SAN MATEO 18:3 - Lengua Sur (Enxet) Nuevo Testamento

³ Aptahak axta s'e: —Agkok kólyakmagkásak kéxegke kéltémakxa, tén han megkólheyásexkoho enxoho sakcha'a létkók, megkólántexek sat ma'a aptémakxa nak Wese' apwányam Dios. Nakso' xa sektahakxa nak sekpeywa seláneya kéxegke.

SAN MATEO 18:3 Referans Kwoze

1 SAN PEDRO 2:2

Kólchetam kéxegke Dios appeywa, ektaha nak neme apyegmenek ektakmela apkeñama Dios, ektémol'a sakcha'a kaxwé ekteyam kaktamok ma'a neme, yakwayam enxoho kawánegkesesek kélteme megkólya'áseyam kéxegke xa neme apyegmenek ektakmela nak, tén han kólwetak kélwagkásamáxche teyp,

SAN MATEO 19:14

Aptahak axta Jesús apkeláneya apkeltámeséyak se'e: —Kólho hey'ótak sakcha'a létkók, nágkólnókasha, hakte appáxakweykmek aptémakxa nak Wese' apwányam Dios énxet'ák aphawo nak se'e sakcha'a létkók nak.

1 CORINTIOS 14:20

Elyáxeg, nágkatne aksa elchetamso kélwáxok kéxegke ektémakxal'a sakcha'a elchetamso awáxok; kólhésaxkoho m'a ektémakxal'a sakcha'a megkalané aksok ekmaso. Kólteme elchetamso kélwáxok ma'a ektémakxal'a elchetamso apwáxok énxet apkelwányam nak.

SAN JUAN 3:5

Aptahak axta apchátegmowágko Jesús se'e: —Agkok etnahak énxet kaxwé apteyam eñama nak yegmen tén han ma'a eñama nak Espíritu, mopwanchek etxek ma'a aptémakxa nak Wese' apwányam Dios. Nakso' xa sektahakxa nak sekpeywa seyáneya exchep.

SAN JUAN 3:3

Aptahak axta apcháneya Jesús se'e: —Agkok etnahákxak énxet kaxwé apteyam, mopwanchek étak ma'a aptémakxa nak Wese' apwányam Dios.

SAN LUCAS 13:24

Kóllenxánem kólántexek ma'a ektahakxa nak ketsék átog; hakte eltennásek ko'o kéxegke apxáma eykhe énxet apmáheyo elántexek, mopwancha'ak sat eyke elántexek.

LOS HECHOS 3:19

Ekeso eñamakxa seltamho nak ko'o kólyakmagkasek kélwáxok, kólyo'ókxes kélwáxok ma'a Dios, yakwayam enxoho emasésesek xa kéltémakxa nak megkólya'asáxma. Lapmaxchek sat egkések kéxegke Wese' egegkok ektakmeleykekxa makham kélha,

LOS HECHOS 28:27

hakte kalyeha'ak apwáxók xa énxet'ák nak, apkelapmeyk nahan apeyk'ák, apnaktenchesegkek nahan apakta'ák yakwayam enxoho melwetyehek, tén han melegye', tén han melyekpelchágwome'; yakwayam enxoho metnekxék mehey'áseyam ko'o, keñe ko'o mamasésesek ma'a ektamheykegkaxa nak.’

SAN JUAN 1:51

Aptahak axta nahan Jesús appeywa s'e: —Kólwetak sat kéxegke kamayhekxak néten, kólwetak sat nahan elweweykentak cha'a Dios apkelásenneykha apkeleñama néten, tén han elmeyekxak cha'a m'a néten, takhapxet ma'a ektaha nak Apketche énxet. Nakso' xa sektahakxa nak seláneya kéxegke.

SAN MATEO 5:20

Ektemék seláneya kéxegke xa, agkok kólyeykhágwokmohok kéxegke m'a énxet'ák apkelxekmóso nak ektémakxa segánamakxa, tén han ma'a énxet'ák fariseos eñama kéllané m'a ekpayhawo nak kóllának nápakto' Dios, megkólántaxnegwomek sat ma'a aptémakxa nak Wese' apwányam Dios.

SAN LUCAS 22:32

wánxa agkok elmaxnésesek axta eyke ko'o exchep yakwayam enxoho meyensemek apteme mey'áseyam. Ey'áweyktek sat agkok makham xép, epásem sat apnámokkok yakwayam enxoho elenxanmohok apkelyennaktésamo apteme melya'áseyam.

