SAN MATEO 20:1 - Lengua Sur (Enxet) Nuevo Testamento

¹ “Máxa xama wese' namyep kélcheneykekxexa anmen yámet ma'a aptémakxa nak Wese' apwányam Dios, cham'a apxegama axta axto'o agko' aptegyeyncha'a énxet yakwayam eltemeykha neyseksa anmen yámet.

SAN MATEO 20:1 Referans Kwoze

SAN MATEO 13:47

“Máxa nahan yám'én kélyamasma kañe' wátsam ekwányam ma'a aptémakxa nak Wese' apwányam Dios, keñe kalmok ekyókxoho ektémakxa kelasma.

SAN MATEO 13:24

Apkeltennáha axta makham Jesús mók apyetcháseykekxoho. Aptahak axta s'e: “Máxa énxet apkeneykekxa axta aktek ektakmela namyep apagkok ma'a aptémakxa nak Wese' apwányam Dios;

1 CORINTIOS 15:58

Elyáxeg selásekhayo, kóllenxanmoho kélyennaktésamo kélteme megkólya'áseyam, nágkólyensem, kólyanchesagkoho cha'a kéltamheykha kélláneya nak ma'a nentamheykha eñama nak Wese' egegkok, hakte kélya'ásegkok kéxegke megkatnaha eyakhémo kéllané kéltamheykha kélláneyol'a cha'a, eñama kélyepetcheyo Wese' egegkok.

SAN JUAN 15:1

“Ko'o sekteme anmen yámet ekmámnaksoho agko' ektaha nak aptakmelcheso m'a Táta.

SAN MATEO 25:1

“Máxa sat katnehek aptémakxa nak Wese' apwányam Dios ma'a ektémakxa axta diez kelán'a étkók elya'áyekmo axta sẽlyamhopma, kelmákxeyk axta chálewaso yetlo égmen'ák, kelanyexágkek axta m'a ektaha axta yakwayam kalyamhápok.

SAN MATEO 22:2

“Máxa xama wese' apkeláneso ektámáxche nento elyamhopma apketche m'a aptémakxa nak Wese' apwányam Dios.

SAN MATEO 13:33

Aptahak axta makham apkeltenneyncha'a Jesús apyetchásekekxoho s'e: “Máxa kempáseyak ekmeykencha'awol'a kelán'a kanchahak hótahap apxámokma m'a aptémakxa nak Wese' apwányam Dios, yakwayam enxoho kampasagkok apyókxoho hótahap ekyelakteso.”

SAN MATEO 13:31

Aptahak axta makham apkeltenneyncha'a Jesús apyetcháseykekxoho s'e: “Máxa yámet ekweseyl'a mostaza aktek apkeneykekxa énxet apkelchekha m'a aptémakxa nak Wese' apwányam Dios.

SAN MATEO 25:14

“Máxa sat katnehek énxet keto' apmaheykegkaxal'a mók apkelókxa m'a aptémakxa nak Wese' apwányam Dios, cham'a apkelwóneykencha'a axta apkeláneykha, appekkencháseykxek axta appeywa apkeltamho etakmelchesesek selyakye apagkok.

SAN MARCOS 13:34

Máxa énxet keto' apmaheykegkaxa mók apkelókxa xa, apkeltémo axta etakmelchesesek apxagkok ma'a apkeláneykha. Mók aptamheykha axta apmeyásak pók, apkeltamhok axta anhan eleyxmakha m'a ektaha axta aptakmelcheso átog.

SAN MATEO 3:2

Axta etnohok cha'a apkeltenneykha s'e: “¡Kólyakmagkas kélwáxok, chágketwa'ak ma'a aptémakxa nak Wese' apwányam Dios!”

SAN MATEO 23:37

“¡Jerusalén, Jerusalén! ¡Kélnapmakxa nak cha'a Dios appeywa apkellegaso nak! ¡Kélyetneykxa nak han cha'a meteymog ma'a seykha amya'a Dios apkeláphaso nak! Hágkaxwe amawhok wánchásekxak énxet'ák apheykha xa Jerusalén, ektémol'a kánchásekxak étkók tat'a kóneg axampagkok, axta eyke kólmáheyók kéxegke.

SAN MATEO 21:28

Aptahak axta apkelmaxneyeyncha'a Jesús se'e: —¿Háxko katnehek kéxegke elchetamso kélwáxók se'e peya nak axének? Apkánet axta apketchek xama énxet. Aptahak axta apcháneya xama apketche s'e: ‘Emhok hana etneykha m'a seneykekxexa nak ko'o anmen yámet.’

SAN MATEO 20:2

Hawók axta mók apkelpakmeyesma yakwayam eyánmagkasek wese' m'a ekweykenxal'a ekyanmaga xama ekhem nentamheykha, keñe axta apkeláphasa yakwayam eltemeykha neyseksa anmen yámet.