SAN MATEO 15:6 - Lengua Sur (Enxet) Nuevo Testamento

⁶ kélxénchek nahan kéxegke ektahakxa enxoho ekteme ekpeywa xa, megkeyméxko epasmok apyepmeyk esenhan ma'a enchána. Kéltemék agkok xa, kéltemésesek kéxegke mékoho m'a apkeltémókxa nak antehek Dios, keñe kélyetlákxo m'a kéltémakxa kélagko' nak.

SAN MATEO 15:6 Referans Kwoze

1 TIMOTEO 5:8

Negko'o megkaxéneykha enxoho egwáxok nenteme egnámokkok, ekyagwánxa agkok megkaxénmakha egwáxok ma'a ekheykha nak enxagkok, máxa katnehek negyensakmo enxoho nenteme magya'áseyam, asagko' agko' nahan katnehek nentémakxa, manxohok ma'a énxet'ák metné nak melya'áseyam.

SAN MARCOS 7:13

Cháxa keñamak kéltemésesa mékoho m'a apkeltémókxa nak antehek Dios, eñama kélxekmowáseykekxa cha'a kélnámokkok ma'a kéltémakxa nak. Kóllának nahan cha'a ekxámokma aksok ekhawo nak xa.

1 TIMOTEO 5:16

Yetneyk agkok xama kelán'a ekteme enxoho megkay'áseyam, ekteme enxoho tampe' m'a námokkok nak, kéméxchek kapasmok xa tampe' nak, yakwayam enxoho megkaxámásesek aptahakxa m'a énxet'ák apkeltamheykha nak kélakneykekxexa; keñe sat elepwának epasmok tampe' m'a énxet'ák apkeltamheykha nak kélakneykekxexa, cham'a tampe' ektaha nak meyke ekya'awánxa yakwayam kapasmok.

ROMANOS 3:31

¿Magya'áseyamya keñamak nenxéna negko'o ektaha mékoho m'a segánamakxa nak? Ma', nenxénchek negko'o ektaha ektakmela m'a eltémókxa nak antehek segánamakxa.

SAN MATEO 15:5

Kélxénchek cha'a kéxegke apkepwagko etnehek yának apyap énxet se'e, esenhan ma'a egken: ‘Mowanchek ko'o apasmok, hakte ekyókxoho aksok ahagkok ko'o elmeyásak ma'a Dios’;

SAN MATEO 15:7

¡Kéxegke kélmeyókásamáxkoho nak kéltémakxa! Apchakhásesamók kéltémakxa kéxegke Isaías aptaha axta Dios appeywa aplegaso, aptéma axta appeywa s'e: