseykekxa kéltémakxa megkólya'asáxma, asexto nahan katnehek ekha kélásekhayo.

SAN MATEO 21:31

¿Yaksak axta apkelyahákxoho aptahakxa appeywa apyap xa apkánet nak? —Cham'a apmonye exchek —axta aptahak apkelátegmowágko xa énxet'ák nak. Aptahak axta apkeláneya Jesús s'e: —Apmonye'e sat elántexek aptémakxa Wese' apwányam Dios ma'a énxet'ák apkelmomo nak selyakye yakwayam egkések wese' Roma, tén han ma'a kelán'ák ekyakmagkáseyak nak pók énxet ekpathetéyak ektegye selyakye. Axayok sat eyke kólántexek kéxegke. Nakso' xa sektahakxa nak seláneya kéxegke.