SAN MATEO 15:27 - Lengua Sur (Enxet) Nuevo Testamento

²⁷ Entahak axta eyátegmowágko kelán'a s'e: —Wese', nakso' xa, wánxa agkok kawomhok eyke ekto semheg ma'a nento ekpalleykha nak kóneg mésa apagkok ma'a ótep.

SAN MATEO 15:27 Referans Kwoze

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

SAN LUCAS 16:21

Axta cha'a apmáheyok etwok ma'a wese' appalcháseykha apto nak kóneg mésa; weykmók axta anhan semheg ekya'áyam elyakmelchesama cha'a m'a taskapma ekteyapma axta apyempehek.

ROMANOS 10:12

Hawók ektémakxa nepyeseksa énxet'ák judíos ma'a ektémakxa nak han nepyeseksa énxet'ák metnaha nak judíos; hakte wánxa xama Wese' egegkok ma'a aptaha nak han Wese' apagkok apyókxoho énxet, eyeykhásesamhok cha'a apméso aksok eltakmela eleñama néten ma'a énxet ektaha nak apwóneykha apwesey.

ROMANOS 3:29

¿Wánxa enxeykel'a énxet'ák judíos Dios apagkok ma'a Dios? ¿Háweya nahan Dios apagkok ma'a apyókxoho énxet'ák nak? Neykhe anhan Dios apagkok ma'a apyókxoho énxet'ák nak,

SAN LUCAS 18:13

Wánxa agkok, teyépek axta eyke apkenmágkaxa énxet apkelmomo axta cha'a selyakye yakwayam kólmések wese' Roma, axta emokók yenmexhok néten, aptekpagáha axta aksa apnenyek. Aptahak axta appeywa se'e: ‘¡Oh Dios, yepyósho helanok ko'o sekteme nak may'asáxma!’

SAN MATEO 8:8

Aptahak axta apchátegmowágko sẽlpextétamo apkemha apmonye s'e: —Wese', eyápagkáneyxchek ko'o wának etaxnegwók xép exagkok; epakhetches aksa makhawo', keñe sat etakmelwók seláneykha.

SAN MATEO 5:45

keñe sat kóltehek kéxegke apketchek ma'a Dios Kélyap apha nak néten; hakte etekkeseshok cha'a ekhem ma'a énxet'ák elmasagcha'a nak apkeltémakxa, ekhawo nak han ma'a énxet'ák ektakmela nak apkeltémakxa, yapháseshok nahan cha'a mámeye m'a énxet'ák apkelpéwomo nak, tén han ma'a melya'asáxma nak.

ROMANOS 3:4

Ma', metnehek Dios xa. Melwatésemek eyke Dios apkelané cha'a m'a ektaha nak ekmámnaksoho agko', neyseksók eykhe aptamhéyak apkelmopwancha'a amya'a énxet'ák; hakte temék eknaktáxésamaxche weykcha'áhak se'e: “Exénakpok sat xép ekpéwomo aptémakxa eñama m'a ektémakxa nak appeywa. Emallánek sat nahan xép aptaha sat apyekpelchémo énxet'ák.”

EFESIOS 3:19

Emenyék ko'o kólya'ásegwomhok kéxegke xa Cristo segásekhayo ektaha nak ekyawe agko', megkaxnawok ekyawe m'a ekweykenxal'a negko'o ekxeyenma egwáxok, yakwayam enxoho kalánhok agko' kélwáxok kéxegke m'a aptémakxa nak Dios.

ROMANOS 3:19

Negya'ásegkok negko'o ekyókxoho ektémakxa nak ekxeyenma segánamakxa, xeyenmék cha'a m'a énxet'ák ektaha nak apcháyo ektémakxa segánamakxa, yakwayam enxoho elwanmeyagkok apyókxoho énxet, keñe sat Dios etnehek apkelyekpelchémo apyókxoho énxet.

SAN MATEO 15:26

Aptahak axta apchátegmowágko Jesús se'e: —Megkapayhawok kólyementók pan ma'a ektaha nak kélketchek, keñe kólmések semheg.

SAN MATEO 15:28

Aptahak axta apcháneya Jesús se'e; —Kelán'a, awanhek megkay'áseyam, katnehek sat ma'a eyámenyéxa nak katnehek. Yetlókók axta anhan ektakmelwayam étche kelwána xa kelán'a nak.

SAN MARCOS 7:28

Entahak axta eyátegmowágko kelán'a s'e: —Wese', nakso' xa, kawomhok eyke ekto semheg ma'a nento ekpaleykha nak kóneg mésa kélketchek appalcháseykha.