SAN MATEO 2:2 - Lengua Sur (Enxet) Nuevo Testamento

² Aptahak axta apkelmaxneyeyncha'a s'e: —¿Háxko apyetnakxa judíos wese' apwányam apagkok apteyekmo exnexta? Hakte negwet'ak axta negko'o aptepa yaw'a apagkok ma'a ektaxnegwánxa ekhem, nelxegakmek axta negko'o yakwayam enxoho ólpeykesho'.

SAN MATEO 2:2 Referans Kwoze

APOCALIPSIS 22:16

“Ko'o Jesús, eyáphásek ko'o seyásenneykha apkeñama néten yakwayam eltennaksek ekyókxoho apchakneykekxexa énxet ektéma nak xa, ko'o sekteme señama nepyeseksa David aptawan'ák neptámen, ko'o nahan sekteme yaw'a apwányam apteyapmol'a axto'o agko'.”

SAN JUAN 18:37

Aptahak axta apkelmaxneyeyncha'a Pilato s'e: —¿Wese' apwányam neyke exchep? Aptahak axta apchátegmowágko Jesús se'e: —Cháxa aptahakxa nak appeywa: ko'o sekteme Wese' apwányam. Ekteyekmek axta ko'o, ekwayak axta anhan keso náxop, yakwayam axének ma'a amya'a ektaha nak ekmámnaksoho agko'. Yeyxhok cha'a sekpeywa ko'o m'a apyókxoho énxet'ák ektaha nak apkelyaheykekxoho amya'a ekmámnaksoho.

HEBREOS 1:6

Xama axta apcháphasa apkemha apmonye Apketche Dios keso náxop, aptahak axta anhan appeywa s'e: “Apyókxoho Dios apkelásenneykha sat elpeykeshok.”

SAN LUCAS 23:38

Yetneyk axta anhan kéltáxeso néten aksok ektegyéso ektéma axta kéltáxeso s'e: “Enxet'ák judíos wese' apwányam apagkok se'e.”

SAN LUCAS 23:3

Aptahak axta apkelmaxneyeyncha'a Pilato Jesús se'e: —¿Xépya judíos Wese' apwányam apagkok? —Cháxa aptahakxa nak appeywa exchep —axta aptahak apchátegmowágko Jesús.

SAN JUAN 5:23

yakwayam enxoho kaxhok kélteme kéláyo Dios Apketche m'a ekwánxa nak kélteme kéláyo ko'o Táta. Agkok kóltahak kéláyo Dios Apketche, megkóltahak nahan kéláyo m'a Táta aptaha axta seyáphaso ko'o.

SAN JUAN 1:49

Aptahak axta Natanael apcháneya Jesús se'e: —Sẽlxekmóso, ¡Xép apteme Dios Apketche, xép nahan apteme Israel Wese' apwányam apagkok!

SAN LUCAS 19:38

Aptahak axta s'e: —¡Tásek sat katnehek apxénamap xa Wese' apwányam apwa'a nak yetlo apsáyam Wese' egegkok apwesey! ¡Meyke ektahakxa egwáxok sat keytek ma'a néten, kóltemésesek sat apcheymákpoho Dios apha nak néten!

SAN LUCAS 2:11

Sakhem apteyekmok David apchókxa m'a yakwayam nak etnehek apmasma kéxegke, cham'a aptaha nak Cristo m'a, aptaha nak Wese' egegkok.

SAN JUAN 9:38

Keñe axta apkeltekxeya aptaknák apkenmágkaxa Jesús xa énxet nak. Aptahak axta apcháneya s'e: —Wese' may'ásekmok kaxwo' ko'o exchep.

SAN JUAN 19:19

Aptáxések axta Pilato ektéma nak se'e: “Jesús apkeñama Nazaret judíos Wese' apwányam apagkok.” Apkeltamhok axta kólpekkenek néten aksok ektegyéso.

SAN JUAN 12:13

Apkelyaktenágkek axta yam'áx'áwa apkelanyexágko Jesús xa énxet'ák nak. Aptahak axta apkelyennaktésawo apkelpeywa s'e: —¡Apcheymákpoho Dios! ¡Dios sat epasmok xa apxegakmo nak, aptaha nak Wese' egegkok Dios apcháphaso! ¡Dios sat epasmok Israel Wese' apwányam apagkok!

SAN MATEO 27:11

Kélyentegkek axta Jesús aphakxa Pilato, aptaha axta wese' apwányam Roma apchásenneykha apkeláneykha yókxexma. Aptahak axta apkelmaxneyeyncha'a Pilato s'e: —¿Xépya judíos Wese' apwányam apagkok? —Cháxa aptahakxa nak appeywa sexéna exchep —axta aptahak apchátegmowágko Jesús.

SAN JUAN 20:28

Aptahak axta Tomás se'e: —¡Wese' ahagkok!, ¡Dios ahagkok!

SAN MATEO 21:5

“Etne yának énxet apheykha tegma apwányam Sión se'e: ‘Kóllano, apya'awak kéxegke Wese' kélagkok, yetlo megyeymákpoho, yámelyeheykok étkok apchánte, cha'a étkok ma'a yámelyeheykok kélpátegkesamol'a aksok.’ ”

SAN MATEO 2:3

Awanhek axta ektamheykha apwáxok wese' Herodes apleg'a amya'a, hawók axta nahan ektahakxa m'a apyókxoho énxet'ák apheykha nak ma'a tegma apwányam Jerusalén.