SAN MATEO 17:5 - Lengua Sur (Enxet) Nuevo Testamento

⁵ Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

SAN MATEO 17:5 Referans Kwoze

SAN MATEO 3:17

Legáxchek axta kélpeywa eñama néten, entahak axta s'e: “Keso hatte seyásekhayo nak ko'o s'e, selyéseykha ahagko' axta.”

SAN MATEO 12:18

“Keso seyásenneykha ko'o s'e, ko'o axta selyéseykha, aptaha nak han seyásekhayo, leklamok nahan ewáxok aptémakxa. Agkések sat nahan ko'o Espíritu ahagkok, eltennasha sat nahan apyókxoho énxet'ák ma'a ekxeyenma nak ko'o ewáxok ektaha ekpéwomo.

SAN MARCOS 9:7

Keñe axta ekweywento yaphopé, cháhapwa'ak axta nahan pesese agkok xa énxet'ák nak. Neyseksa yaphopé axta tépak kélpeywa. Entahak axta s'e: “Keso hatte seyásekhayo nak ko'o s'e: kóleyxho appeywa.”

SAN JUAN 3:35

Apchásekhayók Apketche Dios, apmések axta nahan apmopwána yakwayam elának ekyókxoho aksok.

SAN MARCOS 1:11

Legáxchek axta kélpeywa eñama néten. Entahak axta s'e: “Xép apteme hatte seyásekhayo aptaha axta anhan ko'o selyéseykha.”

APOCALIPSIS 1:7

Apkexyekmek sat agkok Cristo neyseksa yaphopé, apyókxoho énxet sat éta', kammohok sat apweté m'a ektaha axta apkelyetxakxo; apxámokxoho énxet'ák sat kallapwomagkok apheykha nak keso náxop, ellekxagwaha sat nahan, Cristo eñamakxa. Nakso', katnehek sat.

SAN LUCAS 3:22

Apweywentek axta Espíritu Santo apkenmágkaxa Jesús, máxa axta aptahak wáx'ay apwetákpo. Legáxchek axta anhan kélpeywa eñama néten. Entahak axta s'e: —Xép apteme hatte seyásekhayo, selyéseykha ahagko' axta ko'o.

HEBREOS 5:9

Xama axta apsawhawo apkelana Cristo m'a yakweykenxa axta elána' eñama apteme xa ektaha nak, aptemék axta eñamakxa apkelwagkásamap teyp megkatnegwayam enéxa apyókxoho énxet ektaha nak apkelyaheykekxoho.

LOS HECHOS 7:37

Cháxa Moisés aptéma axta anhan apkenagkama énxet'ák Israel se'e: ‘Dios sat etekkesek xama énxet Dios appeywa aplegaso kélnepyeseksa kéxegke sekhawo nak ko'o.’

SAN JUAN 5:37

Ekmámnaksoho nahan cha'a apxeyenma ko'o sekwesey Táta, cham'a aptaha axta seyáphaso ko'o, megkóllegeyk eykhe kéxegke appeywa, megkólweteyk eykhe nahan xama enxoho.

COLOSENSES 1:13

Ẽlhexyawasékxeyk axta negko'o Dios sẽlmoma axta m'a ektémakxa nak ekmowána ekyaktesóxma, ennaklakxeyk axta m'a aptémakxa nak Wese' apwányam Apketche apchásekhayókxa nak,

EFESIOS 1:6

Ekeso eñamakxa neltemésesa nak cha'a negko'o apcheymákpoho Dios, eñama m'a segméso naksa axta ektémakxa nak segemleykekxoho, cháxa keñamak nahan sempasmo nak negko'o Dios xa, eñama m'a Apketche aptaha nak apchásekhayo.

SAN JUAN 3:16

“Awanhek axta apkelásekhayo Dios énxet'ák apheykha nak keso náxop, apmések axta Apketche apwánxa xama apagko', yakwayam enxoho megyetsepek ma'a ektahakxa enxoho apteme mey'áseyam, wánxa aksa étak ma'a ekyennakte apnenyek megkatnegwayam enéxa nak.

LOS HECHOS 1:9

Kélya'ásekxeyk axta néten Jesús natámen apteme appeywa xa, cham'a neyseksa apkelanyo axta apkeltámeséyak, xama yaphopé axta chápak, massék axta anhan apwet'a xa apkeltámeséyak nak.

SAN MATEO 17:6

Xama axta apkelleg'a Jesús apkeltámeséyak xa, apkelpólenteyk axta náxop ekwokmoho apkeltekxeyágko nápakta'a xóp, awanhek axta anhan apkelaye.

APOCALIPSIS 14:14

Enmexawok axta ko'o néten, ekwet'ak axta yaphopé ekmopé, yetlo apha apyetchesamakpoho énxet ma'a néten. Sawo ekyátekto elyenma axta nahan apketcheso apkátek, keñe axta xama ekhó yánsawo ekhaxé ekmahanta m'a apmeykha.