SAN MATEO 2:23 - Lengua Sur (Enxet) Nuevo Testamento

²³ Xama axta apwákxo m'a, aphakmek axta tegma apwányam Nazaret. Temegkek axta xa yakwayam enxoho katnehek ma'a apxeyenma axta katnehek énxet'ák aptaha axta Dios appeywa apkellegaso: cham'a ekmáheyo eltamhakpok Jesús apkeñama Nazaret.

SAN MATEO 2:23 Referans Kwoze

SAN MARCOS 1:24

—¿Yaksak ektaha sempáxakwa'a nak negko'o Jesús apkeñama nak Nazaret? ¿Peya hẽlmasesók negko'o apwa'a nak xép? Ekyekpelchawók ko'o exchep, ekya'ásegkok ko'o aptaha exchep apcháphásamap, appagkanamap apkeñama Dios.

SAN MATEO 26:71

Keñe axta apmeyákxo Pedro átog. Wet'ak axta makham mók kelán'a kélásenneykha. Entahak axta eláneya énxet'ák ektaha axta apheykha m'a: —Cháxa aptéma axta cha'a apxegexma Jesús xa, cham'a apkeñama nak Nazaret.

SAN MATEO 1:22

Sawhomáxkók axta ektéma xa, yakwayam enxoho katnehek ma'a apxeyenma axta Wese' egegkok, eñama apxeyenma m'a énxet aptaha axta Dios appeywa aplegaso aptéma axta s'e:

LOS HECHOS 24:5

Negya'ásegwokmek negko'o aptaha ekmaso aptémakxa s'e énxet nak, ekyókxoho yókxexma nahan aptekkásak apkexpanchásamap énxet'ák judíos xa, cháxa aptaha nak apkemha apmonye nepyeseksa m'a énxet'ák apkeltamhomakpo nak Nazarenos.

LOS HECHOS 2:22

“Enxet'ák Israel, kóleyxho hana s'e sekmoko nak altennaksek kéxegke; kélya'ásegkok ektakmela kéxegke apxekmósa axta Dios aptaha ekleklamo apwáxok kélnepyeseksa kéxegke m'a Jesús apkeñama nak Nazaret, apkeláneyak cha'a Dios aksok magwetaya nak eñama m'a Jesús, tén han ma'a aksok sempelakkaso nak agweta', tén han ma'a magkenatcheso nak agweta'.

SAN JUAN 19:19

Aptáxések axta Pilato ektéma nak se'e: “Jesús apkeñama Nazaret judíos Wese' apwányam apagkok.” Apkeltamhok axta kólpekkenek néten aksok ektegyéso.

SAN JUAN 18:7

Aptahak axta makham apkelmaxneyeyncha'a Jesús se'e: —¿Yaksak kélchetama? Aptahak axta makham apkelátegmowágko énxet'ák se'e: —Jesús apkeñama nak Nazaret.

SAN JUAN 18:5

Aptahak axta apkelátegmowágko s'e: —Jesús apkeñama nak Nazaret. Aptahak axta apchátegmowágko Jesús se'e: —Ko'o neykhe s'e. Judas axta anhan apkelxegexma'a xa énxet'ák nak, cham'a ektaha axta apmáheyo etlakkasesek yának emakpok Jesús.

SAN LUCAS 2:39

Kelmeyákxeyk axta makham Jesús enchána tegma apwányam Nazaret yókxexma Galilea natámen eksawhomo elané m'a eltémókxa nak antehek segánamakxa, cham'a ektahakxa axta eleñemékxa.

SAN LUCAS 1:26

Seis pelten axta weykmok ekteme lóso' Isabel, keñe axta apchápháseykxo makham Dios apchásenneykha apwesey Gabriel ma'a tegma apwányam Nazaret, yókxexma Galilea,

SAN MATEO 21:11

Aptahak axta apkelátegmowágko énxet'ák se'e: —Cháxa Jesús, aptaha nak Dios appeywa aplegaso apkeñama nátegma Nazaret yókxexma Galilea xa.

SAN MARCOS 1:9

Apxegkek axta Jesús apkeñama tegma Nazaret natámen xa, cham'a yókxexma Galilea, keñe axta Juan apyakpásesa yegmen ma'a wátsam Jordán.

SAN LUCAS 18:37

Kéltennásek axta apyeykhágwokmo Jesús apkeñama Nazaret ma'a.