SAN MATEO 15:29 - Lengua Sur (Enxet) Nuevo Testamento

²⁹ Apxegákxeyk axta makham Jesús apkeñama m'a, apwákxeyk axta neyáwa wátsam ekpayhegwayam kéltéma nak Galilea; apkenátwokmek axta xama egkexe, aphakmek axta néten.

SAN MATEO 15:29 Referans Kwoze

SAN MATEO 4:18

Apweynchámeyha axta Jesús neyáwa wátsam ekpayhegwayam ekwesey nak Galilea, apkelwetágwokmek axta apkánet énxet, apyáxeg apagko' axta apxegexma: Simón axta apwesey xama, apkeltamhomakpo axta Pedro, keñe axta pók apwesey Andrés. Kelasma axta cha'a etegyagkohok xa énxet'ák nak, apyenyenteyk axta yam'én apagkok neygmen.

SAN JUAN 6:1

Apmeyákxeyk axta Jesús neyp wátsam ekpayhegwayam ekwesey nak Galilea cham'a kéltémakxa nak han Tiberias, natámen xa.

SAN MATEO 5:1

Xama axta apwet'a apxáma énxet Jesús, apchánteyk axta néten egkexe, aphakmek axta m'a. Apya'aweykxeyk axta apkeltámeséyak aphakxa Jesús,

SAN JUAN 21:1

Apxekmowáseykpók axta makham Jesús apkeltámeséyak neyáwa ekpayhegwayam Tiberias natámen ekteme xa. Keso ektahakxa axta apxekmowásamákpekxoho Jesús se'e:

SAN JUAN 6:23

Keñe axta anhan elwákxo yántakpayhe keto' ma'a aptókakpexa axta pan natámen apméso ekxeyenma apwáxok Dios ma'a Wese' egegkok. Axta keleñamak ma'a tegma apwányam Tiberias.

SAN LUCAS 5:1

Apkenmáha axta Jesús neyáwa wátsam ekpayhegwayam ekwesey nak Genesaret, apchahapwokmek axta énxet apxámokma apmáheyo axta yeyxho' Dios appeywa.

SAN MARCOS 1:16

Apweynchámeyha axta Jesús neyáwa wátsam ekpayhegwayam ekwesey Galilea, cham'a apwetágwokmo axta Simón, tén han ma'a apyáxeg, apwesey axta Andrés. Etegyagkohok axta cha'a kelasma m'a. Apyenyenteyk axta neygmen yam'én apagkok.

SAN MATEO 13:2

Apchánteyk axta Jesús yántakpayhe, hakte apxámok axta énxet apya'ayam, aphakmek axta m'a kañe' yántakpayhe, keñe axta énxet'ák apheyncha'a neyáwa wátsam ekpayhegwayam.