SAN MATEO 16:23 - Lengua Sur (Enxet) Nuevo Testamento

²³ Appeynchakpók axta Jesús, aptahak axta apcháneya Pedro s'e: —¡Kamhok mók nekha Satanás! hakte mokók hetegkesek, meteyk xép aksok ekhawo m'a ektémakxa nak apweté Dios, wánxa m'a ektémakxa nak apweté énxet.

SAN MATEO 16:23 Referans Kwoze

FILIPENSES 3:19

emasesók sat eyke Dios xa énxet'ák nak. Kalánhok cha'a apwáxok ma'a aksok apyespagkamakxa nak, cham'a dios apagkok ma'a. Keyxkohok nahan apkelpeywa exének ma'a aksok eyéméxko neykhe kagkések apkelmegkakto. Wánxa aksa kaxének apwáxok ma'a aksok eleñama nak keso náxop.

COLOSENSES 3:2

Kaxénmakha cha'a kélwáxok ma'a aksok eleñama nak néten, nágkaxénmakha cha'a kélwáxok aksok eleñama nak keso náxop.

SAN MARCOS 8:33

Appeynchakpok axta Jesús apkelano apkeltámeséyak, aptahak axta appakhetchesa Pedro s'e: —¡Kamhok mók nekha Satanás! Meteyk xép aksok ekhawo ektémakxa nak apweté Dios, wánxa m'a ektémakxa nak apweté énxet.

SAN MATEO 4:10

Aptahak axta apchátegmowágko Jesús se'e: —Kaxeg, kelyekhama', hakte entemék eknaktáxésamaxche weykcha'áhak se'e: ‘Kólpeykesho Dios Wese' egegkok, kólteme wánxa kéláyo m'a.’

SAN JUAN 6:70

Aptahak axta apchátegmowágko Jesús se'e: ko'o axta selyéseykha kéxegke xa doce nak. Wánxa agkok, kelyekhama' eyke kélxama kéxegke.

SAN LUCAS 4:8

Aptahak axta apchátegmowágko Jesús se'e: —Entemék eknaktáxésamaxche weykcha'áhak se'e: ‘Kólpeykesho Dios Wese' kélagkok, kólteme wánxa kélyetlo m'a.’

ROMANOS 14:13

Ekeso eñamakxa megkatakmela nak antehek nelyamatcháseykha egnámokkok. Kólhésho sat mók kélwáxok yakwayam megkóllának ma'a aksok elánésamo nak mey'asáxma kélyáxeg.

ROMANOS 14:21

Tásek megkóltók ápetek tén han megkólyenek vino, tén han megkóllának ma'a xama aksok enxoho, cham'a elánésamo nak mey'asáxma egyáxeg.

SAN MATEO 18:7

¡Asagko agko' keso náxop ekyetnakxa nak ekxámokma aksok eláneso nak cha'a mey'asáxma énxet! Katnehek sat cha'a xa. ¡Kéxegke sat laye ektahakxa enxoho kélláneso mey'asáxma kélmók!

SAN MATEO 16:22

Keñe axta apyentama mók nekha Pedro, aptahak axta apmésa appeywa s'e: —¡Wese', megyohok sat Dios katnehek xép xa! ¡Megkatnehek sat xép xa!