SAN MATEO 16:3 - Lengua Sur (Enxet) Nuevo Testamento

³ keñe axto'o enxoho kóltehek kélpeywa s'e: ‘Asagkek sat katnehek néten, hakte yexwasek ma'a néten, yaphopé nahan tépak.’ Kélwanchek agkok kéxegke kólya'asagkohok ektémakxa néten, ¿yaksak ektaha megkólewagko nak kólxének kéxegke ektémakxa aksok magkenatcheso agweta' keso negwánxa nak?

SAN MATEO 16:3 Referans Kwoze

SAN LUCAS 12:56

Kéxegke kélmeyókásamáxkoho nak kéltémakxa, kélwanchek agkok kólya'asagkohok kéxegke ektémakxa néten, tén han keso náxop, ¿Yaksak ektaha megkólewagko nak kólxének kéxegke ektahakxa aksok magkenatcheso agweta' keso negwánxa nak?

SAN LUCAS 13:15

Aptahak axta apcháneya Wese' egegkok se'e: —Kéxegke kélmeyókásamáxkoho nak kéltémakxa, ¿Megkóllekkeseya kéxegke táma weyke kéltóso, yámelyeheykok esenhan, cham'a ekhem nellókasamakxa nak nelyampé, yakwayam enxoho kólágwakxak yegmen?

SAN MATEO 11:5

Kóltennasha sat Juan apkelwetákxoxma énxet'ák meyke nak apakta'ák, keñe apkelxegákxo m'a énxet meyke aptapnák nak, keñe anhan apkeltakmelwokmo m'a énxet ektamhéyak nak negmasé ektepelchamáxche egyempehek, keñe anhan apkellegákxoxma m'a énxet'ák meyke apeyk'ák nak, keñe anhan apnakxétekhágwokmo m'a énxet'ák apkeletsapma axta, keñe anhan kéllegasa amya'a segwagkasamo teyp ma'a énxet'ák meyke nak aksok apagkok.

SAN LUCAS 11:44

“¡Kéxegke laye kélhémo nak takhaxpop magwetél'a, apkelteyameykencha'awol'a énxet neyseksa mey'áseyak!

SAN MATEO 23:13

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa! Megkólhayók nahan kéxegke elántexek énxet ma'a aptémakxa nak Wese' apwányam Dios. Megkólántaxnók nahan kéxegkáxa, megkólhayók nahan elántexek énxet apmáheyo neykhe elántexek.

SAN MATEO 22:18

Apyekpelchawók axta Jesús ektahakxa ekmaso elchetamso apwáxók xa énxet'ák nak. Aptahak axta apkeláneya s'e: —Kéxegke kélmeyókásamáxkoho nak kéltémakxa, ¿Yaksak ektaha selyekkóna nak?

SAN MATEO 15:7

¡Kéxegke kélmeyókásamáxkoho nak kéltémakxa! Apchakhásesamók kéltémakxa kéxegke Isaías aptaha axta Dios appeywa aplegaso, aptéma axta appeywa s'e:

SAN MATEO 7:5

¡Kéxegke kélmeyókásamáxkoho nak kéltémakxa! Kóllek sekxo' kéxegke xa ekyéxakxo ekyawe nak, keñe sat katakmelek kélweté yakwayam kóllekkesek pa'at nekha ekyéxakxo m'a kélyáxeg.

SAN MATEO 4:23

Apsawhekxók axta apweynchámeykha Jesús ma'a yókxexma Galilea, elxekmóshok axta cha'a énxet'ák apchakneykekxexa judíos ekyókxoho yókxexma. Eltennaha axta cha'a tásek amya'a ekxeyenma m'a aptémakxa nak Wese' apwányam Dios, eltakmelchesamhok axta cha'a énxet ekxámokxoho ektémakxa nak apkelháxamap, tén han ma'a ekyókxoho ektémakxa nak apkellegeykegkoho ekmáske.

HEBREOS 5:14

Nento ekyennakte nak, wánxa aksa etawagkok ma'a ektaha nak metnaha apketkók, cham'a apmopwancha'al'a elyekpelkohok aksok, hakte apwanchek elyekpelkohok ma'a aksok ektakmela nak, tén han ma'a aksok ekmaso nak.