SAN MATEO 19:11 - Lengua Sur (Enxet) Nuevo Testamento

¹¹ Aptahak axta apchátegmowágko Jesús se'e: —Háwe apyókxoho énxet apmopwána ey'asagkohok se'e, wánxa m'a ektahakxa enxoho apméso Dios yakwayam ey'asagkoho'.

SAN MATEO 19:11 Referans Kwoze

1 CORINTIOS 7:17

Enxama cha'a negko'o kéméxchek anlának ma'a ektémakxa enxoho negmowána segméso Wese' egegkok, ekhawo ektahakxa axta segméso Dios, cham'a sẽlwóneykencha'a axta. Cháxa seltémól'a cha'a kalanaxchek ekyókxoho apchakneykekxexa xa.

1 CORINTIOS 7:35

Eltennásek ko'o kéxegke xa, háwe eyke yakwayam amásesagkok yakwánxa nak kóltehek, wánxa agkok, emenyék eyke apasmok kéxegke, yakwayam enxoho kóltehek ma'a ekpayhawo nak antehek, kóllána aksa m'a nentamheykha eñama nak Wese' egegkok meyke mók ekxénakxa kélwáxok.

1 CORINTIOS 7:2

Wánxa agkok, kéméxchek eyke etegyek aptáwa xama énxet, keñe nahan kategyek atáwa ma'a kelán'a, hakte yágwokmók kaxwo' ma'a ekmaso nentémakxa nak mansexta.

SAN MATEO 13:11

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios; akke elya'asásegwokmok xa énxet'ák nak.

SAN MATEO 19:10

Aptahak axta apkeltámeséyak apcháneya Jesús se'e: —Temék agkok sẽlyamhopma xa ektaha nak, tásek mantegyek entáwa.

SAN MATEO 19:12

Yetneyk ektémakxa megkahayo nak etegyek aptáwa énxet: nápakha énxet cha'a mopwanchek etegyagkok apnakteyegka'a eñama m'a sekxo' appaleykmo, yetneyk nahan ma'a énxet ektaha nak kélteméseso megkalmopwancha'a etegyagkok apnakteyegka'a, yetneyk nahan nápakha énxet megkamopwancha'a nak etegyagkok apnakteyegka'a eñama apkelyetlo m'a aptémakxa nak Wese' apwányam Dios. Enxet apmopwána enxoho ey'asagkohok xa, ey'asagkoho'.