SAN MATEO 17:4 - Lengua Sur (Enxet) Nuevo Testamento

⁴ Aptahak axta Pedro apcháneya Jesús se'e: —Wese', ektakmelakxoho agko' nelwa'a negko'o xa s'e. Alának sat ko'o apkántanxo tegma apketkók apkeltamho enxoho exchep: xama sat xép, xama sat nahan Moisés, xama sat nahan Elías.

SAN MATEO 17:4 Referans Kwoze

SAN LUCAS 9:33

Xama axta peya ényekxak Jesús ma'a apkánet énxet nak, aptahak axta Pedro s'e: —Sẽlxekmóso. ¡Ektakmelakxoho agko' nelwa'a negko'oxa s'e! Anlának sat negko'o apkántanxo tegma apketkók: xama sat xép, xama sat nahan Moisés, xama sat nahan ma'a Elías. Axta ey'ásegkok Pedro m'a aptahakxa axta appeywa.

SAN JUAN 17:24

“Táta, egkések axta ko'o exchep xa énxet'ák nak, emenyék nahan ko'o hexhok xamo' xa énxet'ák nak, cham'a yakwánxa nak axnók ko'o, yakwayam enxoho elwetak ektémakxa nak ko'o seyeymáxkoho, cham'a seyeymáxkoho segkésa axta exchep; hakte eyásekhayók axta exchep amonye elánamáxche axta keso náxop.

APOCALIPSIS 21:23

Axta nahan keyméxchek kalsaksek exma ekhem xa tegma apwányam nak, tén han ma'a apkelsasóxma nak pelten, hakte Dios elseyexma apagkok axta kelsasóxma xa, axta Dios chálewaso apagkok ma'a Nekkések Apketkok.

1 SAN JUAN 3:2

Elyáxeg selásekhayo, nentemegkek negko'o Dios apketchek. Eykhe agya'ásegkok makham negko'o yakwánxa hentéhek ma'a natámen sat, negya'ásegkok eyke peya anxohok Jesucristo m'a apwakto sat makham, hakte agwetak sat aptémakxa.

FILIPENSES 1:23

Eyapagkánexchek ko'o alyésha xa ánet nak. Mók ekxeyenma ewáxok nahan, emenyék watsapok yakwayam axhok xamo' Cristo, hakte xénchek ko'o ewáxok ektakmela agko' hetnehek ko'o xa ektaha nak.

SAN MATEO 17:3

Apkelwet'ak axta anhan Moisés tén han Elías apkelpakhetchásekpoho Jesús xa apkeltámeséyak nak.

SAN JUAN 7:2

Chágketwokmek axta ekhem apkelpakxeneykegkaxa axta cha'a judíos aksok áwa' melwagkayam apkeltémakxa axta cha'a apyepmeyk nano'.