SAN MATEO 18:19 - Lengua Sur (Enxet) Nuevo Testamento

¹⁹ “Ektahak ko'o seláneya kéxegke s'e: Hawók agkok mók kélpakmeyesma kéxegke keso náxop yakwayam kólmaxnak aksok eñama nak nempeywa nelmaxnagko, egkések sat ma'a Táta apha nak néten.

SAN MATEO 18:19 Referans Kwoze

SAN MATEO 7:7

“Kólmaxna, egkések sat Dios; kólchetam, kólwetekxak sat; kólpakmeswom nekha átog, kólmeykesesek sat.

SAN MARCOS 11:24

Eltennásak ko'o kéxegke m'a ekyókxoho aksok kélmaxnagko nak eñama nempeywa nelmaxnagko, nágkólya'ásem peya kólxawak, kólxawak sat.

SAN JUAN 16:23

“Kamaskok sat selmaxneyeyncha'a kéxegke xama aksok ekwokmo enxoho m'a ekhem nak. Egkések sat kéxegke Táta ekyókxoho aksok kélmaxnagko nak eñama sekwesey. Nakso' xa sektahakxa nak seláneya kéxegke.

FILIPENSES 1:19

hakte ekya'ásegkok ko'o peya hewagkasek teyp ekyókxoho xa setnamakxa nak ko'o, eñama m'a selmaxnéseso nak cha'a kéxegke, tén han eñama sepasmo m'a Espíritu apkeñama nak Jesucristo.

SAN MATEO 21:22

Kólxawak sat kéxegke ekyókxoho aksok kélmaxné enxoho yetlo megkólya'áseyam, cham'a kéltaha enxoho nempeywa nelmaxnagko.

SAN JUAN 15:7

“Kéllenxanakmók agkok kélteme selyepetcheyo ko'o, tén han kéllenxanakmoho enxoho kélyetlo m'a ektémakxa nak nelxekmowásamáxche eñama ko'o, kólmaxna aksok kélámenyexa enxoho, kólxawak sat kéxegke.

1 SAN JUAN 3:22

Dios sat nahan hegmések ekyókxoho aksok nelmaxneyakxa enxoho, hakte nelyaheykekxók negko'o m'a apkeltémókxa nak antehek, nenláneyak nahan ma'a ekleklamókxa nak apwáxok antehek.

LOS HECHOS 12:5

Kélhésekmek axta Pedro sẽlpextétamakxa. Apwakheykxók axta anhan sẽlpextétamo apkeláneykha, keñe axta m'a énxet'ák apkeleñama nak kélakneykekxexa apkelenxáneykmoho apkelmaxnéseso Pedro yetlo apméso ekxeyenma apwáxok Dios.

SAN JUAN 15:16

Háwe axta kéxegke selyéseykha ko'o. Ko'o axta eyke selyéseykha kéxegke, ekmések axta ko'o kéltamheykha kéxegke seltamho kólxog yakwayam kayawhok agko' kéllané aksok eltakmela eñama kéltamheykha, cham'a nentamheykha megkamassegwayam nak. Keñe sat egkések kéxegke Táta ekyókxoho aksok kélmaxneyakxa enxoho eñama ko'o sekwesey.

LOS HECHOS 1:14

Yaknekxohok axta cha'a apyókxoho m'a, yakwayam etnahagkok nempeywa nelmaxnagko yetlo mók xam'a kelán'ák, María axta m'a Jesús egken, Jesús apkelyáxeg'a axta anhan ma'a.

SAN MATEO 5:24

kólyensem aksa sekxo' aksok yakwayam kólmések Dios ma'a meteymog ekwatnamáxchexa nak aksok, kólyo'ókxa sekxo' kélyáxeg yakwayam kapayhekxak apwáxok xamo' kéxegke, keñe sat kólewának kólmeyekxak makham ma'a meteymog ekwatnamáxchexa nak cha'a aksok, keñe sat kólmések aksok ma'a Dios.

LOS HECHOS 6:4

Anlenxanmohok sat negko'o nenteme nempeywa nelmaxnagko, anlenxanmohok sat nahan neltenneykha m'a amya'a eñama nak Dios.

LOS HECHOS 16:10

Nenláneykxeyk axta negko'o nentahakxa negmoko ólmahagkok ma'a Macedonia natámen apweté axta Pablo xa aksok kélxekmósamo nak, nakso' axta nentemesásak sẽlwoneyncha'a negko'o Dios ma'a, yakwayam enxoho anlegaksek amya'a ektakmela xa énxet'ák nak.