SAN MATEO 17:3 - Lengua Sur (Enxet) Nuevo Testamento

³ Apkelwet'ak axta anhan Moisés tén han Elías apkelpakhetchásekpoho Jesús xa apkeltámeséyak nak.

SAN MATEO 17:3 Referans Kwoze

SAN LUCAS 24:44

Keñe axta aptaha apkeláneya s'e: —Cha'a etnahak ko'o m'a sektémakxa axta seltennáseykha kéxegke sekhamakxa axta makham kélnepyeseksa: eltennasegkek axta cha'a kéxegke ekmáheyo kasawhaxkohok katnehek ma'a ekyókxoho ektémakxa nak eknaktáxésamaxche Moisés segánamakxa apagkok sexeyenma ko'o, tén han ma'a eknaktáxésamaxko axta énxet'ák Dios appeywa apkellegaso weykcha'áhak apagkok, tén han ma'a eknaktáxésamaxko nak Salmos.

SAN MARCOS 9:4

Apwet'ak axta Elías, tén han Moisés apkelpakhetcháseykpoho Jesús xa énxet'ák nak.

SAN LUCAS 24:27

Keñe axta apkeltennáseyncha'a Jesús énxet'ák ekyókxoho m'a ektémakxa axta weykcha'áhak eknaktáxésamaxche ekxeyenma Jesús, axta apchénawók ma'a weykcha'áhak Moisés axta apnaktáxeséyak, ekweykmoho m'a ekyókxoho apnaktáxeséyak axta énxet'ák ektaha axta Dios appeywa apkellegaso.

SAN LUCAS 16:16

“Axta chénamok kélmeykha segánamakxa m'a apheykegkaxa axta énxet'ák apkellegaso axta Dios appeywa, ekwokmoho m'a apwa'a axta Juan, keñe axta anhan eyeynawo kéllegaso amya'a aptémakxa nak Wese' apwányam Dios, apkelwaskápeykxók nahan apyókxoho énxet yakwayam elántexek ma'a.

SAN LUCAS 9:33

Xama axta peya ényekxak Jesús ma'a apkánet énxet nak, aptahak axta Pedro s'e: —Sẽlxekmóso. ¡Ektakmelakxoho agko' nelwa'a negko'oxa s'e! Anlának sat negko'o apkántanxo tegma apketkók: xama sat xép, xama sat nahan Moisés, xama sat nahan ma'a Elías. Axta ey'ásegkok Pedro m'a aptahakxa axta appeywa.

SAN LUCAS 1:17

Wese' egegkok apmonye sat exog xa Juan, exhok sat ma'a Elías aptaha axta Dios appeywa aplegaso, cham'a ektémakxa axta apmopwána tén han ekha apyennakte, yakwayam enxoho yásekhasásekxohok apketchek ma'a énxet'ák, yakwayam enxoho kaltámeyagkok apkelyaheykekxoho m'a énxet'ák meyke apkelyaheykekxoho nak. Sat etnésesek apkeláneseykekxa apkeltémakxa énxet'ák yakwayam emok takha' Wese' egegkok xa ektaha nak.

SAN JUAN 1:17

Moisés axta keñamak ekteyapma m'a segánamakxa, Cristo axta eyke keñamak segweyktámho negko'o m'a segásekhayo tén han ma'a ekmámnaksoho nak.

SAN MATEO 17:2

Nápakta'awo' axta yakmagkásak aptémakxa Jesús xa apkeltámeséyak nak, kelyenmeyk axta nápát ektémol'a ekhem, apkelmopé axta aptamhákxak apkelnakta ektémol'a chálewaso.

SAN MATEO 17:4

Aptahak axta Pedro apcháneya Jesús se'e: —Wese', ektakmelakxoho agko' nelwa'a negko'o xa s'e. Alának sat ko'o apkántanxo tegma apketkók apkeltamho enxoho exchep: xama sat xép, xama sat nahan Moisés, xama sat nahan Elías.