SAN MATEO 16:24 - Lengua Sur (Enxet) Nuevo Testamento

²⁴ Aptahak axta Jesús apcháneya apkeltámeséyak se'e: —Kélxama apmokókxa enxoho etnehek seltámeso ko'o, elwateys xa apmáheyókxa nak etnehek, epátem apagko' aksok ektegyéso apagkok, hetlógma ko'o.

SAN MATEO 16:24 Referans Kwoze

SAN MATEO 10:38

Kéxegke ektahakxa enxoho megkólpata aksok ektegyéso kélagkok, keñe anhan mehelyetlogme', megkapayhawo kóltehek énxet'ák ahagkok.

SAN LUCAS 14:27

Agkok kólpatmak aksok ektegyéso kélagkok, tén han mehelyetlokmo enxoho, megkólwanchek kóltehek seltámeséyak.

SAN MARCOS 10:21

Apkelanawók axta Jesús xa énxet nak, apchásekhawók axta anhan. Aptahak axta apcháneya s'e: —Xama aksok kéméxchek elának xép: exeg, ekxeykxa m'a ekyókxoho aksok apagkok ekyetna nak xép, elmés ma'a énxet meyke aksok apagkok nak. Keñe sat keytek xép ekxákma aksok apagkok ma'a néten. Exyem sat makham, keñe sat hétlawha.

2 TIMOTEO 3:12

Nakso' sat nahan ellegagkohok kélmenxeneykha m'a apyókxoho énxet'ák apmopmenyého nak elpagkanchesakpok Cristo Jesús.

SAN MARCOS 8:34

Keñe axta apkelwónencha'a Jesús apkeltámeséyak, tén han ma'a énxet'ák. Aptahak axta apkeláneya s'e: —Kélmokók agkok kóltehek selxekmóso kélxama kéxegke, kólwateys xa kélmáheyókxa nak kóltehek, kólpátem kélagko' aksok ektegyéso kélagkok, hélyetlogma ko'o.

LOS HECHOS 14:22

Apkelwaskakkásekxók axta énxet'ák apteme axta melya'áseyam xa yókxexma nak, apkeltennásek axta apkeltamho elenxanmohok apkelyennaktésamo apteme melya'áseyam. Apkeltennásek axta anhan megkatnehek manlegeykegkoho ekyókxoho aksok negmoko enxoho antexek ma'a aptémakxa nak Wese' apwányam Dios.

COLOSENSES 1:24

Payhekxeyk kaxwo' ko'o ewáxok seklegágkoho kéxegke eñamakxa, cháxa seksawhegwokmo ko'o eklegeykegkoho sekyókxa xa, cham'a eyéméxko nak eñegkohok Cristo, énxet'ák apagkok eñamakxa, ektaha nak han apyókxa.

SAN JUAN 19:17

Apxegkek axta Jesús appatma aksok ektegyéso, yakwayam emhagkok ma'a yókxexma kéltéma axta “Kélpátek Axchapok” (apkeltémakxa nak hebreos Gólgota).

1 TESALONICENSES 3:3

yakwayam enxoho anhan megkaleklágwomek kélxama kéxegke m'a ektémakxa nak kéllegeykegkoho. Hakte kélya'ásegkok kéxegke megkatnehek manlegeykegkoho xa.

SAN MATEO 27:32

Xama axta apkelántepa tegma apwányam kélyentama Jesús, kéltahanya'awók axta xama énxet apwesey axta Simón, aptaha axta apkeñamakxa apagko' ma'a Cirene. Kélyáteyagkok axta kéltamho epatmok Jesús aksok ektegyéso apagkok.

SAN MARCOS 15:21

Apkeltahanya'awók axta xama énxet apkeñama axta Cirene, apwesey axta Simón, Alejandro axta apyap ma'a tén han ma'a Rufo. Yókxexma nepyáwa tegma apwányam axta apkenyekta'. Kéltamhok axta epatmok Jesús aksok ektegyéso apagkok.

SAN LUCAS 23:26

Xama axta kélyentama Jesús yakwayam kólyepetchesek aksok ektegyéso, apmákpek axta xama énxet apkeñama axta Cirene, yókxexma axta apkenyektak ma'a, kéltamhok axta epatmok aksok ektegyéso yakwayam eswok neptámen Jesús.

SAN JUAN 21:19

Xama axta aptaha appeywa Jesús xa, apya'asásegwokmek axta yakwánxa katnehek apketsapma Pedro, yakwayam enxoho exekmósek ektémakxa nak aptakmalma Dios eñama xa yakwánxa nak katnehek apketsapma Pedro. Keñe axta aptaha apcháneya s'e: —¡Hétlawha!

SAN JUAN 21:22

Aptahak axta apchátegmowágko Jesús se'e: —Emenyék agkok ko'o elenxanmohok makham apha xa énxet nak ekwokmoho sekwakto makham ko'o, ¿yaksak ektaha apkeltamho nak ey'asagkohok? Hetlawha exchep.

1 SAN PEDRO 2:21

Yakwayam kóllegagkohok axta kéxegke apkelwóneykencha'a Dios, hakte aplegágkok axta Cristo kéxegke eñamakxa, apmések axta kéxegke aptémakxa ektakmela yakwayam kólyetlakxak.