SAN MATEO 15:22 - Lengua Sur (Enxet) Nuevo Testamento

²² Yo'ókmek axta Jesús xama kelán'a eñama Canaan ekha axta xa yókxexma nak, entahak axta ekyennaktésawo ekpeywa s'e: —¡Wese', David Apketche, yepyósho helanok ko'o! ¡tawáseykha ko'o kelyekhama' hatte, legasáseykegkok nahan!

SAN MATEO 15:22 Referans Kwoze

SAN MATEO 9:27

Xama axta aptepa Jesús ma'a, apkemhágkek axta apkánet énxet meyke apakta'ák, aptahak axta apkelyennaktésawo apkelpeywa s'e: —¡Yepyósho henlanok negko'o, David apketche!

SAN MATEO 17:15

—Wese', yepyósho elanok hatte, hakte yetsepekxohok cha'a, sagkók agko' nahan katnehek aplegeykegkoho; nátex cha'a étnók apyaknena enxoho, tén han ma'a neygmen.

SAN LUCAS 18:13

Wánxa agkok, teyépek axta eyke apkenmágkaxa énxet apkelmomo axta cha'a selyakye yakwayam kólmések wese' Roma, axta emokók yenmexhok néten, aptekpagáha axta aksa apnenyek. Aptahak axta appeywa se'e: ‘¡Oh Dios, yepyósho helanok ko'o sekteme nak may'asáxma!’

SAN LUCAS 17:13

Aptahak axta apkelyennaktésawo apkelpeywa s'e: —¡Jesús, sẽlxekmóso, yepyósho henlanok negko'o!

SAN MATEO 4:24

Ekyókxoho yókxexma Siria axta apxénamakpok Jesús, kélnaklókasegkek axta ekyókxoho ektémakxa nak elmasagcha'a apkelháxamap, tén han ma'a ekyókxoho ektémakxa nak apkellegeykegkoho ekmáske, tén han ma'a kelyekhama' eknaktawáseykha nak, tén han ma'a énxet'ák apkeletsapeykekxoho axta cha'a, tén han ma'a énxet'ák megkamopwána axta cha'a eltakheykha. Apkeltakmelcheseykmek axta cha'a Jesús xa.

SAN MATEO 1:1

Keso kélnaktáxeseyak nak apkelwesey m'a Jesucristo apyepmeyk nano' axta, cham'a Jesucristo aptaha axta David aptáwen neptámen, tén han aptáwen neptámen ma'a Abraham:

SAN MATEO 15:23

Axta yátegmowagkok Jesús. Keñe axta apyepetchegwákxoho apkeltámeséyak, aptahak axta apcháneya s'e: —Yának katakhohok xa kelán'a nak, kelpáxamokmek nentámen.

SAN LUCAS 6:18

Kéltakmelchesakmek axta nahan ma'a énxet'ák apkellegeykegkoho axta eñama elántaxno apwáxok espíritu elmasagcha'a.