SAN MATEO 19:22 - Lengua Sur (Enxet) Nuevo Testamento

²² Xama axta apleg'a wokma'ák xa, kelapwámegkakxék axta aptakhákxo, hakte xámok axta aksok apagkok.

SAN MATEO 19:22 Referans Kwoze

SAN MATEO 6:24

“Méko kawának kalanha apkánet kélwese'e, hakte kóltaknók ma'a pók, keñe kalkohok kélwáxok ma'a pók, esenhan kóltehek megkólyenyaweykha m'a pók, keñe kólwanyohok ma'a pók. Megkólwanchek kéxegke kólhéshok mók kélyetlo xa ánet nak, Dios tén han selyakye.

SAN MATEO 13:22

Aktek ekpálwayam nak neyseksa yányemmék ekteme ekyetchesamaxkoho m'a énxet'ák apkellegé nak amya'a kéllegaso, wánxa agkok, akke xéneykha apwáxók ma'a aksok nenxamáseyak nak keso náxop, tén han eknaktawáseykencha'a m'a apkelmopmenyého nak etnahagkok ekxákma aksok apagkok, kamaséseshok cha'a ekyetno apwáxók amya'a kéllegaso ekyókxoho xa aksok nak, megkahayók nahan kótaksek apyakmagkaso axnagkok apkeltémakxa.

COLOSENSES 3:5

Kólmasésem kéxegke m'a ekyókxoho nentémakxa eñama náxop ekyetna nak kéxegke: nágkóllána aksa kélxama ekmaso nak nentémakxa mansexta, nágkóllána anhan nentémakxa ekmanyása nak, nágkólyeykhasaxkoho nahan kélmámenyého kóllának aksok, nágkólteme anhan kélmeyókásamáxkoho kélxakko' aksok (cháxa ekhawo nelpeykesamo nak kéleykmáseso xa).

EFESIOS 5:5

kélya'ásegkok eyke kaxwo' kéxegke m'a énxet ektahakxa enxoho apkelané ekmaso nentémakxa mansexta, esenhan ma'a apkelané enxoho nentémakxa ekmanyása nak, tén han ma'a apkelmeyókásamákpoho nak apxakko' aksok (ektaha nak ekhawo m'a nelpeykesamo nak kéleykmáseso), megkawakxók sat apkelteme Wese' apwányam apagkok Cristo tén han Dios xa énxet'ák nak.

SAN MARCOS 10:22

Xama axta apleg'a énxet xa, teyekmek axta apwáxok; kelapwámegkakxeyk axta aptakhákxo, hakte xámok axta aksok apagkok ma'a.

SAN MATEO 16:26

¿Kapasmoya énxet ekmassegwokmo enxoho ektémakxa apyennakte m'a apweté nak ekyókxoho aksok keso náxop? Mopwanchek eyánmagkasek énxet xama aksok yakwayam étak apyennakte.

SAN LUCAS 18:23

Xama axta apleg'a énxet xa, awanhek axta elapwayam, hakte xámok axta selyakye apagkok ma'a.

SAN MATEO 14:9

Teyekmek axta apwáxok Herodes, wánxa agkok apkeltamho axta kólmések, hakte ekmámnaksoho agko' axta aptemesásak appeywa nápakta'awo' ma'a énxet'ák ektaha axta apkeláneyeykha.

SAN MARCOS 6:26

Teyekmek axta apwáxok wese'; wánxa agkok ekmámnaksoho agko' axta eyke aptemesásak appeywa nápakta'awo' ma'a énxet'ák ektaha axta apkeláneyeykha, kennókek axta etakheksoho ektahakxa.

SAN MATEO 19:21

Aptahak axta apchátegmowágko Jesús se'e: —Apmokók agkok xép etnehek appéwomo, exeg, ekxeykxa m'a aksok apagkok ekyetna nak xép, elmésák ma'a énxet meyke nak aksok apagkok, keñe sat keytek ekxákma aksok apagkok xép ma'a néten. Keñe sat exyók, hétlawha sat nahan.

SAN MATEO 19:23

Keñe axta aptaha apkeláneya Jesús apkeltámeséyak se'e: —Askehe' yakwayam etxek énxet ekxákma aksok apagkok ma'a aptémakxa nak Wese' apwányam Dios. Nakso' xa sektahakxa nak sekpeywa seláneya kéxegke.

SAN JUAN 16:20

Kóllekxagwaha sat kéxegke, kallapwomagkok sat nahan, keñe sat kalpayhekxak apwáxók ma'a énxet'ák apheykha nak keso náxop. Kallapwomagkok sat eykhe kéxegke, ekpayheykekxa kélwáxok sat eyke kayakmagkasek xa ellapwámeyak nak. Nakso' xa sektahakxa nak seláneya kéxegke.