SAN MARCOS 4:12

yakwayam enxoho elano', melwetyehek eyke, yakwayam enxoho anhan ellega', melyekpelchehek eyke, yakwayam enxoho nahan metnekxék melya'áseyam Dios, keñe eyakmagkásekxak Dios ma'a apkeltémakxa nak.”

2 SAN PEDRO 1:11

Sat kañék kélhayo kólántexek kéxegke yetlo kélapeykha m'a aptémakxa nak wese' apwányam megkatnegwayam enéxa m'a Wese' egegkok Jesucristo segwagkasamo nak teyp.

LOS HECHOS 14:22

Apkelwaskakkásekxók axta énxet'ák apteme axta melya'áseyam xa yókxexma nak, apkeltennásek axta apkeltamho elenxanmohok apkelyennaktésamo apteme melya'áseyam. Apkeltennásek axta anhan megkatnehek manlegeykegkoho ekyókxoho aksok negmoko enxoho antexek ma'a aptémakxa nak Wese' apwányam Dios.

SAN MATEO 19:23

Keñe axta aptaha apkeláneya Jesús apkeltámeséyak se'e: —Askehe' yakwayam etxek énxet ekxákma aksok apagkok ma'a aptémakxa nak Wese' apwányam Dios. Nakso' xa sektahakxa nak sekpeywa seláneya kéxegke.

SAN MATEO 13:15

Hakte kalyeha'ak apwáxók xa énxet'ák nak, apkelapmeyk nahan apeyk'ák, apnaktenchesegkek nahan apakta'ák, yakwayam enxoho melwetyehe' tén han melegye', tén han melyekpelchágwome', yakwayam enxoho metnekxék mehey'áseyam ko'o, keñe ko'o mamasésesek ma'a ektamheykegkaxa nak.’

SAN MATEO 6:16

“Agkok kóltáwak kélto kélpeykáso Dios, nágkayakhapmakha aksa kélwáxok, nágkólteme aksa aptamheykegkaxal'a énxet'ák apkelmeyókásamákpohol'a apancha'awók apkeltémakxa, máxa katnehek ma'a elyakhápencha'a enxoho apwáxók yakwayam enxoho étak énxet'ák apkelpeykáso Dios yetlo metéyak aptéyak. Apkelxawágkek aksok apkelxawé naksa eñama aptamhéyak xa. Nakso' xa sektahakxa nak seláneya kéxegke.

SAN MATEO 6:5

“Kéltemék agkok kéxegke nempeywa nelmaxnagko, nágkólteme aksa m'a aptamheykegkaxa nak énxet'ák apkelmeyókásamákpoho nak apancha'awók apkeltémakxa, cham'a apmáheyol'a etnamha kañe' apchakneykekxexa judíos aptaha enxoho nempeywa nelmaxnagko, tén han etnegwók ma'a máseyak yókxexma apheykegkaxal'a énxet'ák, yakwayam enxoho kataxchek aptahakxa. Apkelxakék aksok apkelxawé naksa eñama aptamhéyak xa. Nakso' xa sektahakxa nak sekpeywa seláneya kéxegke.

SAN MATEO 6:2

“Kélpasmeyk agkok kéxegke m'a énxet'ák ekha nak eyéméxchexa aksok, nágkóltekkesha aksa amya'a ekyókxoho yókxexma, nágkólteme apkeltémakxal'a énxet'ák apkelmeyókásamákpohol'a apkeltémakxa, cham'a apchakneykekxexa nak judíos tén han ma'a ámay nepyeseksa tegma apwányam nak, yakwayam enxoho katakmelek apkelxénamap xa énxet'ák nak. Apkelxakék aksok apkelxawé naksa eñama aptamhéyak xa. Nakso' xa sektahakxa nak seláneya kéxegke.

SAN MATEO 5:18

Nakso' sektahakxa nak sekpeywa seláneya kéxegke, agkok kamassak makham néten tén han megkamassa enxoho makham keso náxop, megkólmaseksek xama ektáxama m'a eknaktáxésamaxche nak segánamakxa, megkólmaseksek xama enxoho m'a ekyókxoho ektáxésamaxche nak ekweykmoho ektaha m'a ekxámokxoho aksok peya nak katnehek.

SAN MATEO 18:2

Apwóneyha axta xama sakcha'a Jesús, nepyeseksa apkeltámeséyak axta apkenegkesekmok.

SAN MATEO 18:4

Awanhek katnehek kéláyo aptémakxa nak Wese' apwányam Dios ma'a énxet megkeymáxkoho nak apwáxok, apheyásamákpoho nak se'e sakcha'a nak, mexók ma'a pók énxet'ák nak