SAN MATEO 16:21 - Lengua Sur (Enxet) Nuevo Testamento

²¹ Axta apchénhok nahan apkeltennaso Jesús apkeltámeséyak peya emhagkok ma'a tegma apwányam Jerusalén, tén han apkeltennasa peya eñásesagkohok agko' ma'a énxet'ák apkelámha apmonye'e nak kélakneykekxexa, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelxekmóso nak apnámokkok ektémakxa segánamakxa. Apkeltennásek axta anhan peya yakhek xa énxet'ák nak, wánxa agkok, apxénchek axta eyke peya exátekhágwók antanxo ekhem.

SAN MATEO 16:21 Referans Kwoze

SAN MATEO 17:12

Wánxa agkok eltennásek eyke ko'o kéxegke apwaya Elías, akke elyekpelchék ma'a énxet'ák nak, aptemésesek axta aksa m'a apmokókxa axta etnésesek. Sat nahan etnahagkok eñásesagkohok ektaha nak Apketche énxet xa énxet'ák nak.

SAN MATEO 27:63

Entahak axta amya'a apcháneyákpo Pilato s'e: —Wese', xénwákxók negko'o egwáxok aptémakxa axta appeywa apyennaktamakxa m'a énxet aptaha axta apmopwána amya'a apagko', apxeyenma axta exátekhágwók ekwokmo enxoho antanxo ekhem.

SAN MATEO 20:28

Hakte hawók aptémakxa m'a aptaha nak Apketche énxet, axta eweyk yakwayam yának kólpasmok, wánxa aksa apwaya yakwayam epasmok énxet, tén han ényók apyennakte yakwayam exámhok énxet apkelwagkaso teyp.

SAN LUCAS 17:25

Awanhek sat eyke sekxo' katnehek aplegeykegkoho, etaknawékpok sat nahan nepyeseksa énxet'ák keso negwánxa nak.

SAN LUCAS 24:46

Aptahak axta apkeláneya s'e: —Xeyenmék eknaktáxésamaxche ekmáheyo yetsapok Mesías, tén han ekxeyenma ekmáheyo exátekhágwók antanxo ekhem;

SAN MARCOS 8:31

Apkeltennáseyha axta Jesús apkeltámeséyak peya eñegkohok agko' ma'a aptaha nak Apketche énxet, tén han peya etaknók ma'a apkelámha apmonye'e nak kélakneykekxexa, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa. Apkeltennásek axta anhan peya yakhek xa énxet'ák nak, apxénchek axta eyke peya exátekhágwók antanxo ekhem.

SAN LUCAS 9:31

Wakha'ak axta elseyexma eyeymáxkoho; axta apxénak yakwánxa katnehek apketsapma Jesús ma'a tegma apwányam Jerusalén.

SAN MATEO 26:47

Neyseksa appakmeyesma Jesús axta apwokmok Judas, aptaha axta apkeñama nepyeseksa m'a doce Jesús apkeltámeséyak. Apxámok axta énxet apkelxegexma'a apwokmo m'a, yetlo apkelmeykha sókwenakte, yámet axta anhan apkelmeykha. Enxet'ák apkelámha apmonye'e appasmo apkelmaxnéseso Dios énxet'ák apagkok axta apkeláphaso, tén han ma'a énxet'ák judíos apkelámha apmonye'e nak kélakneykekxexa.

SAN MATEO 26:2

—Kélya'ásegkok kéxegke eyéméxko ánet ekhem yakwayam kalanaxchek ma'a ekhem melwagkayam nak énxet'ák judíos kéltéma nak Pascua, cham'a yakwánxa sat kólának emakpok aptaha nak Apketche énxet yakwayam kólyepetchesek aksok ektegyéso.

SAN MATEO 27:12

Apwanmakkek axta aksa Jesús, neyseksa apxeyenma ekmaso m'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelámha apmonye'e nak apchakneykekxexa énxet'ák judíos.

SAN MATEO 16:28

Meletsepek sat nahan nápakha énxet'ák apheyncha'a nak se'e, ekwokmoho apkelwet'a ewatak yakwayam etnehek Wese' apwányam ma'a ektaha nak Apketche énxet. Nakso' xa sektahakxa nak sekpeywa seláneya kéxegke.

SAN MATEO 12:40

Kaxhok sat ma'a ektémakxa axta Jonás apha antanxo ekhem tén han antanxo axta'a kañe' kelasma ekyawe awáxok, sat nahan katnehek ma'a aptaha nak Apketche énxet, antanxo ekhem, antanxo axta'a, sat katnehek apyetno kañe' xóp.

SAN MATEO 16:22

Keñe axta apyentama mók nekha Pedro, aptahak axta apmésa appeywa s'e: —¡Wese', megyohok sat Dios katnehek xép xa! ¡Megkatnehek sat xép xa!

SAN MATEO 17:9

Apmések axta appeywa Jesús apkeltámeséyak neyseksa apkelánteyapma axta néten egkexe. Aptahak axta apkeláneya s'e: —Nágkóltennaha aksa ektahakxa nak kélweté aksok kélxekmósamo, ekwokmoho apxátekhágwokmo m'a ektaha nak Apketche énxet.

SAN MATEO 28:6

Méko s'e. Apxátekhágwokmek xeyk, ekhawo m'a aptémakxa axta appeywa. Kólchempoho, kólteyánegwoho s'e kélpekkenakxa axta.

SAN MARCOS 9:12

Aptahak axta apchátegmowágko Jesús se'e: —Nakso' apxénamakpo ewak apmonye Elías, yakwayam elánekxak ekyókxoho aksok. ¿Yaksak ektéma ekxeyenma nak eknaktáxésamaxche peya eñegkohok ma'a ektaha nak Apketche énxet, tén han peya etaknaweykpok?