SAN MATEO 16:28 - Lengua Sur (Enxet) Nuevo Testamento

²⁸ Meletsepek sat nahan nápakha énxet'ák apheyncha'a nak se'e, ekwokmoho apkelwet'a ewatak yakwayam etnehek Wese' apwányam ma'a ektaha nak Apketche énxet. Nakso' xa sektahakxa nak sekpeywa seláneya kéxegke.

SAN MATEO 16:28 Referans Kwoze

SAN LUCAS 9:27

Nápakha énxet'ák sat meletsepek apheyncha'a nak se'e met'a enxoho makham kawak ma'a aptémakxa nak Wese' apwányam Dios.

SAN MARCOS 9:1

Aptahak axta anhan apkeláneya Jesús se'e: —Nápakha sat meletsepek énxet'ák apheyncha'a nak se'e ekwokmoho apwetágkoho ekwa'a m'a aptémakxa nak Wese' apwányam Dios yetlo apmopwána. Nakso' xa sektahakxa nak sekpeywa seláneya.

SAN JUAN 8:52

Aptahak axta apkelátegmowágko judíos se'e: —Nakso' nentemesásak kaxwo' negko'o ekyetna apwáxok xép kelyekhama'. Apketsepmeyk axta Abraham, apsawhomakpók nahan apkeletsapma m'a énxet'ák ektaha axta apkellegaso Dios appeywa, keñe exchep aptaha appeywa s'e: ‘Enxet ektahakxa enxoho apkelyaheykekxoho sekpeywa, megyetsepek sat.’

SAN MATEO 26:64

Aptahak axta apchátegmowágko Jesús se'e: —Cháxa aptahakxa nak appeywa exchep. Eltennásek nahan ko'o xa kéxegke peya kólwetak exek ekpayhókxa apkelya'asamakxa Dios ekha apyennakte m'a aptaha nak Apketche énxet, tén han kólwetak exyók neyseksa yaphopé m'a néten.

SAN MATEO 10:23

Kélmenxenáha sat agkok kéxegke xama tegma apwányam, kólmohok sat kólenyahagkok pók tegma apwányam; hakte ewatak sat aptaha nak Apketche énxet neyseksa megkólsawhomo kélmaheyak apyókxoho tegma apwányam yókxexma Israel. Nakso' xa sektahakxa nak seláneya kéxegke.

SAN LUCAS 2:26

apya'asásegweykmek axta anhan peya megyetsepek met'a enxoho makham Cristo, cham'a apxeyenma axta yáphaksek Wese' egegkok.

SAN MARCOS 13:26

Keñe sat kólwetak ektaha nak Apketche énxet éxyok neyseksa yaphopé yetlo ekyawe apmopwána tén han apcheymákpoho.

HEBREOS 2:9

Jesús akke negwet'ak negko'o, cham'a aptemésesa axta Dios kónegók yakwatakxoho nepyeseksa apkelásenneykha apkeleñama nak néten, negwet'ak nahan kélmésa apcheymákpoho tén han kélmésa ekyawe kéláyo, eñama m'a apketsapma axta. Segásekhayo axta keñamak Dios apkeltémo yetsapok Cristo yakwayam hempasmok negyókxoho negko'o.

SAN MATEO 24:3

Apkelmeyákxeyk axta egkexe Olivos natámen xa. Aphakmek axta Jesús ma'a, apya'aweykxeyk axta apkeltámeséyak yakwayam elmaxneyha apxakko' ma'a. Aptahak axta s'e: —Egmenyék negko'o hẽltennaksek ekhem yakwánxa katnehek ma'a apxéna exchek. ¿Háxko sat katnehek magkenatcheso apkexyekmo sat makham xép, tén han ma'a ektemégwokmo sat néxa ekhem?

1 TESALONICENSES 1:10

Exénhok nahan cha'a ektémakxa nak kélhaxneykha kéxegke yakwayam ewatak makham Jesús apkenyekta néten, Dios Apketche, aptaha axta nahan apxátekháseyam. Jesús apteme sẽlwagkaso teyp ekyentaxnakxa nak Dios senlegasáseykegkoho ekxegakmo nak.

SAN MATEO 24:42

“Kólleyxmakha kéxegke, hakte megkólya'ásegkok ekwánxa ekhem yakwánxa ewatak Wese' kélagkok.

