SAN MATEO 15:11 - Lengua Sur (Enxet) Nuevo Testamento

¹¹ Háwe ekteméseso ekmanyása apwáxok énxet nápakto' Dios ma'a aksok ektaxnamol'a apátog, akke ekteméseso ekmanyása apwáxok énxet nápakto' Dios ma'a ekteyapmol'a eñama apátog.

SAN MATEO 15:11 Referans Kwoze

SAN MARCOS 7:15

Yawanchek katnésesek ekmanyása apwáxok énxet nápakto' Dios xama aksok ektaxnamol'a apátog, eyke katnéseshok ekmanyása apwáxok énxet nápakto' Dios ma'a ekteyapmol'a eñama kañók agko' apwáxok.

ROMANOS 14:17

Háwe aptémakxa Wese' apwányam Dios ma'a nento tén han ma'a negya nak mók xama aksok, háwe ektémakxa xa, akke m'a ekpéwomo nentémakxa nak, meyke ektahakxa egwáxok, tén han ma'a ekpayheykekxa nak egwáxok eñama Espíritu Santo.

ROMANOS 14:20

Nágkóltawasha aksa Dios aptamheykha eñama m'a aksok kéltamakxa nak. Ekyókxoho aksok negmowána antók; akke sagkek ma'a negmasésesa enxoho apteme mey'áseyam egmók eñama m'a nento nak.

HEBREOS 13:9

Nágkólho aksa kamok kélwáxok kéxegke m'a nelxekmowásamáxche mók ektémakxa énatchásamáxkohol'a. Akke tásek katnésesek ekyennakwayam egwáxok neyseksa nenteme magya'áseyam ma'a Dios segásekhayo nak, megkaxnawok ma'a ektémakxa nak negyetleykekxa kéltémókxa antehek negmayhe antók; hakte axta kapasmók énxet xa kéltémókxa nak antehek.

ROMANOS 14:14

Ekya'ásegkok ko'o méko xama aksok ektemésásamáxkoho agko' ekmanyása; wese' egegkok Jesús may'áseyam keñamak sektemésesa ko'o ekmámnaksoho xa. Xénchek agkok apwáxok énxet ektaha ekmanyása xama aksok, nakso' nahan etnésesek ekmanyása xa énxet nak.

2 SAN PEDRO 2:18

Máxa cha'a katnehek ektakmela enxoho aksok apkelxeyenma xa énxet'ák nak, cham'a ektaha nak mékoho, ellekwomhok nahan cha'a m'a énxet'ák eyáskexho nak apkelwáteséyak appaxkeykha m'a énxet'ák megyakhémo nak apkeltémakxa, eñama m'a ektémakxa nak aksok negyespagko nenteme nak énxet.

TITO 1:15

Enxet'ák meyke nak elenchahamaxche elchetamso apwáxók, kaxének cha'a apwáxók ektakmela antók ekyókxoho aksok; keñe m'a énxet apkelya'áseyam nak, tén han ma'a ekmaso nak elchetamso apwáxók ekyókxoho aksok cha'a kaxének apwáxók ektaha ekmanyása; hakte weykmók ekmanyása m'a ektémakxa nak elchetamso apwáxók.

SAN MATEO 15:10

Apkeltamhok axta elakxegegmohok énxet Jesús. Aptahak axta apkeláneya s'e: —Kóleyxho, kólya'asagkoho nahan:

SAN MATEO 15:12

Keñe axta apya'aweykxo apkeltámeséyak Jesús. Aptahak axta apcháneya s'e: —Apkelnatha'awók énxet'ák fariseos apkelleg'a xa aptahakxa nak appeywa exchep.

1 TIMOTEO 4:3

Megyohók cha'a antegyek entáwa xa énxet'ák nak. Megyohók nahan cha'a antók ma'a mók xama aksok nentamakxa nak, ektaha axta Dios apkelané yakwayam enxoho etawagkok ma'a énxet'ák apteme nak melya'áseyam, tén han etawagkok ma'a énxet'ák ektaha nak apkelya'áseykegkoho m'a amya'a ekmámnaksoho nak, egkések nahan ekpayheykekxa apwáxok Dios eñama xa aptéyak nak.