SAN MATEO 18:7 - Lengua Sur (Enxet) Nuevo Testamento

⁷ ¡Asagko agko' keso náxop ekyetnakxa nak ekxámokma aksok eláneso nak cha'a mey'asáxma énxet! Katnehek sat cha'a xa. ¡Kéxegke sat laye ektahakxa enxoho kélláneso mey'asáxma kélmók!

SAN MATEO 18:7 Referans Kwoze

SAN LUCAS 17:1

Aptahak axta apkeláneya Jesús apkeltámeséyak se'e: “Keytek sat cha'a aksok elánésamo nak mey'asáxma énxet; ¡kéxegke sat laye ektahakxa enxoho kélláneso mey'asáxma kélmók!

1 CORINTIOS 11:19

Megkatnehek kexaha megkólexpanchásamáxche kéxegke yakwayam kólya'ásegwomhok ma'a énxet'ák aptaha nak ekmámnaksoho melya'áseyam Cristo.

SAN MATEO 26:24

Katnehek sat aptaha nak Apketche énxet ma'a ektémakxa nak ekxeyenma eknaktáxésamaxche weykcha'áhak; wánxa agkok, sagkók agko' sat eyke katnehek kéllegasáseykegkoho m'a ektaha nak apkeltémo emakpok aptaha nak Apketche énxet. Tásek axta eykhe metyemek xa énxet nak.

SAN JUDAS 1:4

Apkelyexancháseykha keñamak apkelyexamakpoho appáxakwaya kéxegke nápakha énxet apkelmopwána amya'a nak, cham'a ekxeyenma nak eknaktáxésamaxche nano' axta, yakwayam kóllegásesagkohok xa énxet'ák nak. Sagcha'ak apkeltémakxa xa, apmeykha nahan cha'a m'a ektémakxa nak Dios segásekhayo apkeláneykegko m'a apkelyeykhásamákpoho nak apkeltémakxa ekmaso, mexeyenmak nahan cha'a apwesey m'a Jesucristo aptaha nak wánxa xama Wese' egegkok.

TITO 2:8

etakmelchesho nahan apkeltenneykha, yakwayam enxoho méko kawának kaxének eyesagko aptahakxa appeywa. Keñe sat elmegkágwakxak ma'a énxet'ák ektahakxa enxoho apkenmexeykha exchep. Mopwanchek sat nahan henxének ekmaso negko'o.

TITO 2:5

tén han kának katnahagkok ekmowána eláneykegkoho ektémakxa, tén han megkalanyek ma'a ekmaso nak nentémakxa mansexta, tén han katnahagkok ektakmelcheso m'a axanák, tén han katnahagkok ektakmeleykha awáxók, katnahagkok nahan elyaheykekxoho m'a anakteyegka'a, yakwayam enxoho mekaxénaxchek ekmaso m'a amya'a eñama nak Dios.

1 TIMOTEO 6:1

Enxet'ák ektaha nak apkelmomap kéltemesáseykha aksa, kéméxchek kaxének kélwáxok ekpayhawo kóltehek kéláyo wese' kélagkok, yakwayam enxoho megkaxénaxchek ekmaso Dios apwesey, tén han ma'a nelxekmowásamáxche eñama nak Dios.

LOS HECHOS 1:16

“Elyáxeg, máheyok axta katnehek ma'a ekyetnama nak eknaktáxésamaxche Espíritu Santo axta appeywa, cham'a apkeltenneykencha'a axta David apxeyenma Judas, cham'a Judas ektaha axta apnaklo sẽlpextétamo yakwayam emok Jesús.

SAN JUAN 17:12

Eltakmelchesegkek axta cha'a ko'o xa énxet'ák nak, neyseksók sekha xamo' keso náxop, ekmasmeyk axta anhan cha'a yetlo m'a xép apwesey ekha nak ekmowána, cham'a apwesey segkésama axta exchep. Axta anhan exyánegweykmok xama enxoho xa énxet'ák nak, wánxa axta apxegánegweykmo m'a aptaha axta apxegányam, yakwayam enxoho katnehek ma'a ektémakxa nak eknaktáxésamaxche weykcha'áhak.

SAN MARCOS 13:7

“Kélleg'ak sat agkok kéxegke amya'a ektepa kempakhakma s'e, tén han ma'a mók apkelókxa nak, nágkólé' aksa. Cháxa yakwánxa nak katnehek xa, háwe eyke yakwánxa makham katnehek néxa ekhem ma'a.

SAN MATEO 16:23

Appeynchakpók axta Jesús, aptahak axta apcháneya Pedro s'e: —¡Kamhok mók nekha Satanás! hakte mokók hetegkesek, meteyk xép aksok ekhawo m'a ektémakxa nak apweté Dios, wánxa m'a ektémakxa nak apweté énxet.