SAN LUCAS 18:8

Eltennásek ko'o peya epasmok ekmanyehe agko'. Apkexyekmek sat agkok ma'a aptaha nak Apketche énxet, ¿éteyágwataya sat makham ekyetna magya'áseyam keso náxop?”

SAN MATEO 8:20

Aptahak axta apchátegmowágko Jesús se'e: —Yetneyk máxek axanák yemmáleg, yetneyk nahan axanák náta, méko eyke apteyáyam ma'a aptaha nak Apketche énxet.

SAN MATEO 16:13

Xama axta apwokmo Jesús yókxexma Cesarea de Filipo, aptahak axta Jesús apkelmaxneyeyncha'a apkeltámeséyak se'e: —¿Háxko aptémakxa énxet sexeyenma ko'o sektaha nak énxet Apketche?

SAN MATEO 24:34

Katnehek sat xa amonye apkeletsapma énxet'ák apheyncha'a se'e kaxwo' nak. Nakso' xa sektahakxa nak seláneya kéxegke.

SAN MARCOS 8:38

Agkok exénak énxet aptaha sétleykha ko'o, tén han meltenneyncha'a enxoho amya'a ahagkok nápakta'awo' ma'a énxet'ák apyenseyam nak apkelyetlo Dios, tén han ma'a melya'asáxma nak, mexének sat nahan apwesey aptaha nak Apketche énxet ma'a, cham'a apwakto sat yetlo apcheymákpoho eñama Apyap, tén han yetlo m'a apkelásenneykha apkelpagkanamap nak.

SAN JUAN 8:51

Enxet ektahakxa enxoho apkelyaheykekxoho sekpeywa megyetsepek sat. Nakso' xa sektahakxa nak seláneya kéxegke.

SAN JUAN 21:22

Aptahak axta apchátegmowágko Jesús se'e: —Emenyék agkok ko'o elenxanmohok makham apha xa énxet nak ekwokmoho sekwakto makham ko'o, ¿yaksak ektaha apkeltamho nak ey'asagkohok? Hetlawha exchep.

LOS HECHOS 1:11

Aptahak axta apkeláneya s'e: —Enxet apkeleñama nak Galilea, ¿Yaksak ektaha kélenmexo nak néten? Cháxa Jesús apha axta kélnepyeseksa kéxegke xa kélya'áseykxo nak néten, sat nahan katnehek apkexyekmo sat xa ektahakxa nak kélwet'a apmeyákxo m'a néten.

1 CORINTIOS 15:23

Wánxa agkok, enxama sat eyke cha'a hẽlxátekhásók sempehewákxexa enxoho, Cristo eyke sekxo' apmonye kélxátekháseyam, keñe sat apkexyekmo enxoho Cristo, enakxétekhágwók sat nahan ma'a ektaha nak Cristo énxet'ák apagkok,

SANTIAGO 5:7

Elyáxeg kólteme kéxegke megkólpekhésamaxche, ekwokmoho apkexyekmo Wese' egegkok. Enxet apkelané nak namyep, eleyxek aksa yetlo mepekhésamap ekwokmoho ekwakto mámeye, yeyk'ak agkok ma'a émha amonye ekmámeyekxal'a, keñe étak ektakmela apnakxo ekyexna.

2 SAN PEDRO 1:16

Hakte ekmámnaksoho agko' ma'a ektahakxa axta nelxekmóso negko'o kéxegke, cham'a ektémakxa nak Dios apmopwána tén han ma'a Jesucristo Wese' egegkok apkexyeyam sat, háwe m'a amya'a kéltenneykha naksal'a, cham'a apyeykháseykegkohol'a ektémakxa apkeltenneykha énxet. Hakte negweté egagko' axta negko'o m'a ektémakxa nak apcheymákpoho Wese' egegkok Jesús.

1 SAN JUAN 2:28

Etchek selásekhayo nak, ektahak kaxwo' seláneya kéxegke s'e: nágkólyensem kélteme kélyepetcheyo Cristo, yakwayam enxoho megkatneykha negko'o egwáxok, cham'a senxekmowáseykpoho sat Cristo, yakwayam enxoho anhan mólmegkayhek negko'o nápakto' Cristo, cham'a apwakto sat.