SAN MATEO 15:32 - Lengua Sur (Enxet) Nuevo Testamento

³² Apkelwóneyha axta Jesús apkeltámeséyak, aptahak axta apkeláneya s'e: —Apyósekak ko'o sélano xa énxet'ák nak, hakte antanxo ekhem wokmok apheykha s'e sekhakxa nak, méko nahan aptéyak. Momenyék ko'o aláphaksek apxanák yetlo metéyak aptéyak, hakte káhapwakxak katnehek xama náxet ámay.

SAN MATEO 15:32 Referans Kwoze

SAN MATEO 9:36

Xama axta apwet'a Jesús xa énxet'ák nak, apyósekak axta apkelano, hakte kellapwámeykegkek axta, méko axta nahan ekpasmo, máxa axta aptamheykegkok ma'a nekkések meykel'a eltakmelcheso.

LOS HECHOS 27:33

Peyk axta kalsé' ma'a, apkeltamho axta Pablo etawagkok aptéyak apyókxoho apkelxegexma'a. Aptahak axta apkeláneya s'e: —Anet semana entahak megkoltéyak kélto kéxegke eñama kélhaxanma yakwánxa katnehek.

HEBREOS 4:15

Hakte apya'ásegkok ektémakxa negyelkamáxkoho m'a apkemha apmonye sempasmo nak sẽlmaxnéseso negko'o, hakte hawók axta ektémakxa ekyekkónma m'a ektémakxa nak segyekkónma negko'o; axta eyke eláneyk mey'asáxma xama enxoho.

SAN LUCAS 7:13

Xama axta apwet'a Wese' egegkok ma'a tampe' nak, ayósek axta apkelano. Aptahak axta apcháneya s'e: —Nágkalekxagwaha.

SAN MARCOS 9:22

Neyseksa táxa nahan cha'a étnók ekyaknegkesa enxoho xa espíritu ekmaso nak tén han ma'a neygmen, yakwayam enxoho kakhek, apwanchek agkok xép elának xama aksok, yepyósho henlano negko'o, hempásem hana.

SAN MATEO 27:63

Entahak axta amya'a apcháneyákpo Pilato s'e: —Wese', xénwákxók negko'o egwáxok aptémakxa axta appeywa apyennaktamakxa m'a énxet aptaha axta apmopwána amya'a apagko', apxeyenma axta exátekhágwók ekwokmo enxoho antanxo ekhem.

SAN MATEO 20:34

Apyósekak axta apkelano Jesús, appaknegkesakmok axta apakta'ák. Yetlókók axta apkelweteykekxaxma énxet meyke apakta'ák, apkelyetlákxeyk axta anhan Jesús.

SAN MATEO 12:40

Kaxhok sat ma'a ektémakxa axta Jonás apha antanxo ekhem tén han antanxo axta'a kañe' kelasma ekyawe awáxok, sat nahan katnehek ma'a aptaha nak Apketche énxet, antanxo ekhem, antanxo axta'a, sat katnehek apyetno kañe' xóp.

SAN MATEO 14:13

Xama axta apleg'a amya'a Jesús, keñe axta apxega apxakko', yántakpayhe axta apchántak apmahágko mók nekha. Wánxa agkok, apkelleg'ak axta eyke amya'a énxet'ák, apkelxegkek axta náxop apkemhágko.

SAN MATEO 15:33

Aptahak axta apkelátegmowágko apkeltámeséyak se'e: —¿Háxko agwetágwók nento yakwayam ólagkok xa énxet'ák nak, hakte méko énxet se'e yókxexma nak?