SAN MATEO 18:8 - Lengua Sur (Enxet) Nuevo Testamento

⁸ “Kelánesek agkok megkólya'asáxma kélmek esenhan ma'a kélmenek, kólyaktén, kólchexa' nahan makhawo'; tásek kólántexek ekyennaktamakxa egnenyek xama kélmek tén han xama kélmenek, kaxnók kólchexeyxchek kéxegke megkaspóneykxa táxa ánet kélmék tén han ánet kélmagkok.

SAN MATEO 18:8 Referans Kwoze

ROMANOS 13:12

Yeyk'ak kaxwo' axta'a, ketó' ekteyapmakxa ekhem; ólwataksek hana nenlané aksok elánamáxkohol'a ekyaktésakxaxma, ólmekxak hana nelmeykha eleñama nak neyseksa elseyexma, ektémakxal'a sẽlpextétamo apkelmeykha.

APOCALIPSIS 20:15

cham'a kélchexeykxa axta nahan énxet'ák megkaxneykegko nak apkelwesey m'a weykcha'áhak eknaktáxésamaxchexa nak apkelwesey énxet'ák peya nak elxawagkok ekyennakte apnenya'ák.

APOCALIPSIS 14:10

kóllegásesagkohok sat ekmaso agko' eñama nak Dios senlegasáseykegkoho, cham'a Dios aplo kélxátama nak xama egheykok, kóllegásesagkohok sat neyseksa táxa tén han neyseksa m'a aksok ektawáseykencha'awol'a egyempehek, nápakta'awo' ma'a Dios apkelásenneykha apkelpagkanamap nak, tén han nápakto' ma'a Nekkések Apketkok.

APOCALIPSIS 21:8

Keñe m'a énxet apcháyo nak aksok, tén han ma'a énxet'ak apkelyenseyam nak apteme melya'áseyam, tén han ma'a énxet'ák ekmaso nak apkeltémakxa, tén han ma'a énxet'ák apchakhamol'a pók, tén han ma'a énxet'ák ekmaso nak apkeltémakxa kalmopsexta'a, tén han ma'a énxet'ák aptamhéyak nak kelyohóxma'a, tén han ma'a énxet'ák apkelpeykesamo nak kéleykmáseso, tén han ma'a apyókxoho énxet'ák apkelmopwancha'a amya'a nak, sat kalpehemmok apkelmahéyak neyseksa aksok ánek eyálewomakxa xa énxet'ák nak, cham'a ektahakxa nak ánet nétsapma.”

SAN LUCAS 14:33

Sat agkok kólchexeyk kéxegke ekyókxoho aksok kélagkok ekyetnakxa enxoho, megkólwanchek kóltehek seltámeséyak.

SAN MATEO 25:46

Cháxa peya nak elmahagkok megkatnegweykenxa nak néxa sẽllegasáseykegkoho xa, keñe m'a énxet apkelpéwomo nak peya elmahagkok ma'a megkatnegweykenxa nak néxa ekyennakte egnenyek.”

SAN MATEO 25:41

“Keñe sat etnehek yának Wese' apwányam ma'a apheykha nak ekpayhókxa nepsagkalwa: ‘Kólmohok kéxegke mók nekha cháxa eyéméxko nak kóllegásesagkohok; kólmohok ma'a megkaspóneykxa nak táxa kéllánesamakxa axta kelyekhama' tén han ma'a elásenneykha.

SAN LUCAS 16:24

Keñe axta aptaha apyennaktésawo appeywa s'e: ‘¡Táta Abraham, yepyósho helano ko'o! Yáphés Lázaro yakwayam eyásesek naw'a apophék yegmen yakwayam enxoho emaxakteyásekxak ahaxkok, awanhek ko'o seklegeykegkoho s'e neyseksa táxa nak.’

SAN MATEO 17:27

Emhok sekxo' ekpayhegwayam nak wátsam ekwányam, ényaw sat sókhaxé neygmen, eltegkes sat ma'a ektaswé amonye enxoho kelasma. Xama sawo selyakye sat étak kañe' awáxok. Kaxhok sat yakwayam agmések selyakye m'a tegma appagkanamap, xép tén han ko'o, yakwayam enxoho móllókasek énxet'ák. Esakxés sat, eyánmagkas sat nahan.