SAN MATEO 16:1 - Lengua Sur (Enxet) Nuevo Testamento

¹ Apteyánegwokmok axta Jesús énxet'ák fariseos, tén han énxet'ák saduceos yakwayam enxoho ékkónek, apkeltamhok axta elának xama aksok sempelakkaso nak agweta' yakwayam exekmósek Jesús aptaha apkeñama Dios.

SAN MATEO 16:1 Referans Kwoze

SAN LUCAS 11:16

Nápakha énxet axta apmokók ékkónek, apkeltamhok axta elának aksok sempelakkaso nak agweta' eñama m'a néten.

LOS HECHOS 4:1

Apkelwokmek axta apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelámha apmonye'e nak aptakmelcheso tegma appagkanamap, tén han ma'a énxet'ák Saduceos, cham'a apkeltennásegkaxa axta makham énxet'ák Pedro tén han Juan.

SAN MATEO 16:6

Aptahak axta apkeláneya Jesús se'e: —Kóllano, kólawho kéxegke fariseos kempáseyak apagkok, tén han ma'a énxet'ák saduceos.

1 CORINTIOS 1:22

Apmenyék cha'a elwetak aksok sempelakkaso agwetak ma'a énxet'ák judíos, keñe énxet'ák griegos apkeltamho cha'a keytek apkelya'áseyak.

SAN JUAN 8:6

Apmokók axta eykhe ékkónek Jesús énxet'ák aptaha apcháneya xa, yakwayam enxoho esexnena'. Wánxa agkok, apháxahánteyk axta eyke Jesús, keñe axta aptáxesa apophék xóp.

LOS HECHOS 5:17

Apnatha'ak axta m'a apkemha apmonye nak apkelmaxnéseso Dios énxet'ák apagkok, axta anhan apkelxegexma'a m'a énxet'ák ektaha axta apkelyetlo apkeltémakxa Saduceos.

SAN LUCAS 20:27

Apkelxegkek axta nápakha saduceos apkelmahágko aphakxa Jesús natámen xa. Exénhok cha'a énxet'ák saduceos méko m'a nennakxétekhágwayam nak, ékeso eñamakxa aptaha axta apkelmaxneyeyncha'a Jesús se'e:

SAN LUCAS 20:23

Apyekpelchawók axta Jesús aptamhágko apkelmaxneyeykha yetlo ekmaso elchetamso apwáxók xa. Aptahak axta apkeláneya s'e:

SAN LUCAS 10:25

Xama énxet apkelxekmóso ektémakxa segánamakxa axta appakhetchesekmok Jesús yakwayam enxoho ékkónek. Aptahak axta apkelmaxneyeyncha'a s'e: —Selxekmóso, ¿Yaksak eyéméxko alának ko'o yakwayam ótak ekyennakte egkenyek megkatnegwayam enéxa?

SAN MARCOS 12:18

Apkelxegkek axta nápakha saduceos apkelmahágko aphakxa Jesús natámen xa. Exénhok axta cha'a énxet'ák saduceos méko m'a nennakxétekhágwayam nak; ékeso eñamakxa aptaha axta apkelmaxneyeyncha'a Jesús se'e:

SAN MARCOS 12:15

Apyekpelchawók axta eyke Jesús ektaha aptamhéyak apancha'awók ma'a aptahakxa axta apkelmaxneyeykha. Aptahak axta apkeláneya s'e: —¿Yaksak ektaha kélmoko nak helyekkónek? Kólsanta hana xama sawo selyakye, yakwayam enxoho alanok ko'o.

SAN MARCOS 10:2

Nápakha fariseos axta apyo'ókmok Jesús yakwayam ékkónek, apkelmaxneyáha axta apwanchek kexaha eyenyók aptáwa énxet.

SAN MATEO 27:62

Mók ekhem axta entahak, cham'a ekhem sábado, apkellókasamakxal'a apkelyampé énxet'ák judíos, apkelmeyákxeyk axta aphakxa Pilato énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a fariseos.

SAN MATEO 23:2

“Apmeykekxek ektémakxa axta aptamheykha Moisés xa énxet'ák apkelxekmóso nak apnámokkok ektémakxa segánamakxa tén han ma'a fariseos.

SAN MATEO 22:23

Nápakha énxet'ák saduceos axta nahan apkelwokmok apteyánegwokmoho Jesús cham'a ekhem axta. Exénhok axta cha'a énxet'ák saduceos méko m'a nennakxétekhágwayam nak; ékeso eñamakxa aptaha axta apkelmaxneyeyncha'a Jesús se'e:

SAN MATEO 22:18

Apyekpelchawók axta Jesús ektahakxa ekmaso elchetamso apwáxók xa énxet'ák nak. Aptahak axta apkeláneya s'e: —Kéxegke kélmeyókásamáxkoho nak kéltémakxa, ¿Yaksak ektaha selyekkóna nak?

SAN MATEO 22:15

Apkelxegkek axta énxet'ák fariseos, apkeláneykxek axta apkelpakmeyesma yakwayam ékkónek esexnenak Jesús aptahakxa enxoho appeywa, cham'a natámen axta xa.

SAN MATEO 19:3

Nápakha fariseos axta apyo'ókmok Jesús yakwayam ékkónek. Aptahak axta apkelmaxneyeyncha'a s'e: —¿Hẽlhoya agyenyók entáwa megkalcha enxoho egwáxok ektahakxa?

SAN MATEO 15:1

Apyo'ókmek axta Jesús nápakha énxet'ák fariseos tén han ma'a énxet apkelxekmóso axta ektémakxa segánamakxa, apkelwokmo axta apkeleñama m'a Jerusalén. Aptahak axta apkelmaxneyeyncha'a s'e:

SAN MATEO 12:14

Xama axta apkelántepa énxet'ák fariseos, apkeláneykxek axta apkelpakmeyesma yakwayam yakhek Jesús.

SAN MATEO 9:11

Xama apwet'a énxet'ák fariseos xa, aptahak axta apkelmaxneyeyncha'a Jesús apkeltámeséyak se'e: —¿Yaksak ektaha aptóko nak xamo' apkelxekmóso kéxegke énxet'ák apkelmomo nak selyakye yakwayam egkések wese' Roma, tén han ma'a énxet'ák melya'asáxma nak?

SAN MATEO 5:20

Ektemék seláneya kéxegke xa, agkok kólyeykhágwokmohok kéxegke m'a énxet'ák apkelxekmóso nak ektémakxa segánamakxa, tén han ma'a énxet'ák fariseos eñama kéllané m'a ekpayhawo nak kóllának nápakto' Dios, megkólántaxnegwomek sat ma'a aptémakxa nak Wese' apwányam Dios.