SAN MATEO 16:17 - Lengua Sur (Enxet) Nuevo Testamento

¹⁷ Aptahak axta Jesús apcháneya s'e: —Apkeleñémo exchep Simón, Jonás apketche, hakte megkañamak nepyeseksa énxet'ák xa apya'áseyak nak, wánxa apya'asáseykegkoho m'a Táta, apha nak néten.

SAN MATEO 16:17 Referans Kwoze

SAN JUAN 6:45

Temék ekxeyenma Dios appeywa apkellegaso weykcha'áhak apagkok se'e: ‘Dios sat elxekmósek apyókxoho énxet'ák.’ Apyókxoho énxet ektaha nak apháxenmo appeywa Táta, cham'a eltámeye nak eñama Táta, hey'ótak cha'a ko'o.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.

1 CORINTIOS 15:50

Elyáxeg, emenyék altennaksek kéxegke, yawanchek kaxkekxak aptémakxa nak Wese' apwányam Dios eghápetek tén han ẽxchakkok, ekhawo nahan ma'a aksok étsapmo nak yawanchek kaxkekxak ma'a megkatsapma nak.

EFESIOS 3:5

Axta kólhayok elyekpelkohok énxet'ák xa amya'a ekpowásamáxkoho nak, cham'a nano' axta, wánxa agkok, apxekmósek eyke kaxwo' Dios ma'a seykha amya'a apkelpagkanamap nak, tén han ma'a énxet'ák ektaha nak apkellegaso appeywa eñama m'a Espíritu apagkok nak.

1 SAN JUAN 4:15

Negko'o ektahakxa enxoho nenxeyenma Jesús aptaha Dios Apketche, antehek negyepetcheyo Dios, hegyepetkohok nahan ma'a Dios.

1 SAN PEDRO 5:1

Emenyék ko'o agkések kaxwo' sekpeywa m'a énxet'ák apkelámha apmonye'e nak kélakneykekxexa kéxegke, ko'o sektaha nak han sémha emonye sekhawo xa énxet'ák nak, sektaha nak han sekweteykegkoho m'a ektémakxa axta aplegeykegkoho Cristo, hewatámhok sat nahan ko'o xa Cristo apcheymákpoho, cham'a peya nak hẽlxekmósho', ekhawo nak han xa énxet'ák nak.

EFESIOS 2:8

Kélwagkásexchek axta kéxegke teyp eñama m'a apméso naksa axta kéxegke Dios ma'a ektémakxa nak segemleykekxoho, eñama m'a kélteme nak megkólya'áseyam. Háwe eyke kélweté kélagko' kéxegke xa, kélxawé axta eñama Dios apméso.

SAN JUAN 1:42

Keñe axta Andrés apyentamákxo Simón ma'a aphakxa axta Jesús; xama axta apwet'a Jesús ma'a Simón, aptahak axta apcháneya s'e: —Xép Simón, Juan apketche, eltamhakpok sat xép Cefas (nenteme nak nempeywa Pedro).

HEBREOS 2:14

Hawók axta ektémakxa apyempehek Jesús ma'a ektémakxal'a apyókxa énxet, tén han ma'a éma apagkok nak, ekhawo ektémakxal'a apketchek xama énxet kaxhok mók ma'a empe'ék, tén han ma'a éma agkok. Temegkek axta xa yakwayam enxoho emaseksek ma'a ekha axta ekmowána kategyaha ekyógkexma, cham'a ekwesey nak kelyekhama', eñama m'a apketsapma axta.

EFESIOS 6:12

Hakte mólnápexchek negko'o énxetók xamo', akke nennápexchek ma'a kelyekhama' elásenneykha eleñama nak tekhenxet, cham'a ekha nak elmowána, ekha nak han kélyaheykekxoho, cham'a eláneykencha'a nak keso náxop ekyaktésamakxa nak exma.

SAN LUCAS 22:32

wánxa agkok elmaxnésesek axta eyke ko'o exchep yakwayam enxoho meyensemek apteme mey'áseyam. Ey'áweyktek sat agkok makham xép, epásem sat apnámokkok yakwayam enxoho elenxanmohok apkelyennaktésamo apteme melya'áseyam.