SAN MATEO 19:9 - Lengua Sur (Enxet) Nuevo Testamento

⁹ Wánxa agkok, eltennásek ko'o kéxegke ektahakxa enxoho kélyamasma kéltáwa, megkatnaha enxoho elánegwayam pók énxet, keñe emekxak ma'a mók kelán'a, kéltawáseyha elyamhopma kéltaha enxoho xa.

SAN MATEO 19:9 Referans Kwoze

SAN MATEO 5:32

Wánxa agkok, ektahak ko'o seláneya kéxegke s'e: kélyenyókek agkok kéltáwa kélxama megkatnaha enxoho elánegwayam pók énxet, kéxegke kélagko' katnehek kéltémo katwasha elyamhopma; kélmákxeyk agkok nahan kelán'a ekyamasma nak atáwa, kéltawáseyha elyamhopma.

SAN LUCAS 16:18

“Kélyenyókek agkok kéxegke kéltáwa, keñe kólmekxak mók, kéltawáseyha elyamhopma kéltaha enxoho xa; kélmákxeyk agkok nahan kéxegke m'a kelán'a ekyamasma atáwa nak, kéltawáseyha nahan elyamhopma.

1 CORINTIOS 7:39

Kelán'a ekha nak atáwa, keypetkohok atáwa neyseksa apha makham; apketsekkek agkok xa atáwa nak, katnehek meyke elya'ásekhaxma yakwayam kamekxak pok énxet eyámenyéxa enxoho, akke m'a apteme enxoho mey'áseyam Cristo.

1 CORINTIOS 5:1

Legáxchek axta amya'a kélxama kéxegke aptamhákxo aptáwa apteme egken. Cháxa ektaha nak magmasexta ekmaso agko' nentémakxa xa, magwetyehek nahan katnehek nepyeseksa énxet'ák melya'áseyak nak Dios xa.

1 CORINTIOS 7:4

Kelán'a ekha nak atáwa, háwe agkok agko' ma'a ekyókxa nak, atáwa eyke ektaha apagkok xa ekyókxa nak, ekhawo nahan ma'a énxet ekha nak aptáwa, háwe apagkok apagko' ma'a apyókxa nak, aptáwa eyke ektaha agkok xa apyókxa nak.

SAN MATEO 19:8

Aptahak axta apkeláneya Jesús se'e: —Kalyéha'ak kélwáxók kéxegke, ékeso eñamakxa apchahayo axta aksa Moisés kólyenyók kéxegke kéltáwa; axta eyke katneyk sekxo' agko' xa ektaha nak.

SAN MATEO 19:10

Aptahak axta apkeltámeséyak apcháneya Jesús se'e: —Temék agkok sẽlyamhopma xa ektaha nak, tásek mantegyek entáwa.